Nun Desserts Cafe

营业中

休息中

同朋友係旺角食完晚飯，想係附近搵甜品食，朋友之前食過呢間韓式雪花冰覺得唔錯，今次就黎試試佢！我地排左大概15分鐘左右，嗌左兩款冰同一個軟雪糕。一開始我地食左咖啡雪糕先，咖啡味同牛奶都非常濃😍唔使10分鐘三個人已經ko左杯雪糕🤣第一款都唔錯，所以對佢招牌既雪花冰滿滿既期待~首先黎左比較basic既麻糬雪奶，牛奶味既冰襯埋灑滿黃豆粉既麻糬，味道好夾，而麻糬亦夠煙韌，係預期既味道，好食但未算驚喜😌而另外宇治金時紅豆雪奶，一上枱賣相幾好，好適合打卡～但食落有少少失望既係，佢抹茶味唔係好出，反而啲紅豆仲出色，甜味適中而且有些少起沙🤣整體黎講，呢間比較適合年輕人口味，味道上都合格。只係坐落有啲迫，環境少少嘈，好難傾到計，同埋價錢都比較進取，所以除非係附近，如果唔係好似唔需要特登黎排隊食🫢

「Nun Desserts Cafe(韓冰)」提供各式韓式甜品，主打鮮果雪奶，每碗冰品奶味濃郁，配上新鮮水果及練奶，每啖口感紮實。除了刨冰，仲有Waffle，韓式小食，麵類及飯類。韓式甜蜜蜜麻糬雪奶💰58🔸配料有黃豆粉，麻糬年糕，杏仁粒、杏仁片，煉奶🔸食個陣要小心d，好容易比黃豆粉濁親🔸另加💰12有芝士蛋糕，芝士味濃🔸刨冰綿滑，唔夠甜可自行加煉奶，刨冰溶化速度慢韓式鋒芒果露黃金雪奶💰68🔸芒果帶微酸，芒果汁夠甜🔸刨冰綿滑，唔夠甜可自行加煉奶，刨冰溶化速度慢🙂餐廳環境舒適衛生，服務態度不錯🙂上菜速度快

韓式雪花冰曾經喺香港紅極一時 開到通街同巷但近年一間接住一間都執曬 😩而家應該執剩呢間（？）超鍾意食韓國黃豆粉麻糬冰嘅🐭🐷表示超傷心所以次次去韓國一定會狂食果間連鎖店Sulbing 😋.🐖🐖《韓式甜蜜蜜麻糬雪奶》$58 🐖🐖個名改到咁fancy 其實就係黃豆粉麻糬雪奶😂除左黃豆粉同韓式麻糬年糕之外 配料有杏仁粒、杏仁片同埋煉奶而且個雪奶可以揀甜度 我就揀左少甜 減低個罪惡咁阿嗎🤫.黃豆粉份量適中 而且個雪奶有小小溶 一齊食入口唔會濁親～而且個麻糬年糕（即係睇韓劇/綜成日提到嘅「dok」唔錯我好鍾意dok嘅原因係 佢比日式蕨餅/台式麻糬硬身d 但又好煙韌 貪佢可以咬多幾啖😚.個份量唔多但都要$58 小貴🤔同埋味道梗係不及Sulbing啦不過疫情期間無得去韓國 唯有食下Nun解下思鄉之愁🥺.❣️🐭總評分🐷❣️味道：7/10服務：7/10環境：6/10ENCORE：🤔