女人街食飯公司

营业中

休息中

前排有朋友離港,難得約到一大班朋友出嚟食飯,去試咗呢間已經聽過唔少人推介嘅餐廳~佢嘅門面超有特式,一睇就覺得返咗去老香港~入到去嘅裝修都係好有心思,有懷舊嘅花牌,信箱,鐵閘~如果早啲去無乜人的話,真係超適合影相打卡!個人唔太愛咕嚕肉🍍,因為好地地一塊炸脆嘅肉點解又要用汁整冧佢呢?但呢個鳳梨懷舊咕嚕肉包咗汁都仍然脆口,真係非常新鮮炸起!而且伴碟嘅薯仔都有煎香🥔🥔另外仲有士多啤梨腩排🍓香甜嘅士多啤梨味,亦有加入片片果肉~個人覺得咕嚕肉比較吸引一啲,二選一就可以揀咕嚕肉~我完全係瘋狂飲佢個湯🙈🙈通常點上湯浸時蔬嘅湯都係一般般,可能只係啲味精湯或者好少少俾啲高湯一類~但呢個鮮魚湯杞子浸時蔬嘅湯真係好味,不過稍鹹~邪惡max之心血管健康大挑戰~又唔係成日食,好味最重要!呢個餸絕對值得你挑戰一下心血管健康~鹹蛋黃勁足料咁包滿每一片鮮魷,第一啖咬落去已經超驚艷!😋😋難得敲碗成功,啲人肯陪我點風沙九肚魚😍外層香脆,脆粉夠薄,入面熱辣辣又滑捋捋嘅魚肉,送啤酒一流!🍻其實我好想叫臭豆腐㗎,但已經點咗呢個八味脆豆腐就算啦~同風沙九肚魚類似,都係有脆脆薄薄嘅炸粉,豆腐幾滑~因為唔食芥辣又唔食沙律醬,所無試到~

香港愈黎愈多打卡餐廳, 最近就係友人社交平台見到旺角一間以懷舊做主題嘅中式餐廳, 吸引我同丫妹今晚去打卡, 順道食餐dinner。門外至餐廳內任何一個角落都富有懷舊色彩, 無論安排坐任何一個位, 都能拍出懷舊風。食物都以中式為主, 傳統菜式, 亦有部分加入新煮法, 滿足不同年代食客口味。【鳳梨懷舊咕嚕肉】HK$108每件咕嚕肉表面平均沾上了甜酸醬汁, 炸皮薄帶微脆, 肉質偏瘦札實, 有口感, keep到些少肉汁。伴有三色椒、多汁又林嘅嘅菠蘿肉, 相當醒胃。【青芥沙拉骨】HK$108沙拉骨肉質札實, 偏乾咗少少, 唔係每件都連帶骨, 肉比例較多, 表面沾了青芥醬, 甜中帶微微wasabi, 唔會太攻鼻。【老虎大蝦龍蝦湯脆米泡飯】HK$128湯跟一碗仔脆米飯分開上, 超大隻老虎蝦極為吸晴, 鮮味彈牙, 湯底甘香清甜, 入面有少少菇類、蜆肉加添層次, 將湯加入脆米中即時入口, 脆米半吸湯狀態下, 微脆鮮甜, 唔錯!

店內裝修擺設都散發著濃厚既懷舊氣息，周圍會見到唔少舊式裝潢，例如：舊式霓虹燈招牌、鐵閘及門口既金龍裝飾等。依度環境寬闊，仲有得嘆住冷氣食港式風味小菜，好啱一大班朋友黎傾計食飯～❀ 黑松露鮮蝦多士 (三件起)必點小菜之一！多士上有好大隻開邊蝦，面頭更以黑松露醬作點綴，賣相好吸引。多士炸得香脆鬆化，蝦肉新鮮彈牙，食落有香濃既黑松露味，亦唔會搶走蝦味。除左面頭既黑松露醬，旁邊仲配有黑松露沙律醬，味道酸酸甜甜又帶黑松露香，好惹味❀ 日本大元貝 (兩隻起)平時好中意食蒜蓉粉絲蒸元貝，見到依度有就忍唔住試一試。元貝肉質鮮甜，爽口彈牙，再配有滿滿又香濃既蒜蓉及吸滿醬汁精華既粉絲，食得好滿足❀ 青芥沙拉骨比起平時食既沙拉骨，依款小菜特別地加左wasabi，令味道更加豐富。香濃既wasabi蛋黃醬同炸排骨好夾，食落好滋味，中意食wasabi既朋友不妨試下～⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆👅味道：⭐️⭐️⭐️⭐️📸環境：⭐️⭐️⭐️⭐️🤵服務：⭐️⭐️⭐️⭐️💎CP值：⭐️⭐️⭐️⭐️(5⭐️為最高分)⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆

成日見某社交平台有人打卡，終於約到朋友去試。閒日夜晚，差唔多full晒，大家記住book位。餐廳裝修係懷舊香港大排檔feel，地方企理乾淨，唔會迫。係高級版大排檔 👯‍♀️ 兩個女仔一共嗌咗四樣嘢，份量都幾大，完全食唔晒 😛🦑 金沙脆鮮魷 - 魷魚夠厚身，爽口彈牙。炸漿唔會太厚，炸得酥脆唔油膩，外酥內嫩。可惜金沙唔夠，多啲鹹蛋就完美🍤 黑松露鮮蝦多士 - 多士唔係普通麵包，係酥皮底，超級鬆脆。蝦好大隻，爽口彈牙。上面仲有黑松露，另外配上黑松露沙律醬，夠晒香 🐷 青芥沙拉骨 - 排骨好大舊，絕對足料。Wasabi味濃郁，溝咗沙律醬，唔會太過辣，清新唔膩🥬 金銀蛋浸時蔬 - 我哋揀咗莧菜，超大碗！清清地，食咗咁多肉要食返個健康嘅

餐廳裝修好有特色，係懷舊風嘅大排檔，好似返左去舊時嘅香港甘，真係勁啱打卡！最重要係有冷氣，環境都算闊落，可以坐得舒服d。而且菜式選擇都幾多，又大碟，味道都不錯，幾岩同朋友一路吹水一路食。.馬拉盞通菜炒牛肉 $98通菜爽脆，牛肉嫩滑，熟度剛剛好而又不韌，鑊氣十足，加上馬拉盞的鹹香微辣，好惹味。一揭開啲菜，原來入邊有好多牛肉，好足料，絕對是抵食的。.青芥沙拉骨 $108件件都又大又厚身。沙拉骨表面滿佈青芥沙拉醬，食落外皮甘香，入邊肉質都夠淋。份量真係好多，三四個人share會好啲。.黑松露厚蝦多士 $28/件呢個係必點！未食過咁大件嘅蝦多士，多士炸得脆卜卜，上面隻蝦新鮮又大隻，食落爽口彈牙，加埋上面少少黑松露，同點上松露沙律醬一齊，好滋味。.一口臭豆腐 $58一上枱已經嗅到陣陣臭豆腐味，一粒一口，而且份量都多，再加上甜醬及豆瓣醬可以點，係一個唔錯嘅送酒的餐前小食。

高湯粉絲雜菜煲$98青芥沙拉骨$108砂煲臘味豬油撈飯$68好味指數：😋😋😋😋 😋抵食指數：💲💲💲環境舒適：😌😌😌環境衛生：🧹🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：以前去過的小菜店，都是比較少年輕人光顧，但這間店與別不同。它的懷舊裝修，吸引了不少年青人來打咭。食物雖然較貴，但味道不錯。高湯粉絲雜菜煲味道清，但加了大量蝦乾，所以提升了不少鮮味。青芥沙拉骨啖啖肉，夠香脆。青芥有點攻鼻，加了沙律醬，極度邪惡。砂煲臘味豬油撈飯食又是另一邪惡食物。上桌時，侍應會幫我們加豉油拌勻，再蓋上蓋焗香。沒想過小菜店會有這種服務呀！餐廳地面乾爽不跣，是其他小菜店較少做到的。

一早就聽講過呢間裝修得似懷舊大排擋 不過就有冷氣既特色餐廳 今晚終於去左試😊 不過提醒大家 一定要訂位 因為呢到就算你訂左位都係要等位🤷🏻‍♀️ 平日都好多人食架 所以唔訂位應該食唔到🙃等左大半個鐘終於到我地入座 一坐低即刻叫左3個小炒試下先😜 我地叫左黑松露鮮蝦多士 青芥沙拉骨同埋薑蔥頭抽魚雲煲😋估唔到大排擋都食到黑松露蝦多士上係原隻大蝦 炸得鬆脆可口 點沙律醬食真係好邪惡既小食👅 青芥沙拉骨亦夠惹味 wasabi 味濃 一食上腦好開胃😆 薑蔥頭抽魚雲煲穫氣十足 魚雲入味嫩滑👍🏻 呢到食物既味道同伙記既服務態度都好有大排擋既感覺 想感受下既一定要去下🌟😸

今天朋友簡直是迷糊到一個點，她忽然messenger問我今晚是否吃飯，她沒帶電話上班，叫我選好餐廳直接在那裡等，我提議去女人街食飯公司吃晚飯，順道買些東西在飯後，她說沒問題。然後她比我早到，起初她以為自己去錯別的地方，她看見這裡有多間懷舊商店，非常逼真，誤會是各有各的店舖，後來她詢問店員，才確定自己真的在女人街食飯公司。我來到的時候，朋友說她已點好菜，因為她太肚餓了，我坐了不到五分鐘，小菜陸續上桌，可謂時間剛剛好。先來青芥沙拉骨，顧名思義是沾滿芥末沙拉醬的酥炸排骨，排骨外脆內嫩，入口絲絲芥末香味直衝腦袋，我們不禁大呼過癮。馬拉盞通菜牛肉煲以馬拉盞爆炒通菜鑊氣十足，又吃到牛肉的甘甜，且牛肉熟度恰到好處不老韌，通菜爽脆極致，風味不絕，好不開胃，我們大口大口的扒吃香噴噴油飯。朋友看到不少食客吃炸乳鴿津津有味，她也點一隻，不過她誤會花雕酒香乳鴿是炸乳鴿而誤點了，我們卻意外嚐到不一樣風味的乳鴿。乳鴿花雕味濃重，鴿肉嫩嫩的，皮也滑溜，味蕾迷上這花雕酒香，裡裡外外大滿足。好吃的香噴噴油飯愈吃愈滋味，令我們欣喜，很不錯。初嚐幾口油飯，淡淡的油香湧進口腔，飯粒粒粒分明，軟硬適中，別人海南雞配油飯，我們就