象泰 (已結業)

最近香港發生許多事情，攪到我都少了出街食晚飯，但生日飯每年得一次，朋友話點都要請我食生日飯，於是我們就決定近近地在屯門的象泰食泰國菜了。呢間餐廳週圍佈滿許多泰國民族畫，裝飾都充滿泰國風味。餐牌裡的菜式選擇都很多，除了傳統的泰國菜式，還有一些印度和越式美食可以選擇喔，價錢都幾實惠。今次得我和朋友兩個人，看見咁多選擇，真係有種眼闊肚窄的感覺。最終我們選了三款美食，再各自叫一杯飲品。金柚子蝦沙律，蝦好大隻又彈牙，睇見都覺得好吸引。柚子絲和越式魚露、紅椒、蒜片等混合一起，味道酸甜之中帶點微微香辣，感覺開胃又惹味。青檸梳打，難得送來一支梳打水，把杯內的青檸汁混和，味道清甜又涼快，好似飲緊汽水咁但又無汽水咁甜，成支梳打水份量又多，食了熱氣嘢後再飲，覺得幫我舒解了熱氣的感覺。朋友叫的椰汁冰，她覺得味道不錯。印度薄餅 (2 件)，口感外脆內軟，仲帶有陣陣牛油香，咬落去覺得好煙靭，食了好多塊卻唔會覺得油膩。可惜今晚我們人少叫唔到咖喱，否則我覺得點埋咖喱汁食會仲滋味。泰式菠蘿海鮮炒飯，份量好多好大碟~~ 成個菠蘿蓋加藤碟夠晒泰國古式風味~ 用料都相當豐富啊，有青口、肉鬆、大蝦、腰果、菠蘿肉、魷魚、雜菜粒、

近期經過雅都花園，見重新裝修成為Go Go Mall。上層有不少食物攤檔，以小店形式經營，可以自由選擇座位。不過由於天氣太熱，想坐得舒服一點，最終選擇了位於角落的一間泰菜店舖。星期日晚上人氣不錯，需要排隊，等了大概10分鐘後入座。餐牌上食物種類不少，應有盡有。價錢合理，中位價格。______________________________🔸青咖喱流心蝦球 $68起初以為分幾粒細蝦球，原來係一粒過。大概有拳頭咁大粒，表層炸至金黃色，微微帶脆。將蝦球切開一半後，青咖喱在中央位置慢慢流出，香而不辣。蝦球肉質夠彈牙。🔸沙嗲串燒半打 $88串燒包括豬肉及雞肉各三串，肉塊夠厚肉，份量不少。帶有少少香茅味，再沾上沙嗲醬汁，十分惹味。🔸泰式明爐花甲鍋 $108花甲份量足料，肉質鮮甜。湯底味道就好似冬陰公的酸辣味，不過沒有椰汁味，反而有花甲的鮮味。仲有少少豬肉碎伴湯，有咬口，「泰」味十足。🔸網包雞絲炒金邊粉 $76造型夠特別。所謂網包就是用蛋先煎至網狀，再包住金邊粉。金邊粉炒得夠乾身，加少少青檸汁更加refresh，用黎填肚一流。🔸青檸梳打 $26除了一般飲品、泰式飲品外，餐廳為配合潮流加入芝士沙冰系列

今日約左屯門友人食飯，經佢帶路黎左 GoGo Mall屯門雅都商場都好有歷史，早前裝修黎一個大變身，變左今日的 GoGo Mall今日係平日，一入到黎 GoGo Mall個food court 都算幾多人....而且有好多小食店......果然新裝修後可以吸引人流...屯門友人揀左去食 GoGo Mall食泰菜﹕象泰我地BOOK 左7點，準時入座可能是平日的關係，唔算多人，位置坐得都舒服，可以同友人舒舒服服食一餐...友人叫左杯青檸梳打...佢話正我就叫左杯百香芒芒...第一啖飲時有少少酸，但整體味道都可以~~~跟住叫左海南雞半隻，包一碗油飯...呢隻雞整得好好味，雞肉好滑夠入味，油飯都好香...印度薄餅熱辣辣的，又係好正。食完先醒起應該要叫碟咖哩的餸配黎食先一絕。跟住叫左個大蝦炒粉絲大蝦炒粉絲有2隻大蝦(切半)...大蝦應是雪藏大蝦，少了鮮味，但炒粉絲味道好野味，炒得好香好好味，都唔錯。最後，叫左鹽燒尖吻魚，呢個大推，佢的煮法令到D 魚肉好滑，魚肉好鮮味，食到好滿足。友人說記得以前在象泰係有鹽燒烏頭，佢話烏頭的肉質仲好味...哈哈...咁惟有等下次再黎試下呢度D烏頭先...

那個商場近來翻新左，人流多左，發現有間泰國野價錢相宜就去試試。當日八點去到，坐滿晒，不過等左一陣就有得入座。天氣超熱好需要解暑，兩個人叫左三杯野飲椰青（$36），好滿！一飲落去透心涼，解暑一流👍🏻芒果沙冰，上面果d係椰汁下面係鮮芒果汁，係真芒果黎！無假味，而且有一粒粒新鮮芒果，好驚喜！青檸梳打，因為飲完沙冰未解到渴而叫既，酸酸尾尾，達到想要既效果。食物方面我地叫左無骨雞腳沙律，試過係出面食超級酸，但呢到就岩岩好，而且份量好多，應該有十舊以上。呢個肉碎飯係我去到邊都會叫既，我覺得呢間餐廳做得非常出色，肉碎唔會太乾，入面仲加左少少肥肉，好香口。個荷包蛋都係半熟既蛋汁加肉碎加飯撈埋食，一流！豬頸肉椰菜苗煲，上一台就聽到滋滋聲，好新鮮。菜份量多，味道夠濃，豬頸肉肉質都好滑，好味！最後叫左個甜品佢椰汁果part係超級多！係個糕既一半，鍾意椰汁既人必叫！ 另外，呢到服務亦都值得一讚！每個侍應都好照顧到每台客既需要，走不時會行過去忘下客人有無需要，而且亦好風趣幽默。

位於屯門新墟的雅都商場1樓，電梯一出直行到尾就有呢間隱世的泰國菜平日晚上七點幾黎到，見到已經座無虛席似乎好受歡迎剛好門口位置仲有張table, 好快我地就能被安排入座了睇返menu， 選擇都好多小食，泰式沙律，咖哩，泰式炒飯炒粉....應有盡有以下係我點選的菜式（2人）1）冬陰公海鮮湯$108泰國菜必點的一道，餐廳用了一個火爐仔盛放個煲所以一路翻滾，keep住溫度食材亦非常多、有蕃茄，野菌，海蝦頭，青口仔仲有主角，大頭蝦味道香濃，辣得黎又帶酸甜十分出色而且份量都多，每人可以添飲3碗2）炭燒豬頸肉 $78有個小爐仔上的，一直燒住聞到陣陣香味3）菠蘿海鮮炒飯$98以為係原個菠蘿上，原來係用碟上其實咁樣仲方便進食有好多菠蘿粒，兩隻大青口，魷魚圈豬肉鬆，腰果甜甜菠蘿味，剛好中和返冬陰公湯的酸辣4）飛天馬拉盞炒通菜$58又係另一樣泰國菜必食系列炒得好香，辣辣地，夠晒開胃睇返每道菜，價錢都相當抵食Weekday仲要不收一值得一再光顧

呢間舖新開張，試下味，點知有驚喜，原來係泰國人主理。食物味道好好，特別推介沙嗲串燒，豬肉串超滑。價錢比一般泰菜算平。侍應態度好nice。地方裝潢靚，坐得舒服。推介！