泰Grill (恆隆銀行大廈) (已搬遷) 新店位置

耐唔耐有時都想食吓串燒，諗起之前食過當中，印象深刻嘅，係喺尖沙咀food court裏面嘅一間泰式小店，念念不忘嘅係佢哋嘅燒魷魚鬚，啖啖肉又香口，決定再嚟試過。今次再嚟，見到唔少新款，唔錯，不繼更新餐牌內容畀客人新鮮感，讚👍。📌雞髀菇雞髀菇係新出，有兩串，每串有三大塊厚切，份量足，除咗燒得香，醬汁係另一吸引，唔係太食得出係咩醬，但總之就係同隻菇味道好夾，小編非常喜歡，滿分💯。📌雞泡魚乾雞泡魚乾又係新出，烤得乾身香口，食落煙韌唔黏牙，正，滿分💯。📌白鱔白鱔都係新，鱔烤過冇咗腥味，而鱔皮烤到香脆，堅脆，加上好味出色嘅醬汁令佢更正，唯一失望係只有一件，如果打孖上就更開心，滿分💯。📌串燒combo串燒點少得肉串，之前係分開叫，今次可以叫一碟有哂豬牛雞，非常照顧客人需要，讚👍。佢哋啲串燒肉質特別嫩，豬肉串雞肉串都係，而醬汁又特別出色，牛串燒就有牛肉乾的味道，但有靚牛扒嘅香嫩肉質，將所有好嘢集於一身，究竟廚師點做到㗎，滿分💯。📌汁燒魷魚鬚這裏嘅皇牌，上次食過，今次都要再食，原隻上味道一樣出色冇跌watt，滿分💯💯。

今日路過尖沙咀加連威老道，原來呢度新開咗個Food Court，呢度入面嘅環境唔錯，坐得都幾舒服。呢度仲有好幾間餐廳。我今日試咗呢間叫泰Grill，都係以泰國嘢同埋串燒為主。我叫咗下面幾款試下。泰式炒金邊粉 $75金邊粉酸酸甜甜，仲有幾隻鳳尾蝦，加埋碟邊嘅辣粉一齊食好惹味。海南雞飯 $70油飯好香，海南雞十分嫩滑，就咁食都已經覺得好食，點埋啲辣醬就更加分。串燒 (3串) $48雞、牛都唔錯㗎，但最有驚喜嘅係豬肉串，估唔到豬肉都可以燒得咁嫩滑，食串燒一定要點埋有花生香味嘅沙嗲醬一齊食就更有風味。雞髀菇 (一份兩串) $25呢個雞髀菇燒得啱啱好，冇過火，仲好軟好juicy，秘製嘅醬汁有驚喜。白鱔 $38白鱔皮燒得都幾脆，鱔都幾滑，味道都唔錯。總結：餐廳雖然係Food Court,但呢度嘅環境一啲都唔嘈雜，仲坐得都幾舒服。餐廳店員，店長都有親自遞送食物，服務唔錯。食物水準都好，特別係串燒方面。下次再嚟呢度附近都可以再嚟捧場。