Waffills (已結業)

Waffills, 早2年已經幫襯過它的雪榚窩夫覺得不錯。今日睇完hunger game有d hungry就去食個tea啦。起初以為佢只有甜品（以前係）但原來佢宜家有鹹waffle。我地叫左一個鹹一個甜，無咁單調。因為之後約左人食飯,叫左個窩夫烤餅沙律（＄88），light d。個沙律類似希臘沙律，有生菜青瓜蕃茄芝士，菜都OK新鮮，唔會變黃哂。雞肉切成薄片，有6片。開頭驚佢會好乾好鞋，但食落一d都唔覺，點埋個沙律醬重幾好味！不過最有驚喜係個窩夫烤餅，其實嚴格黎講佢係印左waffle樣的烤餅...哈哈！個烤餅口感好正，煙煙韌韌。整體嚟講，呢個沙律似拆開的kebab,份量一樣大但無咁油膩。女仔當lunch食啱啱好，健康又好味。甜品點左雪榚蘋果批窩夫($86)，加錢要朱古力同士多啤梨雪榚，上面灑左杏仁碎。呢個要大大力推介！蘋果批窩夫好香，有淡淡cinemon味！切開窩夫見到一粒粒蘋果，fill 滿晒！第一次食有餡嘅窩夫，覺得好驚喜！雪榚牌子係glacio, 無冰粒，好滑。朱古力味非常rich，但我更喜歡士多啤梨味，酸酸地同蘋果批窩夫好夾。再加埋杏仁碎更香之餘令口感更加豐富！So far幫襯過

難得放假既星期日，係銅鑼灣行街時見到有間窩夫店，坦白講係香港好食既窩夫真係絕無僅有，於是抱住試下既心態入去。店內裝修簡單，可以坐既位都唔多。除了平時食開甜味既窩夫，呢度竟然有鹹味提供，今次就試撕烤豬肩肉暖心窩夫。窩夫即叫即制，到手既時候仲係熱騰騰，外型用個盒裝住，其實係想方便大家外賣食，有個盒一撕開就食得，又唔會整污對手。窩夫外脆內軟，入面既手撕豬肩肉係用秘製既燒烤醬汁煙熏烤焗而成，好嫩滑，加埋香滑既忌廉芝士，同埋新鮮既酸甜蘋果粒，成個配搭好新鮮。食完鹹味都係想試返甜味，雪榚蘋果批窩夫，呢度雪糕可以揀雀巢，或Glacio。但食得都唔差果少少，當然揀Glacio啦。外脆內軟既窩夫入面充滿蘋果粒，酸酸甜甜，味道清新，再配埋入口幼滑既summer berries ice-cream同比利時朱古力雪糕，一冷一熱，好好食。凍香蕉朱古力奶昔奶昔口感十分幼滑，朱古力味濃，加上用新鮮香蕉打成既香蕉蓉同埋攪碎左既焦糖杏仁碎，非常有口感，淡淡既香蕉香味同濃濃既朱古力味，兩者好夾，一定要試。Waffills比起其他窩夫店有新意，雖然定價高了一點，但都值得一試。