太平館餐廳

营业中

休息中

早前，男朋友建議萬聖節，請我到 <太平館餐廳> 食晚餐！ 他讓我選擇哪間分店？有銅鑼灣、油麻地、尖沙咀分店，我覺得尖沙咀加連威老道分店既方便大家！我又識路！於是，他已預先一星期前 book 位，店方留枱 15分鐘！這裡保留懷舊裝潢，連侍應們也是中年的叔叔！他們的服務態度良好，敬業樂業！值得我們後輩學習！他仔細看過餐牌後，建議點招牌2人套餐 $494 夠划算！招牌2人套餐 $494 海皇湯濃厚的龍蝦味，啖啖鮮香！內有帶子及蝦，飲到大家津津有味！我們把麵包沾湯更滋味呢！太平館燒乳鴿始終傳統風味的乳鴿，皮脆肉嫩，最啱我們胃口！比起 <利苑> 更勝一籌！煙肉炒雜菜簡單以煙肉提味！食落都夠味！太平館瑞士汁炒牛河太平館瑞士汁雞翼正是招牌菜之一！河粉吸收甜美的瑞士汁，既入味又惹味，柔軟的牛肉也入味！是水準之作！甜品：雪糕/ 椰子奶凍/ 啫喱雪糕最特色是用上金屬雪糕杯盛載，雲呢拿雪糕也是我喜歡的口味呢！椰子奶凍香甜滑溜又不甜膩！我們叫了冷熱檸檬茶解膩！

今日唔知點解好多人，好彩有訂位。不過，雖然訂咗位但係竟然寫錯姓氏，呢個要減少少分。叫咗個招牌煙倉魚，西冷牛扒，雜扒餐同一個著名梳乎厘。個牛尾湯，太濃似醬多個似湯。煙倉魚，保持一貫水準。西冷牛扒，冇咩特別。加左蒜蓉汁，都唔鮮到。個雜扒，咁同花X餐廳一樣，好普通，不過佢有個松露汁，令到菜式好味啲。個餐有個甜品跟，椰汁奶凍，第一次試，味道幾好，奶有棉滑嘅感覺。最後食咗個梳乎厘，份量細咗，味道依然。不過價錢上，並非不是不可的餐廳。

月尾出左糧，梗係要食番餐好。黎到老字號西餐廳 – 「太平館」。今晚餐廳食客唔多，加上柔和嘅燈光，所以有種好寧靜的感覺。餐廳招牌菜是焗梳乎厘同瑞士雞翼，亦都係為左呢兩樣而黎。但望下餐牌，散叫就唔係咁抵食，所以叫左個招牌2人套餐，打算食完再叫焗梳厘。提供濕毛巾，而家好少餐廳有。湯跟小餐飽一個，微暖，無咩特別。海龍皇湯 – 好足料好濃，有蝦，帶子，但飲落有啲腥，飲左一半放棄左。煙肉炒雜菜 - 炒雜菜有煙肉片，甘筍，黃椒，西蘭花，椰菜花，味道不錯。太平館瑞士雞翼 (6隻) – 雞翼大隻好滑，好淋，唔駛好用力就食到。可惜瑞士汁只係得表面，完全無滲入到雞翼入面，失望。太平館瑞士汁炒牛河 - 牛肉算嫩，河粉都彈牙，可惜瑞士汁過多，偏咸。甜品: 雪糕 + 飲品 (咖啡) 最後都無心情食焗梳乎厘。整體黎講，今餐好失望，難怪周邊食客都係遊客。五百幾蚊食呢餐，質素超級下降，真心覺得唔抵食。