上海小南國 (MegaBox)

营业中

休息中

 連續食咗十幾日西餐，好想痛快咁食餐有質素嘅中菜，所以今日約齊屋企人去MEGA BOX食小南國，貪佢招呼好又唔使等位。甜醋花生$20一坐低就奉上小食，由於炸花生用甜黑醋撈過，食落酸酸甜甜，越嗒越好味糖醋小排骨$68糖醋排骨好多地方都食到，但今次係以冷盤前菜形式上枱，糖醋少酸少甜薄薄一層乾淨俐落，一口一件，美味開胃。上海薺菜鮮魚羹$88細切上海薺菜、魚肉同豆腐，鮮魚甜味配啖啖豆腐，清新美味。雪菜毛豆百葉$75呢款菜式係上海人嘅家常菜，材料雖然簡單，但難得做到百頁湯汁飽滿，雪菜微鹹爽脆，每次嚟小南國都必定食。麻婆豆腐$68幾乎每間上海菜館都有提供，亦都係評核上海菜館嘅重要指標。今晚個豆腐做到甜、辛、辣，豆腐夠嫩滑，而且個汁唔會水汪汪，送飯一流😋江蘇烏醋香肉$98呢個新菜式其實係將五花腩先蒸熟後晾乾，以冷盤上碟，再淋上特制黑醋，肉質爽口，不覺肥膩。       可能未算全場爆滿，侍應都能笑臉迎人，翻水上菜都非常主動，服務專業親切，抵讚。