旅鍋火鍋私房菜專門店 (已結業)

天氣又轉凍, 又要打邊爐, 今次去佐一間朋友介紹話好高質既飛機主題火鍋店, 位於尖沙咀嘉芙中心地庫, 門面都幾靚, 行住樓梯落去感覺似係機場一推開門就聞到熟悉既打邊爐味道, 職員好親切地招呼我地坐低, 好快咁上佐一碟花生同埋茶水, 仲有醬料俾我地溝來點醬平時打邊爐湯底多數揀蕃茄湯, 今次想特別啲, 揀佐一個萬州烤魚, 烤魚好大條, 份量好足, 個底仲有好多配料, 眼見有腐皮, 芽菜, 萵荀, 辣椒, 等五分鐘就食得, 口感啱啱好, 再煮耐啲可能會太腍, 食得出係好新鮮好嫩滑, 有烤過係唔同啲, 好香好好食食到咁上下加料打邊爐啦, 我地分別嗌佐一個海鮮拼盤, 一個雪山和牛拼盤, 海鮮拼盤係大廚精選時令海鮮, 有機會次次去都唔同, 今次係有蟶子皇, 海蝦, 蠔, 帶子, 再加上每人贈送一隻非常大隻既新鮮鮑魚, 食落真係感受到好鮮甜雪山和牛拼盤可以一次過試晒唔同口味既牛, 啱晒我呢啲選擇困難症患者, 拼盤包括有A4和牛,  本地手切牛, 極黑和牛肉, 牛小排, 和牛舌, 牛胸爽, 我最鍾意食A4和牛同埋牛小排, 好有牛味, 碌一碌就食得, 好好好好食食到呢度已經好飽, 但又想食下蔬菜平衡返,

太耐冇得去旅行啦. 唯有去有旅行主題既餐廳感受返去旅行既興奮心情, 重點都係要去食嘢, 今次搵到一間係尖沙咀既旅鍋火鍋私房菜專門店, 由落樓梯到入門口都勁似行緊去機艙大門, 一入門口就見到出境指示牌, 扶手梯, 真係好正, 餐廳牆身有好多唔同國家既主題, 好靚, 見到坐位多數都係圓枱, 最少都四個位, 如果多人聚會黎呢度就啱晒啦, 加上打邊爐緊係越多人越開心見到餐牌湯底有好多好特別既選擇, 樣樣都想試下, 諗佐好耐最後揀佐萬州烤魚, 無諗過份量咁多, 啲芫茜好新鮮好食到不得了, 烤魚雖然有辣椒係入面. 但我覺得唔算辣, 唔食得辣都唔使驚食唔到, 職員話等五分鐘就食得, 烤魚好香, 魚肉好嫩滑, 好好食, 鍋底仲有好多萵荀, 腐皮, 雲耳, 芽菜等等既配料, 就咁食烤魚都飽飽地打邊爈一定要食海鮮, 我地落佐一份時令太平洋海鮮拼盤, 鍾意嗌拼盤, 因為可以咩都試下, 海鮮拼盤有海蝦, 有蠔, 有帶子, 有蟶子, 全部都係我平時鍾意食既, 全部都好鮮甜, 果然冇嗌錯, 仲有兩隻鮑魚, 肉眼已經睇得出非常新鮮, 好大隻, 食落好彈牙重頭戲係雪山和牛拼盤, 又係咩牛都想試下, 嗌拼盤實冇錯, 拼

旅鍋火鍋私房菜專門店 (尖沙咀) 📍尖沙咀漆咸道南53-55號嘉芙中心地庫-🍲平時打邊爐多數都會選擇一個價錢任食果種，勝在食幾多都唔怕傷到銀包仔🤭 雖然有無限供應，但本身食量唔驚人就理應對自己好少少，著重下肉類嘅質素啦！🤔-🛣️旅鍋個門面用咗機場做主題，一入門口就好似去咗閘口等上機✈️ 相信老闆一定十分熱愛去旅行！-🏡店內有好幾間VIP 房，每間房更可以容納最多14 人，非常適合家庭聚會！最低消費大概$2000-$3000 不等，視乎平日/weekend而定。當日係星期日，眼見都有最少兩間房book咗，幾個家庭有大有細，非常熱鬧！👨‍👩‍👧‍👦-🍽️至於大廳位置大概有5-6 張，枱與枱之間有充足間距，一啲都唔迫！-🥘首先要選擇鍋底，有多款特色湯底，更有名貴食材，價錢大概$88-$348。-🐮而我地就揀咗潮州牛丸牛坑腩鍋 $218！ 清湯底包括咗好多粒手打牛丸同多件牛坑腩。爆汁牛丸爽彈味濃，超讚！而牛腩亦炆到好入味，又非常稔！望落清澈嘅高湯都出奇地清甜，未開始打邊爐我都已經飲咗一碗🤭-✨重點一提，湯底上枱有煙霧效果，絕對係打卡位！-💕我地order咗一份和牛拼盤，丸類，蔬菜，同響鈴！而店主亦有

之前行經嘉芙中心，發現地庫開咗間非常有特色嘅火鍋店，竟然用旅行做主題，夠晒gimmick。今個周末就一於試吓好唔好食～餐廳為於嘉芙中心地庫，餐廳面積不算大，但設有多間廂房，並以唔同國家做主題，大廳有6-7張枱，走私房菜路線。見到店主都花了不少心機在裝修方面，到處都有精心設計過，例如地板是一條機場跑道，跟設有射燈，非常有趣味！湯底價錢普遍都要過百，但絕對係真材實料，我哋叫咗潮州牛丸牛坑腩鍋 $218，真係清湯腩嘅湯底，有大量配料，牛丸超多汁彈牙，牛坑腩軟淋鮮甜多汁，非常高質。職員會在你面前放湯，而材料入邊有少量乾冰，所以放湯時會煙霧離漫，夠晒特別！每位客人仲會送上一隻鮮活南非鮑魚，價值$68，而且係勁大隻！老闆真係非常闊綽😆雪山和牛拼盤 $438個拼盤非常具大，擺盤好靚，包括了A4和牛 本地手切牛 極黑和牛肉 牛小排 和牛舌 牛胸爽，其中A4 和牛 同牛小排都係勁正，雪花均勻，肉味非常鮮甜。羊肚菌鮮蝦丸/ 黑松露墨魚丸（冬甩）$58 （半份）必點推介，手打丸爽口彈牙，羊肚菌和黑松露味道夠突出，高質！手工響鈴 $58自家炸嘅響鈴，質素都可以，有幾舊比較深色有少許炸太耐海棠春蔬 （雜菜拼盤