小火焰韓式咖啡廳 (金山樓) (已結業)

大醬海鮮粉絲鍋 $78每次見到佢熱騰騰咁送上黎都覺得好正，海鮮料豐富，有蝦、帶子、尤魚、青口。大醬湯夠辣😋牛扒溫泉蛋焗泡菜炒飯 $73第一次試韓式焗飯，平時普通炒飯底變左泡菜炒飯，如果個炒飯再乾身d會仲正。牛扒好大塊，加上一層芝士鋪面，夠飽。韓式甜辣年糕炸雞（半份）$108炸皮夠脆，甜辣汁多同撈得夠均勻。迷你溫泉蛋蟹籽沙律 $15溫泉蛋好靚仔，一切開，蛋液湧出黎，撈埋沙律食，好食。忌廉蟹肉餅 $16即叫即炸，小心勁熱，上菜之後攤一攤先好食。外皮好脆，內裡餡肉豐富。3.6牛乳奶凍 $10口感滑溜，奶味夠。午餐跟埋餐飲，轉凍飲+3數，我轉左巨鋒乳酸特飲+$12

早幾日食完韓國餐，但因為太飽無食到炸雞，一直都心掛掛，今日竟然俾我經過見到，今次咪走雞啦😂🍗韓式甜辣年糕炸雞 (半份 $108)太開心啦，炸雞仲可以拼年糕，唔單只可以食炸雞，仲可以食埋我嘅至愛年糕。煙韌嘅年糕只得幾條，唔洗驚太多會食滯；呢個甜辣汁很濃味，亦夠濃稠，雞件輕易沾滿，每啖入口都讓味蕾開花。甜味令人垂涎；而辣度亦有點刺激(利申:本人不嗜辣的)，非常滋味。 🍺啤酒 $30)韓劇教懂我的事: 吃炸雞，一定要配啤酒。要讚餐廳，啤酒唔會提供冰塊，但會提供冰杯，十分貼心，嚐到冰凍啤酒，同時不會因冰塊溶掉而影響啤酒味道。 🥗韓風石板炒野菜 ($78)有椰菜、洋蔥、雜菌、翠玉瓜、燈籠椒，面層更灑上芝麻，上枱時已聞到很香，入口就覺得非常惹味，亦是一道很好的送酒菜。難怪每次經過都見到唔少人等位入坐，味道不錯的韓式餐廳。如果人多，餐廳有唔少套餐提供，價錢幾抵。

好少見到有韓式Cafe~ 今次就同朋友發掘下到底同平時嘅韓式餐廳有冇好大分別😆入面嘅座位都舒適唔會太逼，以卡位為主午餐時段可以叫All day menu同Lunch MenuLunch Menu就有餐飲包左～落單係用QR code嘅！見到店員好貼心，如果唔習慣用手機落單都可以自己用紙落單👍🏻🤍韓式甜辣年糕炸雞（半份）$108香港嘅甜辣炸雞好少真係有辣味但呢個真係食得出辣味！半份炸雞係兩件雞+兩隻雞翼如果兩個女仔食就啱啱好～年糕比較幼但質地都煙韌！🤍汁燒牛肉溫泉蛋拌飯 $58個飯除左有牛肉同温泉蛋仲有好多椰菜同紫菜，質感豐富～落單嘅時候都可以揀轉熟蛋牛肉份量唔多 主要係燒汁味肉味欠奉～🤍芝士夾餅 +$15兩件薄薄嘅夾餅 冇想像中咁油膩👍🏻芝士味就唔係太突出🤍忌廉蟹肉餅 +$16好熱+皮好脆！餡都好creamy!!🤍熱蜂蜜柚子茶 味道唔會太甜 雖然係熱飲都唔會好細杯～整體評分: 🤍🤍🤍午餐可以追加嘅小食選擇好多，啱晒咩都想試吓嘅我😆Menu都仲有好多午餐嘅選擇下次會試埋其他！

疫情幾時完呀！！！我好掛住韓國呀！好想好想好想去旅行呀！好掛住韓國炸雞同豬手呀！甘岩係大圍見到間韓國餐廳，忍唔住入去試下。韓式甜辣年糕炸雞（半份）$108年糕係屬於幼身，很煙韌彈牙。每次食韓國炸雞必點甜辣味，炸雞皮脆肉嫩，很多肉汁。雞件約有4件，兩個人食剛剛好。韓風滷豬手 $98平時喺韓國食蒜泥豬手，而這款豬手帶少少甜味，醃得入味，紋得很淋，份量很多，還有醃蘿蔔，醃青瓜和泡菜作配搭。午市套餐： 泡菜曼魚燒拌飯 $78+ 涷蜂蜜柚子茶 $3重點是大大塊鰻魚，很厚肉又唔腥，淋滿芝麻燒汁，很滿足。更有紫菜、泡菜和椰菜作配搭，口感極之豐富！午市套餐： 辛辣茄子牛肋焗泡菜炒飯$73+涷蜂蜜柚孑茶 $3超級多肉，牛肋紋得極淋，一點也不靭。餐廳座位坐得舒服，不會太過擠迫。

Saved左呢間一段時間終於同朋友星期六下午黎食lunch(13:30要等位)韓式甜辣年糕炸雞（半份）$108 有即棄手套，好貼心年糕係長條狀、Q彈煙韌半份嘅炸雞有四大件，可以再多啲雞不過勝在夠熱，甜辣味道適中 好味😋雖然Menu寫有三個辣椒，不過只算係小辣牛肉水冷麵（蘿蔔湯底）$98韓國菜好多都好重口味我地特登叫咗個比較清淡嘅水冷麵呢個超級大碗、有好多塊牛肉、勁多麵👍🏼每人食咗四碗都食唔晒啲麵🤣要讚下啲牛肉並唔係肥牛，好香、口感好、肉質唔老（唔知係咪韓牛？）蘿蔔湯底特別 不過梨唔夠甜其實佢lunch set好多選擇，包野飲、價錢又抵（大概係$60+）不過我哋想食呢款炸雞同埋水冷麵所以就散叫～本身諗住嗌埋waffles,但都係太飽食唔落.. 留返下次吧