辛安東元祖奶奶雞 (已結業)

💛❤️🧡奶奶雞一定要多芝士🐥平時食韓國嘢，係唔係淨係諗到炸雞、炸醬麵？今次就食啲唔同啲嘅！旺角依間奶奶雞其實開咗好耐啦🤤人氣依然，證明佢哋嘅質素一值維持高水平！餐牌上嘅款式多咗，不過價錢就冇太大變化😍一樣咁抵食！💛辛安東芝士奶奶雞💛 半隻(記得多🧀 $218 即叫即整，所以等候時間都會耐啲😆上菜時候真係俾佢嘅份量嚇親，好似比以前仲要多咗🤣2-3人分享都冇問題！辣度方面揀咗中辣，唔算刺激都易入口🌶️可能因為芝士中和咗部分辛辣🤔另外，可以免費多cheese(落單嘅時候同店員講低就ok😛，佢哋真係會毫不留手比好多芝士😂所以奶香味好足！雞肉又嫩滑🐥底部嘅水晶粉吸收晒芝士同埋雞肉嘅精華，口感味道都好豐富！🧡韓式泡菜小籠包🧡 $58小籠包食得多，不過有泡菜喺入邊嘅就真係第一次🤤小籠包外皮煙煙韌韌，內餡味道酸酸甜甜好開胃！❤️士多啤梨泡沫❤️ $58飲品嘅份量好足夠😳士多啤梨味香甜，其實泡沫有啲似沙冰，不過口感會更加軟滑，夏天飲真係好啱！🍓呢度嘅韓式食品選擇同一般韓式餐廳與別不同，除咗有大家熟悉嘅經典韓式小食之外，仲有好多比較少見嘅嘢食🤤一樣都係咁好食！黃金時段嘅話就需要耐心等候入座啦！🤭BTW記得save

想食韓國嘢，諗起辛安東奶奶雞。由於驚無位，所以打左黎訂枱。但原來6點哩轉係即場排隊入，訂唔訂枱都一樣。每枱限時1.5個鐘，每人最低消費$150。兩個人點左三樣嘢，要加埋一先啱啱好夠$300，但其實已經好飽🤣辛安東奶奶雞（半隻）小辣$158今日師傅切雞切得太碎，雞骨粒癡晒喺啲「陪煮」嘅青瓜同蘿蔔度，第一次食雞食到好似食魚咁要好小心。味道係ok嘅，咸甜適中。「小辣」係唔辣嘅，如果想有辣味應該最少要叫中辣。韓式泡菜小籠包$58因為好鍾意食韓國嘅「饅頭」，以為係一樣，所以點左，但同想像中有啲岀入。用蒸籠上枱，真係好似平時食開嘅小籠包咁細粒。味道ok，但佢個餡可以再飽滿同實啲，而家個版本個餡有啲鬆散，如果可多啲粉絲同泡菜，應該會有味啲，同好食啲。辣炒年糕$68哩個好味，用熱鍋上，食到尾都暖笠笠。加左個生蛋，撈勻後個汁仲thick啲。因為個「小籠包」味道相對淡，我都有用哩個汁去送。但係年糕份量偏少，配菜就比較多。

星期日晚去食唔使等位，位置闊落，坐得幾舒服。兩個人食淨係嗌咗半隻雞(小辣)驚唔飽加咗籠小籠包。啲雞好好味入哂味仲炆得好淋雞唔肥，食完覺得唔係好夠。粉絲口感淋得滯，如果有啲咬口就更好。其他配菜都好入味。/5其實兩個人嗌一碟都夠了，好辛苦先食埋下面籠小籠包首先賣相好差，依度扣哂分一打開就咁，睇黎佢上樓梯既過程好驚險。入面包有泡菜，粉絲同唔知咩切碎咗既菜。成個咬落去感覺好爛，個皮到啲餡都係。加上泡菜量好少，啲不知名菜碎就好多，無乜泡菜味。依樣我要俾個差佢/5服務方面，啲侍應匿埋一二邊，次次都要叫先知，好再一聽到都馬上黎，所以還可以。

今日又去同肥仔食野，今次去食韓式燉雞，自己真係比較少食，一於睇下呢間韓國過江龍點樣，係香港開左好幾年相信唔會令我失望。餐廳都唔細，有成兩層，有啲便條仔比食客寫下留言。黎到當然係食辛安東元祖奶奶雞，另外試個韓式泡菜小籠包。Like facebook 送野飲~韓式泡菜小籠包 $58幾有創意！將中韓合壁，雖然佢係韓國餐廳，但都唔會求其整小籠包，小籠包外皮唔算薄但都唔會整到好似食粉果咁厚，其實似返本身既韓式蒸餃子，唯一做唔做小籠包既係冇比醬油同薑，泡菜夠哂多，不過唔知係咪怕有啲人唔食辣既關係，泡菜冇乜味，亦都唔辣，略為淡味左啲。辛安東元祖奶奶雞(半隻) $158叫左半隻試下，怕叫全隻唔好食會浪費。比我感覺望落去似香港既「啫啫雞煲」，都係用豉油為主，有得揀辣度，就揀左小辣，原來仲有啲配料，例如洋蔥、薯仔同埋韓式粉絲，食落微微辣味，帶啲豉油咸味，肉質唔算特別嫰滑，但都可以，更加入味會仲好。因為已經係旺角掃左街食左少少野先黎，所以試左兩樣野食，埋單每人$100多啲都唔算太貴。