牛の鍋日本料理

营业中

休息中

呢排出街食飯都驚驚10點無mtr要快啲食先返到屋企但係喺呢間餐廳食放題就無有怕事關上菜快零漏單食到飽飽先走走一入到去感覺幾好乾淨企理起碼啲餐具格面都唔會“痴立立”鴛鴦湯底加$18叫左蕃茄薯仔牛柳粒番茄較多其餘材料較少高度推薦胡椒豬肚湯🐷🐖超足料放完火鍋料落去滾真係有淡淡胡椒既辛口由於美食眾多無法一一介紹但係有某幾樣野真係唔讚唔得好似燒菠蘿好有水準🍍味道好甜有焦香完全唔會酸同有渣刺身選擇雖然唔算多但你叫幾多就上幾多從不miss order新鮮顏色鮮艷口感紮實爽口🦐大大隻鮮蝦放入個煲🦐咪話唔爽!好快熟，變靚靚橙色索埋胡椒湯底仲正另一個最大既賣點就係“即製甜品”🍒🍦唔好成日話啲男人一味食肉唔顧女仔感受啦如果帶女朋友黎呢度食一定無怨言所有甜品都好高汁我自己都唔怕肥KO左3-4款🍨🍧🍦🍰首推一定係雪糕窩夫好味到"驚豔"!!!🍭雖然雪糕份量細左啲好多所謂waffle專門店都唔夠佢好食😮😮😮入面好moist 好有蛋味外表依然好脆雪糕牛奶味超濃夾埋一齊食最正!!!(我要雪糕大杯啲!!!)另外朱古力mousse 甜中帶甘唔會一味死甜食落好似無咁肥wo珍珠伯爵茶奶凍又係超好味茶味非常強同飲緊珍珠奶茶完全無

諗著自己生日同屋企人食餐好既,睇左食評黎食,但味道真係麻麻, 食物種類不多，比較好食既有豚肉同雪糕窩夫，但其他野食都麻麻地，牛肉既味有Ｄ怪，唔好食，蝦有Ｄ＂每＂，有Ｄ失望  ／。＼　～

見到咁多好評，當然要來試下啦，得知9點半後仲有特價時段，所以今次就選擇9點半後入座，可能閒日關係加埋9點半後客人唔算多，但職員就好多，坐底好快有人招呼及上菜，牛肉有2款，1款高級肥牛，1款普通肥牛，咁當然食高級肥牛啦，價錢一樣，唔錯，入口即溶，比一般任食質素好好多，另外有大驚喜既，仲有百幾蚊仲可以任食蠔，蝦，青口蠔質素任食來講好好，順帶一提豬紅都非常入味，好味，其他火鍋配料都係跟外面差不多重頭戲來啦，甜品即叫即做，有好多選擇，質素正，同出邊甜品舖一樣，食左幾轉，真係超級回本，總結嚟講：終於明白點解有咁多好評，性價比極高，員工服務好，上菜快，無漏單，兩個人埋單都係$350，超值

之前食過一次覺得唔錯，一直諗住帶媽咪黎試，呢日終於就到一齊放假，當然要兌現承諾！二百蚊有找，又係涮涮鍋又係放題，總有一樣野岩食。值得一讚既係有多種湯底選擇，傳統同日式都有，唔怕老人家唔岩食，因為配合媽咪口味就揀左蕃茄薯仔牛粒湯。好香蕃茄味，濃郁得黎唔會過鹹，裡面仲有好多蕃茄同牛粒上菜速度好快，落單後幾分鐘已經有得食，呢度刺身都係任食咖～～三文魚厚身肥美，帶子新鮮爽口，螺片鮮甜且有咬口。呢度既火鍋肉類都係薄切，落水唔洗一分鐘已經食得，方便得黎口感仲好嫩身。但豚肉（左上）略嫌油花多左啲，推薦美國極上牛肉（右下）同羊肩肉前者比例二肥八瘦，食多多都無罪惡感～而且口感鮮嫩有牛味。羊肩肉油花比例恰到好處，口感唔油膩之餘增添左啲爽彈，對我黎講如果羶味再濃啲就更好不過怕羶既媽咪話維持原狀就岩岩好易入口。火鍋配料都幾多野揀，墨魚丸打得幾彈牙，粟米流心丸幾特別、食起黎好香粟米湯味，魚皮餃餃皮好煙韌。食到七七八八轉戰熟食～炸物炸得香口唔油，特別係個芝麻雞翼，炸得皮脆肉嫩而且係雞全翼比較少見既台式雞骨腸，食起黎好似啜梗雞翼尖咁，啖啖肉好過癮，又無一般香腸咁鹹同膠。入座既時候千叮萬囑媽咪一定一定一定要留肚食甜品