影片
更多
2023-12-30
13 浏览
近期食過最高質既居酒屋🌟「酒屋一杯喜」集刺身﹑壽司﹑串燒﹑日本料理於一身，仲有每日限定時令刺身，連刁鑽既雞部位串燒都有😍 食乜都有.ᐟ 餐廳雖然開業無耐，但係超高人氣🔥 平日放工黎到用餐，店員表示差唔多full booking，所以只有吧枱選擇。想食既朋友記得提早訂位呀.ᐟ餐廳環境都好正，日系木質裝潢，牆身貼上多張日本海報🎌大屏幕仲播放住日本街景，超有代入感，頗有地道居酒屋氣氛.ᐟ 室內外都設有用餐區，環境寬敞，座位闊落，仲有包廂房間，岩哂一大班朋友黎chill下.ᐟ❝ 白松露薯仔沙律 $78 ❞餐廳招牌菜之一🌟 有咩咁特別？原來係加左白松露味道既薯仔沙律，松露味道突出，口感柔軟，面層仲灑上咖哩粉增添惹味口感，頗有驚喜🥹❝ 活赤貝刺身 $58 / 腦天刺身 $78 ❞當日限定既時令刺身，揀左兩款黎試~ 腦天係吞拿魚頭頂既肉，每條魚只有兩塊🙀 因此極為罕有珍貴，連平時食omakase都未見過.ᐟ 腦天勁多脂肪，魚味濃郁，炙燒後更逼出豐富油脂，真正入口即溶🤤 而活赤貝都好新鮮，入口爽脆，鮮甜可口。❝ 壽司盛合5貫 $268 ❞唔想諗食咩好，可以試下由廚師發辦既5貫壽司，保證食材新鮮👍🏻 當
餐廳環境都好正，日系木質裝潢，牆身貼上多張日本海報🎌大屏幕仲播放住日本街景，超有代入感，頗有地道居酒屋氣氛.ᐟ 室內外都設有用餐區，環境寬敞，座位闊落，仲有包廂房間，岩哂一大班朋友黎chill下.ᐟ
❝ 白松露薯仔沙律 $78 ❞
餐廳招牌菜之一🌟 有咩咁特別？原來係加左白松露味道既薯仔沙律，松露味道突出，口感柔軟，面層仲灑上咖哩粉增添惹味口感，頗有驚喜🥹
❝ 活赤貝刺身 $58 / 腦天刺身 $78 ❞
當日限定既時令刺身，揀左兩款黎試~ 腦天係吞拿魚頭頂既肉，每條魚只有兩塊🙀 因此極為罕有珍貴，連平時食omakase都未見過.ᐟ 腦天勁多脂肪，魚味濃郁，炙燒後更逼出豐富油脂，真正入口即溶🤤 而活赤貝都好新鮮，入口爽脆，鮮甜可口。
❝ 壽司盛合5貫 $268 ❞
唔想諗食咩好，可以試下由廚師發辦既5貫壽司，保證食材新鮮👍🏻 當日有醬油潰鰈魚﹑銀鱈魚﹑間白魚﹑左口魚﹑三文魚，每片刺身都好厚切，新鮮甜美。最欣賞係日本醋飯整得好香，簡直錦上添花🌸
❝ 厚切牛舌 $58 ❞
真係好厚切😂 食落爽脆又滿足.ᐟ 簡單用鹽﹑黑椒調味已經好香口.ᐟ
❝ 雞皮 $38 ❞
燒到脆卜卜，幾有彈性，鹹香美味😋
❝ 七里香 $62 ❞
即係雞尾，超強油份🤩 係成隻雞脂肪含量最多既部位，入口多汁.ᐟ
❝ 紫蘇雞皮蝦卷 $68 ❞
必試特色串燒👍🏻 以雞皮包住紫蘇葉同大蝦，雞皮燒至脆身，爽口彈牙既大蝦帶有紫蘇香氣，多層口感超豐富.ᐟ
❝ 月見雞肉棒 $68 ❞
居酒屋必點雞肉棒🐓 雞肉混入軟骨後有嚼勁，與日本蛋液係絕配.ᐟ
❝ 雞肉丸野菜鍋 $98 ❞
野菜鍋真材實料，有口感扎實既雞肉丸﹑香滑豆腐﹑雜菜﹑粉絲，而最正係個日式高湯汁，忍唔住當湯咁飲哂佢🤤
❝ 秘の炒飯 $98 ❞
唔想食清一式既炒飯，可以試下呢個炒飯，保持神秘感🤫 事先同店員講朋友唔食牛肉，廚師準備左叉燒炒飯，以炒蛋﹑蘿蔔粒﹑香蔥作配料，炒飯粒粒分明，頗有鐵板燒風味，超好食👍🏻
张贴
