Infinity Workshop Cafe (已結業)

今晚GIRL'S TALK，想搵個坐得舒服的地方，上網見到呢間樓上CAFE環境好正，一於同朋友黎試下，我地7點黎到唔太多人，仲有梳化位坐，每張檯之間都好闊落，空間感好足夠，好舒服，牆上的北歐風格裝飾絕對係打卡位，另外值得一讚的係餐具都好靚呀﹗鮮帶子虎蝦青蘋果沙律原來我地叫左同意粉一樣的餸，好在帶子同虎蝦都好好食，我地唔介意重覆再食，沙律菜好新鮮，配埋黑醋，感覺好清新。香草煙肉蛋焗啡菇啡菇好多汁，估唔到加埋煙肉蛋，味道好夾。黑松露炒鮮帶子虎蝦意粉意粉爽脆，不會太腍，黑松露味好濃。炸龍利柳伴原切炸薯條龍利柳炸得好鬆脆，皮夠薄，魚肉好滑。蝶豆花+茉莉花花茶蝶豆花同茉莉花味道都不算濃味，加埋一齊飲落好清新，原來呢度D花茶係佢地自己包架，出面冇得賣架。雪糕心太軟雪糕有朱古力、雲呢拿、士多啤梨、石板街和曲奇味可選。朱古力心太軟唔算太甜，切開有朱古力漿流出來。

今日經過旺角登打士廣場附近有好多小食，又有珍珠奶茶店，系登打士廣場呢橦大廈有好多餐廳/Cafe。Cafe環境舒適,又有好多梳化,空間又大,燈光又明亮,佈置又幾特別,牆上又有些幾有趣的圖案。忌廉明太子三文魚意粉，三文魚整到一朵玫瑰幾漂亮，忌廉混合埋明太子又夠creamy又不會太咸好夠味道，意粉又煙韌。累松露炒鮮帶子虎蝦意粉，帶子煎到金黃色好嫩滑，虎蝦又大大隻肉質爽口彈牙，意粉又好味道。蜜糖雞翼切開一半幾易咬又方便，又夠蜜糖又入味。奶油芝士千層薯，千層薯是用一片片薯仔砌成有咬口又包住芝士味道香濃，又有吞拿魚蛋沙律，煙肉片和沙律菜。雪糕心太軟自己選了雲呢拿和士多啤梨味雪糕，cream仲要系限定玫瑰味道幾特別，心太軟有流心，外脆內軟又不會太甜茉莉沙冰有藍莓，藍桔，菠蘿和荔枝混合而成好味道。

女兒說旺角沒有好東西吃，其實在登打士街廣場餐廳多着呡？我們到的時候只有兩三枱人，但只有一位姐姐在招呼，後來更發覺煮食，調製飲品都是她一腳踢！德國腸拼野菌雜薈，腸少了點，味道還可以！意式烟肉蛋汁意粉，芝士味出奇的香濃，意粉煮到剛好，值得一讚。心太軟不夠脆，扣分了。後來才發覺這裏是許多女生聚腳的地方，傍邊還坐著一位miu tv的旅遊節目主持人呢！

旺角好多樓上cafe,最鐘意和朋友週圍去試新嘢,今日走上了這間cafe. 一入門口,已經充滿了聖誕氣氛,入內感覺舒服,地方很濶落空間感十足,餐廳以開放式廚房,可以望到製作過程,唔錯。這裏可能是cafe 的原故,所以主菜不是太多選擇,反而小食和飲料就有不少選擇。我地叫咗香辣醬炒德國腸意粉 用料都十足,有數款德國腸,番茄,洋葱,芝士粉。可能餐廳怕有些客人不能吃太辣,所以辣味不重。但蕃茄的酸甜和洋蔥的香,令到這碟意粉都好開胃黑松露油炒鮮帶子虎蝦意粉這隻虎蝦真的很大隻,拆肉後,啖啖肉,好爽口。带子可以用刀义享用,而且炒得好乾身,唔會油淋淋,仲有些本菰作配料,唔會只得带子和虎蝦咁單調。雖然個碟不是很大,但份量並不少。特式漢堡三重奏這個漢堡飽餡料有大大番茄,洋蔥,生菜,還有厚厚的漢堡,包個底焗得好香脆。比一般漢堡嚟得好高,真是一口咬不下.最終要切開一半來吃。蕃茄好甜,洋蔥並不辣,最好味係個牛肉漢堡,好厚身,食落好有牛肉的香味,好有肉汁,好好味。薯條不能講係條,好長好粗身,外脆內軟。飲品的名稱好特別,茉莉~則是藍莓,茘枝,菠蘿的混合,藍藍綠綠,好靚。這杯茘枝味較濃,藍莓也好香,反而菠蘿味就偏淡,但感