Go Inside Kitchen (已結業)

聖誕節就快到，當然是約朋友去shopping買聖誕禮物和買靚衫啦，好好準備迎接聖誕和新年😻💪🏻行了成個下午有點累，朋友帶我到此店食飯，話味道不錯。此店在觀塘工業大廈內，內裏環境光猛闊落。晚餐的湯是薯仔忌廉湯配蒜蓉包，濃濃薯仔味，口感滑溜。頭盤是荷蘭大啡菇田園沙律，感覺新鮮味美😋。主菜是安格斯牛扒，濃郁的牛味，肉質淋滑有肉汁👍，伴菜的薯條更有驚喜， 剛炸起外皮香脆不油膩，放了涼了亦能保持外脆內軟😁溫泉蛋卡邦尼意粉，意粉夠彈牙，醬汁不會太膩恰到好處😘甜品是雲石蛋糕，甜度適中，最適合我不太愛甜吃的人😊餐飲點了熱朱古力， 香滑濃沃的朱古力味 ❤。此店整體食物質素不錯，除了菜式的材料和烹調手法不錯外，廚師亦很有心思地在每碟菜式劃花，令菜式添上色彩👍，真是色香味俱備。

而家係工廠大廈既食肆開到成行成市，尤其係觀塘工廠一帶，今次就去左APM附近既工廠大廈覓好食🍴小編6點幾去到就冇乜人，之後過左7點後就差唔多坐滿，不過環境都幾寬敞，唔會好嘈今次一行兩人就叫左個沙律, 德國黑椒豬手同意粉，點知話可以加12蚊就可以有埋餐湯, 甜品同餐飲👍咁都幾抵餐湯+蒜蓉包+德國黑椒豬手+甜品+餐飲$258餐湯係薯仔湯都幾特別，飲落超重薯仔味同好creamy個蒜蓉包又係好有驚喜，烤得好脆口牛油蒜蓉味超香口巴馬火腿好咸香再配埋甜甜地既蜜瓜好岩味😋加埋沙律菜同黑醋汁就十分開胃主角終於出黎喇--德國黑椒豬手豬手炸得脆卜卜，仲帶少少肥膏，食落又脆口又煙韌食落肉嫩多汁，唔會“攝“牙，鹹香味適中加埋自家製黑椒汁，黑椒同洋蔥味重，配埋豬手食，十分惹味小編係醬汁怪，仲叫多左個黑椒汁另一個主食: 飛魚籽煙三文魚忌廉意粉忌廉汁煮得好香同creamy，再加埋飛魚籽完全掛係每條意粉上，口感豐富煙三文魚帶少少咸香味，仲有d三文魚同埋忌廉汁意粉一齊煮，兩重味道，份量十分足最後當然到小編最愛的甜品呢個係紐約芝士餅，再加埋黑白朱古力作裝修，仲畫左個蝴蝶，賣相一流餅底香脆且厚實，芝士味不濃不過幾香滑餐牌⬇⬇

星期日的夜晚同兩個姊妹想係觀塘搵間意大利餐廳慢慢食飯傾計 見到Go inside 係open rice 做緊booking 85折優惠 即管去試下一試難忘👍係工廠入面既餐廳少左豪華既裝修但野食的確有水準🤤來之前一心想食ribs 都知係熱門之選 嘩🙀🙀真係台台都會一碟ribs佢的份量仲要真係足料眼看餐廳既食客都係一碟2至4人share 食架😽當然我地都效法啦 其實ribs 可以散叫都可以叫套餐的 知道餐入面會有前菜啦，湯，飽，自選主菜同甜品🤫因為我地都想試下套餐包配既雲石蛋糕 我地就決定叫一個ribs 套餐 再加一個意大利飯果然不足我們所料 ribs好夠食 叫多一款主菜已經夠三人食啦😋🤪可惜美中不足係雲石蛋糕，正當我同朋友期望係一個正宗雲石面的蛋糕 失望呢到既只係一個表面有朱古力雲石花紋既普通的芝士蛋糕 😲😔但總括來說 餐廳食物不錯 環境舒適 都有好多食客在家庭、朋友聚會

唔知大家有無去過啲提倡環保既餐廳呢？🧐今次意外地我發掘左一間位於觀塘工廈既餐廳，估唔到有意外驚喜佢主打既食物係西式化既，例如burgers同pizza，我男朋友就叫左個香煎三文魚扒意粉，個三文魚煎到十分之香之餘，仲好厚，絕對抵食，配埋個香草汁簡直一流，而我就叫左份12吋既煙三文魚焗芝士薄餅，超級好食，如果你同我一樣都係鐘意食芝士既話，強烈推介，佢焗到熱辣辣咁啲芝士絲可以拉到勁長，惹味之最除左主食，我地都叫左兩份小食，分別係芝士肉醬薯條同埋黑松露雞翼有芝士既野真係無得輸，啲薯條食落仲一啲都唔熱氣，好好味！至於雞翼，香氣十足，略嫌味道唔夠濃郁，可更入味最後我地都食左跟餐既甜品雲石蛋糕同埋blueberry cheesecake，整體黎講都唔錯既講左咁耐，究竟環保左係邊呢，就係員工會主動走過黎問我食剩既要唔要打包，仲有提醒我地野飲係唔會提供飲筒，可見店舖相當提倡environmental protection，呢個真係要個讚阿

呢日係觀塘搵左間工廈西餐廳, 帶左女朋友黎食。餐廳位置都非常方便好易搵。上到去發現都幾full, 接近坐滿人。好在有book 位~唔駛等就坐底啦～食物選擇都非常多, 我地選擇左試一試二人餐。一開始上既當然係前菜啦～分別係大啡菇田園沙律 同火腿件蜜瓜田園沙律。正正天氣好熱, 有沙律開下胃先。火腿伴蜜瓜呢個沙律我認為係必嗌, 味道非常夾, 而且有配黑醋汁, 食慾大增。緊接黎既係誠意十足既南瓜忌廉湯。廚師好有心思拉過花係面。賣相一流!呢個餐湯有濃濃既南瓜香, 而且飲到打碎左南瓜既texture。正!跟住要黎main喇! 先到海鮮意大利飯。海鮮飯用料十足, 大大粒蝦球, 大大粒帶子, 啖啖肉!飯本身用既應該係正宗意大利米, 比起日本米更加圓身同大粒。中意食risotto既食家一定滿意!再黎既係三文魚芝士薄餅, 呢個薄餅係可以拉到12吋既絲出黎, 皆因芝士超多的。薄餅本身好脆口, 又唔會太厚, 廚師well done. 呢個時候已經超飽。薄餅決定唔好嘥打包番屋企再食。呢個時候仲有甜品要上。分別係士多啤梨泡芙同雲石蛋糕, 甜品份量少少地岩岩好。當中泡芙又係必推之選。比起甜品鋪都唔失禮。總括而言,

今日又搵咗住觀塘既朋友黎觀塘既工廈搵食！位於時運工業大廈既Go Inside Kitchen位置方便，係APM行幾分鐘就到，搭lift到五樓，之後就會見到呢個門面，感覺係好有heart既餐廳！一入去就見到開放式既廚房，裝潢簡潔，空間感十足。雖然時間尚早，但我地再走入去，已經見到有幾枱人正在用膳。呢到一定唔怕油煙啦，而且環境氣氛好好，係同朋友坐低一路食飯一路傾計既好地方。坐低點咗兩個main course加$90轉餐。餐包係蒜蓉法包，法包係面頭塗上一層混有香草既蒜蓉醬，再烘至金黃色，微溫，令蒜蓉味道食落更濃更出色，真係估唔到蒜蓉法包咁有驚喜！前菜揀咗巴馬火腿伴蜜瓜田園沙律配無花果黑醋汁，Parma Ham食落咸香，配埋蜜瓜食，加添清甜，更特別的是用了酸甜的無花果黑醋汁，加上苦苦的沙律菜，整體味道就是又咸又甜又酸又苦，層次十分豐富！另一款前菜就揀咗荷蘭大啡菇田園沙律，大啡菇夠juicy，混合沙律菜、車厘茄、黑醋汁，清新開胃，但略嫌火箭菜比較苦！是晚廚師精選餐湯係蕃茄忌廉湯，飲一口就已經品嚐到濃濃既蕃茄味，真材實料，酸甜醒胃。西班牙海鮮意大利飯雖然唔係用雙耳平底鑊上枱，但廚師卻用心係碟面簡單