Nun Desserts Cafe (已結業)

黎開厚福街見到有新開既甜品店（唔知係新定太耐無黎哈哈）韓式既甜品店，睇落幾靚入面既環境亦唔錯，由於係食飯前既時間黎，所以唔算好多人呢特級邪惡Tiramisu韓式牛奶軟雪糕($55)天氣有d凍但又好想食甜品，就唔食雪奶冰揀左雪糕甜品下面有分幾層十足十係Tiramisu，上面再加左d可可粉，成杯甜品就好似食緊Tiramisu咁，有可可味既苦甘，不過底有d位粉唔太平均所以會偏苦，牛奶雪糕食得出香滑既奶味，整體唔錯。韓式特濃抹茶紅豆奶油吐司($49)唔係睇佢普普通通多士咁既樣，上面唔單單係抹茶粉咁簡單，仲有抹茶醬架！多士烤得香脆，抹茶醬夠濃，帶甜味，有d似韓國果樽抹茶醬，加埋半球紅豆，唔會過甜，我同朋友都相當滿意！見到有活動參加可以免費食雪糕！

終於到了歲晚收爐的時間... 為了慶祝自己平安過渡未被老細炒，於是決定去 Nun 食番個靚甜品賀一賀佢。之前我在元朗 Nun 食過甜品，覺得味道唔錯又幾抵食，而早排我發現尖沙咀又開多間 Nun，覺得實在太好了。尖沙咀分店的裝潢，跟元朗店很相似啊。店舖以白色為主調，座位都算寬敞舒適。中間的電視機總是播放著韓國 MV，營造韓國風的氣氛。本來仲以為我 7 點幾來到，就甜品當晚餐添~ 咦！原來呢度多了幾款鹹食，例如湯麵、冷麵、年糕等，都可以順便當晚飯食呀。咁我首先叫了韓式鮮蝦餃子湯麵。湯底是帶有泡菜味的小辣味，但亦加了一塊塊的蛋花，麵底是韓國的公仔麵，粗粗地、孿孿地，口感軟腍得來都幾彈牙，而且仲吸了泡菜的辣味。湯麵共有 3 隻蝦、3隻餃子和一些雲耳及紅蘿蔔絲，蝦都幾大隻，餃子裡面有豬肉和小辣的泡菜，可是煮得略嫌軟腍。雖然呢碗麵的份量都頗為豐富，但每個女生都有兩個胃，食完麵之後不忘要食番個甜品。呢個韓式特濃抹茶紅豆奶油吐司，聽聞出左唔係好耐，而賣相都幾吸引。兩塊厚厚脆脆的多士，佈滿厚厚的韓式抹茶醬，亦有香濃幼滑的抹茶味雪糕，加上兩條插在灑滿抹茶粉的忌廉的朱古力餅條，擺位都相當有層次感喎。抹茶雪糕

近年韓潮勢如破竹，炸雞、部隊鍋、芝士豬肋骨……難道就只有鹹食主菜，豐盛多采的一整桌才受不少港人愛戴嗎？非也。甜的話，吐司、黏糕、雪條、蜂蜜雪糕……最最爆紅的莫過於冰品。有如雨後春筍的韓食小店開得成行成市，而不同品牌的分店也越開越多。　　第一次看到Nun就是旺角店新張之時，曾跟友人看著展示的餐牌叫嚷。因為除了有她們喜歡的冰品外，還有適合我口味的主食。只是越拖越耐，這店子的負皮就越積越多，最後有空相約的時間，就輪到我們驚中伏。　　趁著快要離港一小陣子的前夕，來到一嚐雪冰，不管好醜。由於之前已經吃過主餐，只是來一嚐甜品，我們都不太留意鹹食一版。款式本也不算多，唯獨其後的韓式芝士焗蟹柳吐司引起了我們的興趣。可惜店方指暫停供應，還得再想一段時間才能決定好。幻彩Macaron韓式牛奶軟雪糕　$52　　馬卡龍不像平時吃到的香甜杏仁味，倒是有些少花塔餅的影子。色彩斑斕鮮艷，奪目得很，讓平平無奇的奶白雪糕添上姿采。雪糕上也灑上了淡粉櫻紅，糖粉味道與馬卡龍同出一轍，旁邊的細碎彩色穀物片亦如是。單吃牛奶雪糕時那份濃濃奶味，加上細滑質地，倒是比較討喜。韓式藍紅寶石芝士蛋糕雪奶　$72　　藍紅寶石？指的其實是紅