日喜樓 (已結業)

呢日同左個好耐冇見既朋友約左食飯，諗住好耐冇見，想搵間坐得舒舒服服既餐廳，係銅鑼灣既地舖比我搵到有野好野，緊係要帶佢黎食啦，餐廳似乎幾大，要落一層係地庫，同埋環境好光猛，室內設計都比人有種高級既感覺。一坐底侍應就比左部平板電腦我地，可以係部平板到睇下有咩好食，太多菜式都唔知揀邊樣好，侍應姨姨就推介我地一場黎到點都要試下佢地既招牌菜-北京填鴨啊，同埋水煮魚都出名嫁，咁我地就決定左點「北京填鴨」，「水煮桂魚」，「雞絲粉皮」，同埋「砂鍋雲吞雞」。1.北京填鴨 半隻 $228我地人少少食唔到咁多份量，所以叫左半隻試下，原來半隻份量都唔少嫁，而且配以大葱絲、黃瓜絲、甜麵醬，用薄餅卷着食用，佢既薄餅卷幾透薄，令到食落去既口感唔會太乾，同埋加上片皮鴨既油脂，食落更香，唔錯。2.水煮桂花魚（原條）$288呢個就厲害啦，一上菜發現原來都幾大碟，個魚頭好壯觀，同埋聞到一陣陣好辛辣剌激既香味，睇到表面放左好多辣椒仔，桂花魚既質地好嫩滑，而且非常有魚香味，加上辣辣地，仲好入口，而且魚下面仲有d水晶粉皮係到，質地彈牙得黎又滑，好好味。3.雞絲粉皮 $58另外食中菜必點既雞絲粉皮同樣出色，有少少花生醬點綴下，一齊

今晚同女友人整日都係港島區遊走我地由晏晝係灣仔飲完茶四圍行，行混成個灣仔行到又攰又餓。。到夜晚去左銅鑼灣飲左杯東喜茶又覺得差唔多係時間食晚飯就係隔離呢間日喜樓坐底左食飯.. 其實我地之前已經係灣仔食過一次日喜樓都講緊成年幾前既事，估唔到佢而家開左好銅鑼灣時代廣場附近.. 仲要底食左好多，野食花款都比以前多左. 我地叫左砂鍋雲吞雞，雞絲粉皮，迎賓賽螃蟹，黑松露炒蝦仁，北京填鴨，羊肉搶湯麵，京燒羊，奶油娃娃菜，高湯翡翠苗同埋吾是南瓜甜品..佢樣樣野都keep到當年既水準，甚至有d新菜式係比以往更上一層樓 , 我想講佢講黑松露炒蝦仁真係好惹味爽口, 個京燒羊平脆肉夠酥..我好鍾意佢個奶油娃娃菜超好味d奶油.. 北京填鴨d皮燒得都好脆。。 成餐飯我同女友人都極為滿意

2019年3月10日。雨。銅鑼灣。呢日有小小雨，凍凍哋，所以放棄食最愛嘅日本嘢，嚟食呢間新開無耐嘅日喜樓～餐廳新開張期間有85折！抵食！位置喺登龍街，正正就喺鵝頸橋對面落一層就到餐廳啦～座位非常闊落～中間有幾張圓枱，側邊嘅就係梳化位咁啱見到其中一枱圓枱客食排場十足嘅百碟宴效果真係幾震撼～坐得好舒服～落單前先用iPad睇餐牌，環保得嚟又唔怕舊～感覺仲會高級啲添～菊花茶，$12每人茶位費$12，咁選揀當然唔止菊花茶啦～仲有各類常見嘅普洱、鐵觀音嗰啲揀嘅～茶壺上面都印咗餐廳logo滲入咗傳統天圓地方嘅哲學～酸辣海參羮，$58酸辣程度唔算高，用料都幾足～會見到一嚿嚿嘅海參，仲有雞絲、木耳絲同筍絲咁～酸酸咁，幾開胃～薺菜雞絲炒年糕，$98年糕有埋咁上下厚度，但口感超級軟糯～鍾意食煙韌嘢嘅朋友一定要試下年糕～因為配料只有薺菜同雞絲，味道較清淡而且店員主動送上桂林辣椒醬，嗜辣嘅朋友撈埋落去個年糕度食，即刻增添惹味～酸菜斑片，$178呢個餸帶少少辣，而且其中一款青色嘅辣椒同酸菜顏色好似，食嘅時候要小心留意下～斑片嫩滑可口～無骨啖啖肉～啱晒唔識吮骨嘅我～呵呵～除咗斑片，不得不讚下啲配料！酸菜故之然好味啦