清真牛肉館 (打鼓嶺道)

营业中

休息中

記得十幾年前曾經特登走黎買過牛肉餅返屋企食，嗰陣好似係讀緊大學，轉眼十幾年了，第一次黎堂食，風味依舊，一啲都無令人失望。叫左個咖哩牛腩、雞絲海蜇、羊肉春卷，最緊要當然係牛肉餅。咖哩牛腩應該係我食過最好味，佢有種獨特嘅香味，啲牛腩又好林又入味，介乎係似羶不羶之間，有種令人一吃再吃嘅衝動，一定要配飯吃，我諗淨係啲汁可以送3碗飯。雞孌海蜇好香麻油味，不過相比起來就無甚特別。羊肉春卷熱辣辣即炸，好鬆脆香口，不過啲羊肉就有啲韌。最好味一定係牛肉餡餅，一咬啲肉汁噴射而出，足足有三湯匙咁多肉汁，就算擺到最尾先食依然後滾熱辣，味道咸香濃厚，同十幾年前係一樣㗎。

聞名已久既清真牛肉館, 因為地理位置係九龍城唔係甘就腳,所以一直都冇去試,直至上星期食到此店外賣的咖哩羊腩..... 外賣翻熱都好有羊味, 所以決定長途跋涉去店舖一試訂了晚上7時, 要人齊先比入座, 當時人唔算太多, 座了6,7成位左右.地方亦唔係太迫, 5個人座6人座倘算舒適.我地分左3輪點菜,第一輪點了雞絲海蜇$78海蜇彈牙爽口,青瓜切條亦十分爽口清甜, 雞肉絲不"粗鞋",加上少量的麻醬同芝麻, 青甜中和番芝麻味,成碟食物溫度涼涼的, 好吃! 雞食我地點了兩款, 另一味就係麻油雞(例)$74麻油雞並沒有油淋淋既感覺, 點了一份例牌, 一小份也包含了雞腿在內. 肉質滑滑的, 可惜例牌份量太少, 5個人, 我只吃到一件就比同台的吃清!!上菜神速, 只是包點需時比較耐點了一客炸銀絲卷$19送咖哩羊腩銀絲卷炸得很干身, 內裏一絲絲很軟熟.沾上咖哩汁吃很不錯咖哩羊腩($69)的咖哩是香港人的口味, 唔太辣, 羊味很出, 肉質好林, 肉同脂肪既比例岩岩好, 食落口啖啖肉之餘亦有羊油香! 一碟小小的, 當中只有一兩舊薯仔, 羊腩很足. 推!!牛利濃茄湯年糕$52"濃茄湯" 令我期望真的是質地杰杰

今日一早諗去邊食晏，想起好耐未試過嘅清真牛肉餅，於是走去幫襯。去到後，見到已經有人在等位，於是跟隊啦。點知過左一陣間，有伙計話去新舖唔使等，即刻有位，咪拿拿林跟去新舖囉。嘩！原來新舖比舊舖大成倍，地方也靚了，感覺更佳。牆上貼滿新舊報章雜誌關於佢嘅食評，加埋真係唔少，呢間舖果真犀利！原來呢間新舖開左都未夠三個月，宜家咁嘅經濟環境都可以逆市擴張，果真係真金不怕紅爐火呢！一坐低，即點馳名牛肉餅一客（兩件）、咖喱牛腩加蔥油餅、青瓜麻油冷麵同雞絲海蜇。牛肉餅一貫的好吃，果真全港第一，總店同分店水準一樣咁高！咖喱牛腩味道也好，不過如果多d牛腩，少d牛筋會更好。青瓜麻油冷麵好香，好惹味，一邊食牛腩，一邊食冷麵，味道好夾呢！雞絲海蜇都有水準，食落感覺很是清爽。其實呢度仲有好多新加的菜式仲未試過，第時可以來試吓水準係咪一樣咁高呢！