蒸廬 (Plaza88)

营业中

休息中

石門店假日經常大排長龍，一直食唔到，係荃灣偶然發現有分店，而且唔使等位，即刻試下。要讚嘅係雲石芝麻包，首先賣相幾吸睛，上檯時熱辣辣，芝麻包外皮鬆軟，芝麻餡唔係流沙果隻，而係挺身、有口感嘅，好正👍🏻反而不少人推薦的陳村粉味道一般。

今日黎到荃灣plaza88蒸廬點心專門店食點心感覺都好高質，環境又舒適，只係地方細d啫，食物質素都幾好，加上用手機落單幾方便，十五分鐘後食物陸續上枱，今日點左下列四樣嘢:蒸廬拼美點（$60）呢個拼盤共有9件點心，有2粒燒賣，蝦餃，鮮蝦菜苗餃，潮州粉果，抹茶叉燒包，馬蹄糕，薑汁糕同馬拉糕各一件，整個拼盤質素好高，賣相又吸引，$60食9件點心相當值！士多啤梨蝦多士（$34）蝦多士加上士多啤梨汁好好食，蝦肉又多計，多士唔會太油，士多啤梨汁配蝦肉多士相當絕配！鮮竹牛肉球（$22） 牛肉質地唔似其他酒樓咁膠質地，係有真牛肉味加上有好多芫茜粒配搭，都唔錯!雲石芝麻包（$26） 餡料係芝麻餡，雖然唔算太流沙，但芝麻味好夠，值得食！今日埋單共$146，仲有呢度茶錢只係$4仲唔使加一，無論早午晚任何時段，呢度都係好嘅覓食點

朋友之前介紹過有一間名為「蒸蘆」的點心店好食，今晚下班就和同事來試試。「蒸蘆」位於荃灣的Plaza 88，這座商場地理位置較偏，場內人流不多。不過吃至中段，店內已幾近坐滿，可見餐廳有一定歡迎度。原盅燉湯夠足料，盅內有猴頭菇、茶樹菇、瘦肉等食材。湯水鮮甜，湯怪筆者表示好喜歡。不過因為熱辣辣，所以要好小心飲用。牛柏葉索了薑蔥香氣，甚為入味。有別於平時的白色包面，雲石紋外表已頗為漂亮。裡面是爆漿的芝麻醬內餡，芝麻味非常香濃，有芝麻粉粒的口感。甜度又適中，吃完一個已經想encore。個人覺得即是抹茶奶皇包，包面上灑了一些芝麻、花生碎。咬開中間是有流沙感的奶皇餡，不過麵包體就未覺有茶味。燒賣炸至香脆，但與其說是炸燒賣，個人認為似是炸鯪魚球多一點。因為餡料是芫茜和鯪魚肉，當然因為有椒鹽的關係，會比起蒸的鯪魚球更加惹味。陳村粉上舖滿紅棗、雞肉等配餸，吃時可蘸以豉油。雞肉質感非常嫩滑。陳村粉滑溜帶少許煙韌口感，而且帶有微微荷葉香氣。

//< 蒸廬 >小編第一次黎呢個商場，裡面都有唔少餐廳🍴太耐無飲茶🫖上網見到呢間點心幾特別，就由荃灣港鐵站行黎，真心熱🔥到爆炸💥————————————- 雲石芝麻包 -包好軟熟，裡面既芝麻餡甜度稍微甜左dd～ 食落好似食緊芝麻糊咁😆 裡面會有少少沙沙感😛幾好食！————————————- 麻辣牛肉燒賣 -非常新穎既燒賣🤪其實可以當佢係牛肉😆小編唔鍾意食芫荽，不過呢個就唔多覺喇！麻辣唔會太麻太辣，只係惹味個種😇 唔愛牛肉球既小編覺得幾唔錯呢😝————————————- 士多啤梨蝦多士 $33 -小編勁愛蝦多士！一共三舊！麵包部分厚薄適中，整體香脆可口唔油膩，蝦膠份量多，滿滿的蝦肉🦐 配埋🍓醬幾fresh唔會怪啊😂————————————- 魚湯蟲草花鮮竹卷 $22 -魚湯略顯鹹左少少🤏鮮竹卷餡料豐富，好實在，仲有豆香添㗎！😊————————————小編好想再去試下佢地既湯🥣同埋其他點心🥧整體幾特別味道亦非常唔錯啊😝————————————評分：7.4/10地址：荃灣楊屋道88號Plaza88 1樓107-108號舖營業時間：星期一至五11:00-22:00；星期六日09

假日既lunch time黎到，要等左一陣先有位。我地一家三口，唔算好餓，主要想飲燉湯，再試幾款點心。所以最後叫左2款燉湯，4個點心，share一齊食疫後有後遺症，咳又多痰聲，所以燉湯第1款揀左“10年陳皮川貝冰糖燉雪梨”，無諗過雪梨係原隻上, 仲去左核釀左川貝係裡面，全部湯料都可以食落肚，而且唔會似糖水咁過份甜！我將成個雪梨分開放出黎攤凍, 最後我個仔成個食曬：另外揀左“印度椰子腰果合桃燉上肉湯”，無諗過腰果合桃呢d果仁類，燉出黎口感係軟身creamy，証明真係火喉十足。兩款燉湯都超水準，勁足料，熱辣辣咁上，鐘意飲湯既話真心推介。之後到點心啦，我地叫左蝦餃，燒賣，雲石芝麻包同埋沙律什果明蝦角。蝦餃同燒賣一樣係大大粒勁足料，仲係有4粒，好食過d大集團N倍。食完好滿足。沙律明蝦角就炸得酥脆，包住沙律醬既蝦肉同什果，好清新唔會覺得油膩。雲石芝麻包，個餡雖然黑黑地，但味道似白麻蓉包，都有少少流心唔會好乾，都好食既，不過我個人就比較鐘意黑芝麻，無咁甜的話會好d, 但我個仔就食到唔停口。整體今次食既全部菜式都好滿意，服務亦都好好，小店黎講呢間真心高汁，亦絕對有下次。