旦王花 - 泰越鍾情

营业中

休息中

同老公踩完單車，想搵間靚餐廳chill 下食下飯，我揀左旦王花，因為我鐘意佢個水池🫶 去到錦田開地圖搵先知原來條路唔短同埋馬路窄，不過我已經打左電話去book, 就硬住頭皮踩過去，好彩係夜晚8點食飯時間車唔多。去到發現地方好大，中間有水池，有bar 枱呀咁， 睇餐牌cp 值好高👍青咖哩雞$98味道唔錯，有好香椰奶味，入面有4季豆、泰國矮瓜，雞肉，都幾大碗牛油薄餅$42我覺得呢個好好味呀，牛油有鹽味咸咸地，口感好煙韌，仲有好多塊tim, 42蚊抵啦！鐵板蠔仔蛋上到枱炸一聲，好正，我驚佢會燒焦，好彩下面有好多芽菜喺底，同埋好大碟，食完好飽。石榴子冰呢個好耐無食過啦，椰汁底，有d 甜甜既粒粒，個粒既口感係煙靭嘅外皮包住啲類似馬蹄粒嘅嘢。好飲！總結我覺得呢間餐廳地方大，泊單車泊車都方便，食物cp 值高，由其係牛油薄餅，會再黎。

朋友仔生日，想搵一間有得影靚相既泰國餐廳，發現元朗有間餐廳旦王花，無論環境定食物都係好正👍🏻👍🏻叫左冬陰功魚爐（烏頭） $208餐牌上提醒:【美味提示：冬陰功加上魚的鮮甜，建議在最後慢慢享用湯的藉華】烏頭肉質嫩，湯味濃。👍🏻👍🏻👍🏻青咖喱雞$98 +蒜茸烤餅$42叫咖喱點少得烤餅，將烤餅沾滿青咖喱，真係好正。咖喱帶甜少少少少辣。👍🏻👍🏻👍🏻千炒泰式金邊粉 $108，唔會好濕，酸酸辣辣味道剛剛好。👍🏻👍🏻👍🏻越式扎肉海鮮粉絲沙律 $108，開胃前菜。👍🏻👍🏻👍🏻炭燒豬頸肉 $98，份量勁多，4個人都食唔晒。👍🏻👍🏻👍🏻泰國椰青 $48，鮮甜，椰肉很甜易吃。但朋友既椰青椰肉較難「不」黎吃。

同朋友過左9點先到埗，好彩職員都比我地入去之前未黎過，如果唔係朋友有車應該都唔會突登黎咁入食飯為左唔阻職員收工，同朋友快快手揀野食本身想食芒果軟殼蟹米紙卷，可惜冇晒了>_<嗌左鮮蝦金柚沙律金柚幾清甜，一上檯冇奈已經比我食左一大半份量比我想像中多，都開胃食泰菜一定要嗌生菜包！依度既肉碎炒得唔錯，份量都多，用晒生菜都仲有半碗肉碎剩然後叫左碟青咖喱雞，見menu講得青咖喱係辣，不過都唔夠肉碎生菜包辣，算係偏甜雖然睇落好細碗咁，但都有唔少材料除左雞肉，仲有泰國茄子、四季豆、荔枝啲荔枝好甜食咖喱一定要加薄餅，可惜職員話印度師傅今日放假，唯有叫蒜蓉包頂替有三大長磚，沾滿咖喱我覺得都幾好食既希望下次黎食可以試到薄餅啦～最後上檯既係炒金邊粉依個有少少失望了炒得太乾唔夠惹味另外同朋友一人一個椰青食椰青一定食埋入面既椰肉啲椰青係幾靚既，椰肉食落清甜亦唔係硬到咬唔到埋單加一後，around＄610下次早啲黎，試下其他野先！

餐廳環境勁𝒞𝒽𝒾𝓁𝓁😍彷彿置身泰國當地一樣，椰林樹影🌴🌴🌴近日天氣稍涼清爽，坐室外都很舒服😌天氣好有☀️的話日間會是截然不同的氣氛重點係食物質素不錯，性價比也很高🌟還有海鮮燒烤攤檔🍢🥓很有夜市風味不過位置比較隔涉🚘往返市區搭的士會比較方便餐廳設有停車場🅿️酌收$20一次因為陳生午餐仲未落隔，就諗住叫啲小食加飲品就一餐😌點知睇個餐牌選擇非常多，結果忍唔住叫多幾樣試吓，初初以為份量唔會太多，點知都幾大份🤣而且上菜熱辣辣，賣相都幾吸引🥳-🍤泰式炸蝦餅 $88一份有6大嚿，紮實彈牙啖啖肉，即叫即炸😋🍗越式香茅牛油雞翼 $88因為加咗芝士粉嘅關係，香茅同牛油味唔夠突出，不過勝在大大隻🦪清邁鐵板蠔仔蛋 $98質地係蠔仔煎蛋再落鑊炸，唔似一般潮式蠔餅脆卜卜，但煎蛋經油炸後更香口更酥脆，蠔仔份量好多，差唔多每啖都有，而且肥嘟嘟多汁唔乾😍🦀軟殼蟹芒果米紙卷78軟殼蟹眼見都大嚿，不過入面好大條嘅芒果酸甜蓋過咗佢嘅味，唔係好食得出軟殼蟹嘅味道，而且差緊啲羅勒葉等香草🌿嘅香味，不過最底層嘅醬汁有啲誠意，芒果醬混合咗少少酸辣醬，更加開胃🥭🐥青咖喱雞 $88青咖喱汁面除咗有香草香料之外仲有荔枝喺入面😳 個醬汁好香濃，