象泰 (已結業)

那个商场近来翻新左，人流多左，发现有间泰国野价钱相宜就去试试。当日八点去到，坐满晒，不过等左一阵就有得入座。天气超热好需要解暑，两个人叫左三杯野饮椰青（$36），好满！一饮落去透心凉，解暑一流👍🏻芒果沙冰，上面果d系椰汁下面系鲜芒果汁，系真芒果黎！无假味，而且有一粒粒新鲜芒果，好惊喜！青柠梳打，因为饮完沙冰未解到渴而叫既，酸酸尾尾，达到想要既效果。食物方面我地叫左无骨鸡脚沙律，试过系出面食超级酸，但呢到就岩岩好，而且份量好多，应该有十旧以上。呢个肉碎饭系我去到边都会叫既，我觉得呢间餐厅做得非常出色，肉碎唔会太干，入面仲加左少少肥肉，好香口。个荷包蛋都系半熟既蛋汁加肉碎加饭捞埋食，一流！猪颈肉椰菜苗煲，上一台就听到滋滋声，好新鲜。菜份量多，味道够浓，猪颈肉肉质都好滑，好味！最后叫左个甜品佢椰汁果part系超级多！系个糕既一半，钟意椰汁既人必叫！ 另外，呢到服务亦都值得一赞！每个侍应都好照顾到每台客既需要，走不时会行过去忘下客人有无需要，而且亦好风趣幽默。