廣式石磨腸粉

营业中

休息中

🫖中式 💮小店 🚹1-2人——————隱身於上水舊墟，一個閒逛會見到貓🐈、烏龜🐢同鸚鵡🦜嘅小社區。店內會見到石磨，舖內只有3-4張膠凳，多人等外賣甚至需要企出門外。腸粉即叫即整，有鹹甜豉油可揀，熱辣辣冬天食最滿足😬香港大部分嘅腸粉、小食店屬於「布拉腸粉」，將米漿放於蒸具或布上蒸成簿皮；而「石磨腸粉」會用石磨磨米漿，再將米漿同餡料放入抽屜式蒸架蒸熟。由於腸粉皮好簿，通常會卷起皺皮，所以又叫「皺皮腸粉」。🐻‍❄️第一次試石磨腸粉，叫左雞蛋腸($17)，腸粉好滑，揀左落加左甜豉油，不過甜豉油味道偏淡，會食到腸粉本身特別啲味道🤣🐻🐻‍❄️：不過味道就唔太啱我哋嘅口味，可能食慣「布拉腸粉」，通常食鹹豉油+餡料嘅味道份量好多、極飽肚！🐻‍❄️當早餐食，一個人根本食唔晒，性價比好高👍🏽結論：值得一試👍🏽如果經過都會想試吓有其他餡嘅腸粉

好想食滑腸粉，搵下上水有咩即拉腸粉先。Openrice搵到呢間石磨腸粉係上水。今日就去試下先。叫左一份雞蛋腸，唔錯，份量足，滑口又快手。一層層既腸粉係包住煎左既雞蛋。自家制既食物係健康d ，但都可能因為咁味道較淡。如果食開濃味既朋友仔，可會想加多d調味料或辣椒油 或者餐廳係煎雞蛋既時候加d鹽落蛋到咁可能味道會較出。門口只有一張枱，咁岩我地去到無人排，多數都係做外賣所以我地可以坐底慢慢食～下次會再幫襯試埋其他味既石磨腸粉

偶然行下見到有哩間小店，門面不太起眼，但入到去乾淨企理小店只有老闆及老闆娘打理，食物款色不太多，但樣樣都好好味😋腸粉漿同豆漿日日新鮮磨，好有心機今朝叫左雞蛋腸，叫老闆加埋少少生菜，只係$15蚊，即叫即做，好滑又有米香，加菜都唔使加錢，老闆好好人加埋杯新鮮石磨豆漿，豆味重又唔太甜，好滿足