嘉樂冰廳 (新村街)

营业中

休息中

今日同屋企人行荃灣，行到攰搵個地方tea一tea，一睇見到嘉樂咁多人讚又好似好特別，所以決定一試。去到門口已經見到有人排隊，冇得book枱，冇得攞飛，好彩今日天氣都唔熱。我地等咗30分鐘度先有枱。依個火腿奄列係小，小已經大到咁，真係足料，不過佢比較油，可能咁樣冇咁易燶。三文治個旦又係勁厚，加埋牛肉塊，好多汁好好味!依隻雲吞係有原隻大蝦收埋係入面，炸起相當香口。雞翼係咁多種食物中最唔特別嘅，係非常普通嘅鹵水汁做底，仲要唔知點解加埋個泰式辣醬，一啲都唔夾。都係普通嘅沙冰一杯。店面比較細，只有8張四人枱，想食佢就要預咗等(等入坐，等落單，等食物，等埋單)

因為連續幾日加班 週末放假唔想又留係港島區 所以決定去荃灣 遠少少 搵下野食 其實知道荃灣有好多野食 既然黎左 緊係要試下出名既冰室 地點唔難搵 搭西鐵 沿如心廣場行 再行入街市就係 雖然冰室周圍環境麻麻 又多人又多貨車 但勝在夠耐歷史 有懷舊風味由於好多人都慕名而黎 我地兩個都排左差不多一個鐘 入到去仲係迫迫貢兩個坐一邊卡位 食物以湯麵 三文治 奄列為主 飲品就有懷舊蓮子水 雞蛋水 我地兩個人參考左附近幾枱後 叫左三樣野食 一人一杯飲品蛋治烘底 (烘底+$2) - 個蛋好厚好厚 一啖都咬唔哂 相比下塊麵包就變到好薄但亦然好脆 蛋好滑 好夠熱 食食下就覺得好膩 膽固醇應該會上升炸菜肉雲吞 - 饀料係九菜豬肉 皮唔厚 唔會一啖咬落去成舊粉 好脆好香口 不過係多油左少少 好底食 一碟有10粒雞翼 - 本身冇諗住叫 但俾對面枱吸引到 雞翼好大隻 色水好靚隻隻都上哂色 脹卜卜 食落去唔會有浸雪味 食得出有麻油香 飲品就冇特別 我諗呢餐係食茶餐廳最貴之一 不過有特色 試下又冇

呢間人頭湧湧既嘉樂冰廳，今日同朋友得閒，於是就決定排隊都試下佢。好彩地前面雖然有１５人，但我地等左１５分鍾就有位，可能係第一輪客人食完既關係入面陳設就好似一般既冰室格局，幾迫，左右有卡位，中間有圓台甘由於太多人點菜，所以樓面做野有少少慢，　要有Ｄ耐性我地一行三人點左炸雲吞　炸得好脆而入面既雲吞熱辣辣蛋奄烈　好大個起碼有三隻蛋，蛋煎到蛋白同蛋皇有少少分離食落有質感同滑，而且火腿都超多。咸牛肉三文治　咸牛肉碎得黎好濃咸味同牛肉味，配以沙律醬同生菜剛好，出面包皮拱底較薄，食落鬆脆！咖哩牛腩公仔麵　公仔麵正常貨色勝在飛水夠乾身撈埋咖哩汁同比較煙ＵＮ既牛腩，　好味雞翼公仔麵　雞翼豉油醃得好好味而且夠滑阿華田沙冰　就係好大杯既阿華田味沙冰，不會太甜既阿華田味帶住沙冰既質感，不錯總括而言，食物好大碟，而且用普通既食材就可以整都甘多味，係日子有功先可以做到出黎，支持！溫馨提示，若果想飲沙冰，一坐低要點左先，因制作需時！

第2次食啦今次冇第一次等得咁耐.......但佢個位真係令人等到發DIN又阻住左其他鋪頭咁....唔係幾好意思入到去叫野食開頭覺得廿幾蚊雲吞河有D唔抵SOR因為平時食開十幾但係見到碗野即刻唔係咁唸好大碗同埋好多雲吞一見到時唔見哂D雲吞原來係哂底有成7粒咁多TIM好感動感動還感動食唔哂粒雲吞好夠味唔係好咸就叫有味係真係好多汁!GD食完呢到雞翼就知咩係滑呢間野最推的就雞翼講真.....食過咁多最好係呢間!$27 6隻個奶昔沖得岩岩好最最最可惜的係真係唔係好抵...叫個面都22蚊啦佢杯野都22蚊真係趣事:買單果時發現唔見左張單,見到地下有張類似野就遞比佢啦,原來張單係落凍檸茶GE@@