影片
更多
2017-11-27
1005 浏览
以依去到鴨寮街通常都係為左買啲電腦配件或者電話卡，又或者去食豬腸粉，估唔到呢度有一間幾隱蔽嘅食店，主打嘅麵食都非常特別，可能我孤漏寡聞啦，之前真係未食過。食店位於鴨寮街街頭，近西九龍中心方向，門面都幾隱蔽，如果唔係門口一黃一橙嘅手寫餐牌，真係未必留意到，但原來小店有咁多好評，真係後悔咁遲先認識佢地呢粉麵份量足，價錢又抵食。餐牌主打【米苔目】，店主見我地第一次黎，都她親切介紹佢地嘅招牌菜，米苔目係小店每日人手製作，工序都唔簡單，參照車仔麵嘅形式配搭，基本款以豬骨湯底加兩款配料定價$35，配料超過20款，例如豬牛雞、豬潤、鴨肉、菇、丸類等，加餸每款$7。再自選湯底，湯底選擇多，除左基本嘅豬骨湯底，可以加$3配上特製湯底，例如冬蔭公、沙嗲、鮮茄、方魚肉碎等接近10款。各款湯底都配有椰菜、韭菜。除左選配料，亦有固定款式嘅米粉，一律$28，認真街坊價，至少喺我住嘅地方已經好少見呢個價錢嘅麵食。另外亦有多款小食，價錢公道，例如新(?)出嘅碗仔翅、涼拌、豬大腸、藥膳雞腳、蒜蓉白肉/鴨肉等，定價$16-38。蟹肉碗仔翅 $19因為話係新推出，都即管一試。而且見有幾個客一入黎都有點，我諗都唔差。港式碗仔
餐牌主打【米苔目】，店主見我地第一次黎，都她親切介紹佢地嘅招牌菜，米苔目係小店每日人手製作，工序都唔簡單，參照車仔麵嘅形式配搭，基本款以豬骨湯底加兩款配料定價$35，配料超過20款，例如豬牛雞、豬潤、鴨肉、菇、丸類等，加餸每款$7。再自選湯底，湯底選擇多，除左基本嘅豬骨湯底，可以加$3配上特製湯底，例如冬蔭公、沙嗲、鮮茄、方魚肉碎等接近10款。各款湯底都配有椰菜、韭菜。
除左選配料，亦有固定款式嘅米粉，一律$28，認真街坊價，至少喺我住嘅地方已經好少見呢個價錢嘅麵食。
另外亦有多款小食，價錢公道，例如新(?)出嘅碗仔翅、涼拌、豬大腸、藥膳雞腳、蒜蓉白肉/鴨肉等，定價$16-38。
蟹肉碗仔翅 $19
因為話係新推出，都即管一試。而且見有幾個客一入黎都有點，我諗都唔差。
港式碗仔翅，面頭加有蟹肉、木耳、少量肉絲，質地稠身，味道唔算香濃，不過熱辣辣。
蟹肉碗仔翅
$19
19 浏览
0 赞好
0 留言
蟹肉碗仔翅
$19
24 浏览
0 赞好
0 留言
涼拌皮蛋 $19、手拍青瓜 $16
呢兩款小食味道基本上一樣，都係帶少少麻辣，鐘意食辣啲可以自行向店主講聲，我地初黎報到，叫左少辣試試。
皮蛋約有兩隻份量，擺盤幾靚，雖然未算流心，但都有香濃蛋香，加上少少辣汁，刺激醒胃
青瓜夠新鮮爽脆，切成一口大小，作為前菜係不錯嘅選擇，而且我地幾個分享食，相當划算。
涼拌皮蛋
$19
13 浏览
1 赞好
0 留言
手拍青瓜
$16
11 浏览
0 赞好
0 留言
香煎脆皮肉餅 $22
一共有六片，切成圓形，煎到金黃色，一上枱已經聞到好香，我心諗男朋友一定鐘意食。
肉餅一口size，有少少似煎扎肉，唔會太薄身，口感一流。外皮煎到勁香脆，收哂水，又唔乾，香氣十足，就係咁簡單就好食
香煎脆皮肉餅
$22
13 浏览
0 赞好
0 留言
鴨肉、豬潤、雲吞米苔目（方魚肉碎湯底）$45
面頭有大量配料，除左每碗固定有嘅椰菜，仲有鴨肉、豬潤各有六片左右，而雲吞有三粒。
鴨肉、豬潤、雲吞米苔目（方魚肉碎湯底）
$45
18 浏览
0 赞好
0 留言
首先試試湯底，如果有食過潮洲肉碎粥或者蠔仔粥，就係呢隻味喇，入口鮮味，而且唔鹹
第一次食米苔目粉，感覺外形有啲似狗仔粉、銀針粉，但食落會更加煙韌，細細一條，非常滑溜，口感唔錯，而且都幾特別。
配料方面，鴨肉細細薄片，肉質幾嫩，鴨味幾濃，唔係雪藏感覺豬潤唔算話好爽脆，但都夠嫩滑，而且完全冇腥味，都幾好食。
咁注意，呢度嘅雲吞係冇蝦嘅，係韭菜豬肉餡，食落都幾香。估唔到小店出品咁出色呢。
豬潤
16 浏览
0 赞好
0 留言
鴨肉
18 浏览
0 赞好
0 留言
雲吞
18 浏览
0 赞好
0 留言
墨魚丸、魚蛋、牛肉米苔目（麻辣湯底-少麻辣）$45
本來幾有興趣試試鮮茄湯底，不過實在敵唔過辣野嘅誘惑，瞓醒冇耐都係想放啲香辣野入口。不過因為第一次黎，所以只係點左少麻辣。
墨魚丸、魚蛋、牛肉米苔目（麻辣湯底）
$45
19 浏览
0 赞好
0 留言
湯底辣度唔會好重手，但飲落都有微微花椒帶出嘅麻辣香氣，幾好食呢。如果下次再黎，我會揀中/大辣，刺激一下，特別天氣涼涼地。
米苔目口感幾特別，又冇食米線咁悶，我同男朋友都幾鐘意。墨魚丸、魚蛋各三粒，牛肉份量大方。
墨魚丸雖然唔算好有墨魚香，但粉感唔重，亦都幾彈牙，如果加餸7蚊有三粒，抵食。
魚蛋係潮洲式白魚蛋，作為魚蛋控，都覺得幾好食，口感彈牙，而且有微微魚香。牛肉薄片，都幾多款，比較瘦，但都唔會乾柴
凍檸茶、檸檬益力多 （跟餐+$10）
凍檸茶、檸檬益力多
20 浏览
0 赞好
0 留言
餐牌：
张贴
