友義氣‧酸菜魚

营业中

休息中

最近戒口成功,老公话比D奖励带我去食酸菜鱼。原来佢话之前工作屋苑食过一次,好味到记到而家!友义气•酸菜鱼位于葵芳邨附近,与地铁站有一段距离。不过只要系美食几眺远都无问题。店舖虽然细小,但打理整齐干净。除咗主打酸菜鱼,仲有其他一般广东小菜。唔驶谂,必叫一定系酸菜鱼啦!一上枱非常吸睛,明明叫小辣但都比佢D辣椒吓亲。店员解释所有辣椒都经炸过,辣度会减半。果然系我可接受范围,见到碟上的字句一次要饮多几啖汤啦。想话友义气的酸菜鱼汤真系好有冲击性!!那种麻痺过引感觉非文字能够形容!除咗鲈鱼,仲有酸菜,豆芽,金菇。最开心底下的红薯粉吸收晒酸菜鱼汤的精华,真心正叫咗个鸡丝粉皮黎𩠌辣,粉皮够冻够滑。若然鸡丝份量再多D就更好 XD鲜果咕噜肉系老公叫的。仲想话佢点解叫D咁普通的𩠌。但一上枱我就明白了。明显在摆盘设计上花了心丝,菠萝厚切劲大粒。仲有约火枪烧过,更为香甜。超级有惊喜而咕噜肉本身是用猪柳的位置,完全无骨无肥肉。真心推荐友义气虽然位置唔太方便,但日后如果谂超酸菜鱼我都必定会再黎探佢。