花朝軒 (已結業)

山長水遠嚟到西貢，果然冇令我失望，特登嚟補祝情人節，源於個餐廳名實在好有詩意，令人有太多思考！環境都幾古色古香，無論茶壺，擺設都滲透住古雅嘅感覺。樓上嗰層仲有個戶外位，方便老公可以出去吸吸煙！講返食物先，呢度有好多唔同套餐，而今日只有我同老公兩個人，就揀左餐廳嘅自選晚餐。首先，冷盤我地揀左雞絲粉皮同北京醬蹄，醬蹄肥瘦適中，配以辣豉油，更加惹味。雞絲粉皮勁多麻醬，好開心，好多地方都乾巴巴㗎，呢度夠足料！跟住就到「名菜」：花雕話梅醉蟹腳，好好食呀，可能我好鍾意花雕味，又鍾意食蟹，兩樣夾埋真係天衣無縫！花雕味勁濃郁，蟹肉又夠厚身，好滿足呀！連粒話梅肉都「鯨呑」埋再嚟原盅雲呑雞，值得讚係雲呑皮夠薄！主菜揀左松鼠魚塊及蔥爆羊肉，魚塊就類似咕嚕魚咁樣，我見到枱枱都叫，我就緊係唔執輸，酸甜適中，魚的咬口感覺新鮮，炸粉唔會太厚，就算凍左都冇硬或者腥的情況！至於羊肉，有些微羊騷味，鍾意食羊的人一定鍾意，羊最重要就係呢陣騷味，我個人覺得可以再勁啲都得呀！最後的甜品：杏仁豆腐完滿的一餐，餐廳仲有早餐同下午茶，可惜我住得遠，好似好抵食呀，希望有機會再嚟試！ps嚟到的時候，全場滿座，樓上樓下都坐滿人！好彩有訂位

入到西頁，每次都會沿海邊吹下海風，之後就會入去中心位置搵野食，今次係帶住媽咪同家姐，揸車入黎時經過時，見到有一間新開張既餐廳，外面好多花牌，好似好得咁，所以就決定一陣過去試! 原來有得叫點心! 掂，岩曬阿媽口味! 細細個對飲茶麻麻，大個左就好中意! 又可以陪阿媽!家姐就無咩所謂，都係睇我地頭。3個人食完仲有少少位放其他食物，就再點多個炒面，我唔記影相，不過係炒得幾好食，唔係油林林果隻，係彈牙既面! overall 都係滿意，員工好好，吼到我媽媽好開心，算係幾識打關係，都希望佢可以長期係西貢，咁我間唔中入黎都仲有個地方hea 下飲下茶，見佢地努力咁推廣，如果滿意就可以畀d意見，今次幫下d 本地餐廳! 畀個good 你! 加油!