船皇 (謝斐道) (已結業)

無意間發現既一間平靚正泰國餐廳位於銅鑼灣世貿廣場對面，好就腳好方便～「牛腩+牛肉片+牛肉丸湯麵」（大碗）$52叫左金邊粉，好入味～ 因為個湯底係濃濃既牛肉湯令到人情不自禁飲幾啖湯麵都好足料，有豐富既牛腩，牛肉片同牛肉丸牛腩好入味好淋；牛肉片多好嫩；牛肉丸好彈牙總結而言：冇得彈！👍🏻另外，再叫左「青檸梳打」+$7果然食泰國菜，最岩就係配青檸梳打好解渴😌而且仲用左個好特別既器皿裝住更有泰國既味道😆

係銅鑼灣一帶行街，經過船皇，見佢有下午茶，仲要$36起。因為自己鍾意食泰國菜，所以我就入咗去。船皇主打船麵，而因為一般嘅船麵都比較細碗，所以船皇提供咗細碗麵同大碗麵選擇。細碗單嗌一碗$12，真係好抵食。本身都唔知叫下午茶餐就會有齊曬三碗細碗麵，包括牛肉、豬肉同雞肉。每一碗細碗麵都可以畀你再揀辣唔辣，同埋可以揀返你想要嘅粉麵種類，例如河粉或者金邊粉。所以，你可以有好多個combination。三碗細碗麵(金邊粉&唔辣) ($36)牛肉細碗麵入面有肉片、牛腩同牛丸。 豬肉細碗麵就係有豬腩片、豬肉丸同豬潤。 雞肉細碗麵有雞絲同埋雞翼。湯底非常濃郁，佢主要用牛肉、豬紅熬成，除咗有濃濃肉味外，仲有唔少肉碎撈湯。雖然細碗麵份量比較少，一碗大概有兩三啖麵，但當你食曬三碗麵後，感覺上都幾飽。我最欣賞係豬潤，因為豬潤味道帶有薑味，質感爽口。過，我一食完，就聽到店員話賣曬豬潤。青檸梳打 (+$0 跟餐)梳打用金屬碗盛住，好有泰國風情。泰式炸豬皮 (+$8 跟餐)炸豬皮十分香口脆身，我食到「chop chop」聲，上碟時仲有係暖身唔咪即炸呢？!

今日同朋友去銅鑼灣世貿中心shopping餓餓地咪諗住去揾間餐廳食午飯，竟然俾我發現新大陸。依間餐廳主打菜色係泰國必食嘅船麵，即係好細碗嗰啲麵，要食十幾碗先飽嗰啲。但佢為左迎合香港市場都推出左大碗麵。我地分別叫左一個船皇撈麵同一個船皇湯麵，有齊所有餸，包括雞翼，豬肉丸，肥牛等。仲可以自己揀麵底，包括蛋麵，金邊粉，米粉等。湯底非常濃郁，好有喺泰國食船麵嘅feel(當然乾淨好多，哈哈)。飲品我地叫左個泰仔奶茶同青檸梳打，味道算係中上水平，同泰國飲到嘅差唔多最後埋單每人75，以銅鑼灣餐廳黎講算合理。服務又好，之一後一定會再黎幫襯！

新開左冇耐，點都要黎打下卡既XD講真，唔飽(我地已經唔係叫12蚊個隻)，可能因為我做完運動黎XD,但味道唔錯我地叫左:【辣】牛肉丸+牛腩(無哂)+牛肉片 湯河 $52個湯濃既，河粉係闊身個隻，唔算好掛又好索湯，同埋佢今晚無牛腩【小辣】豬肉丸+豬肉+豬潤 湯米 $48可能我食左辣先，再食呢個小辣就覺得差梗尐... 但加左佢泰式酸汁同乾辣椒就好尐泰式炸蝦卷 (3件) $22呢個係第一個上枱既，我覺得佢個面比較燶，食落都覺得佢有尐over左，不過22蚊有3舊，算幾好串燒沙律雞肉 (2串) $22見人地叫，我又唔飽就追加呢個，聞落幾香既，食落唔“鞋”，但唔可以講得上juicy, 沙嗲味亦唔算話好重青檸梳打 $15個杯都幾得意既，但枱細，所以其實用傳統高身杯會好少少不過咁，除非銅鑼灣無左榮記同文輝，否則係銅鑼灣食粉麵應該唔會諗起佢