友義氣‧酸菜魚

营业中

休息中

🐟友義氣•酸菜魚 (葵涌)#友義氣酸菜魚 #葵涌 #酸菜魚我哋梗係叫咗佢個招牌酸菜魚，佢個酸菜魚可以選擇嘅辣到有不辣/小辣/中辣/大辣/魔鬼辣📋$188 標準 酸菜魚(🌶中辣)配菜方面：🔅萵筍 🔅芽菜 🔅酸菜 🔅寬粉 🔅金菇上枱已經香味濃郁。食落去鱼肉好有驚喜🙌🏻處理得好好完全係冇骨❗️魚肉係又滑又嫩🤤十分鮮味。每一片鱼肉都好大塊❣️湯底食得出係冇落味精，又酸又麻又開胃👍🏻👍🏻攞啲湯汁撈飯就一流。💁🏻‍♀️美中不足的是，個人認為辣都唔係好夠，建議食得辣嘅朋友仔可以叫大辣😆📋$58 雞絲粉皮 分量幾多下🙌🏻濃濃嘅麻醬香味，落咗好多醬汁👍🏻雞絲也毫不吝嗇。粉皮質地爽口，配上青瓜絲的清爽，正❣️🍹我同有人一人叫咗一杯特飲▫️$22士多啤梨乳酸▪️$22 菠蘿梳打 -兩款特飲都加有爆爆珠增加口感 。🏘設有卡位，整體環境枱面乾淨。 🤵🏻🤵🏻‍♀️ 態度良好，一去到就會問你會唔會叫招牌酸菜魚，可以幫我哋落咗先，就唔使等咁耐👍🏻小菜就叫我哋慢慢睇。📍 地址：葵涌榮芳路9號恆景商場地下G01&11A號舖 (港鐵葵涌站D出口步行約8分鐘)

同阿仔超愛食水煮魚，今次聽到一位係葵涌返工嘅朋友推介，呢間店除酸菜魚好味，原來「水煮魚」同樣好味。所以趁住今日阿仔行完書展之後，專誠去試吓。餐廳位於葵涌恆景商場地下。去到大概兩點左右，店員十分有禮，很快已經安排了卡莊位給我們，目測店內仍有不少食午餐嘅打工仔及街坊。店員細心介紹下午兩點至有八五折。除推介招牌酸菜魚，亦介紹如果愛食辣一定要試吓水煮魚。二話不說立即點了《水煮魚》，然後再慢慢選其他食物。我哋再點了一份《雞絲粉皮》、《椒鹽鮮魷》，再加兩杯珍寶凍飲。《水煮魚》（$198）果然超好味，魚片十分滑，重點係完全冇骨。好奇問過店員，原來採用了黑魚。水煮魚除了大量魚片，連配料都十足，有萵筍片、大豆芽、金菇菜、木耳及薯粉。我們選了一般辣，辣度適中，本人覺得湯底很夠香，如果食得辣，可以不妨挑戰下大辣。《雞絲粉皮》（$58）呢個小食，每次食水煮魚都必食，係最好嘅配搭，因為食完辣再食啖配有麻醬、青瓜絲嘅粉皮，立即清新曬，啱中和一下水煮魚嘅辣。《椒鹽鮮魷》（$98）面層炸粉醬炸得夠香脆，魷魚肉肥厚，椒鹽咸香，十分惹味。跟餐只需加$8 可轉珍寶凍飲，珍寶凍飲真係超大杯，吾怕食完辣吾夠飲品。

最近戒口成功,老公話比D獎勵帶我去食酸菜魚。原來佢話之前工作屋苑食過一次,好味到記到而家!友義氣•酸菜魚位於葵芳邨附近,與地鐵站有一段距離。不過只要係美食幾眺遠都無問題。店舖雖然細小,但打理整齊乾淨。除咗主打酸菜魚,仲有其他一般廣東小菜。唔駛諗,必叫一定係酸菜魚啦!一上枱非常吸睛,明明叫小辣但都比佢D辣椒嚇親。店員解釋所有辣椒都經炸過,辣度會減半。果然係我可接受範圍,見到碟上的字句一次要飲多幾啖湯啦。想話友義氣的酸菜魚湯真係好有衝擊性!!那種麻痺過引感覺非文字能夠形容!除咗鱸魚,仲有酸菜,豆芽,金菇。最開心底下的紅薯粉吸收晒酸菜魚湯的精華,真心正叫咗個雞絲粉皮黎餸辣,粉皮夠凍夠滑。若然雞絲份量再多D就更好 XD鮮果咕嚕肉係老公叫的。仲想話佢點解叫D咁普通的餸。但一上枱我就明白了。明顯在擺盤設計上花了心絲,菠蘿厚切勁大粒。仲有約火槍燒過,更為香甜。超級有驚喜而咕嚕肉本身是用豬柳的位置,完全無骨無肥肉。真心推薦友義氣雖然位置唔太方便,但日後如果諗超酸菜魚我都必定會再黎探佢。

限聚令放寬之後，把握時間夜晚去堂食今次選擇咗未試過而且一直期待的酸菜魚😌1️⃣ 雞絲粉皮頭盤食落清新 唔會太油膩粉皮粗幼剛好 幾滑身 與雞絲、青瓜絲拌勻 再夾起一齊放入口 😌果然係開胃之選2️⃣ 鮮果咕嚕肉有別於平常的咕嚕肉 呢到係用新鮮菠蘿 先燒香表面再切粒拌碟花多少少功夫同心思 吃得岀誠意👍🏻咕嚕肉汁甜酸適中 炸粉漿唔厚重食落啖啖肉 好滿足😛3️⃣ 友義氣·酸菜魚 （標準）非常足料！有蓮藕片、橋頭、酸菜、金菇、辣椒、白蘿蔔、粉皮等魚肉無骨，肉質鮮滑配上湯底的酸菜味加上麻辣香，非常入味！ 食落口 首先食到海魚的鮮味再慢慢滲岀酸辣同麻香叫左小辣🌶 辣味適中 唔會掩蓋哂食材的鮮味酸同麻辣恰到好處👍🏻4️⃣ 友義氣·小炒皇非常足料的小炒皇，材料有蝦乾、炸銀魚乾、魷魚、帶子等加上韮菜花爆炒🔥 加埋卜卜脆的腰果 食落非常香口 又鑊氣十足👅餐廳環境乾淨企理，座位不會太逼夾，職員服務態度不錯。