Sodam Chicken (已結業)

韓式炸雞有很多店，但這間算是開得挺久，雖然中間一直有傳出不開心的消息，但都挺過了來，現在推出了炸雞放題，而且還有炸雞焗雞買一送一的優惠，還堂吃自取都可以，就更對上大部人的口味了！炸雞＋焗雞＋額外口味＋PIZZA＋小食放題（１６８元）一共有十三款炸雞可以任食，不過今天就沒有黃金鹹蛋焗雞，而我就沒有叫辣味炸雞，因為叫了噴火辣焗雞，辣味只有１辣椒就放棄了！而噴火辣焗雞吃起來真的是挺辣的，是辣中帶甜的，所以能中和了一下辣度。而個人覺得叫焗雞會好一點，因為雖然是焗雞，但雞肉也是脆脆的口感，外焦裡嫩的，會少了炸漿，吃起來味道會更足一點，而且會沒炸雞的那麼油膩。所以可以看到炸雞的口味都會比較開胃，相比起焗雞，但味道其實都不錯，每一款都挺特別！焗雞的味道會更香濃一點！青蘋果乳酸＋藍橙乳酸（５８元）買一送一因為這裡的放題沒包括飲品，要自費叫，但就有買一送一的優惠，算起來還可以，就叫了兩杯乳酸來解膩和止渴！

燒肉 火鍋 日本料理放題大家食得多 有冇諗過炸雞都可以放肆食！平時係出面$100+先可以食到一份炸雞 呢度$128就可以瘋狂嗌唔同口味嘅炸雞同焗雞 口味豐富可以任意選擇 仲有pizza！所以我地經過銅鑼灣就即刻去呢間試下！呢度係用紙筆落單 炸雞數量係一件件嗌 所以好適合嘗試唔同口味！🍗炸雞+pizza放題💰128（+28）原本$128嘅放題套餐包含左最基本款嘅甜酸炸雞 蜜糖芥末香蔥炸雞 香草青檸炸雞 辣味炸雞 檸檬柚子炸雞 同埋濃蒜炸雞 期間限定仲有暹羅花生炸雞炸雞每隻都好大舊 全部係無骨方便食 係基本款入面甜酸炸雞平時係出面韓國餐廳食得多所以未覺得驚艷 個人覺得檸檬柚子同埋香草青檸最值得encore！味道清新唔覺得油膩 可以keep住食😍另外花生炸雞其實係上面有層花生醬 但係特別香口 超級推薦！pizza就係嗌一份會有4件細細地嘅上來 一份有四隻口味 分別係千島加勒比海鮮 熱帶風情 明蝦水牛芝士同埋瑪加麗塔皇后 個人就唔覺得呢四塊有咩大分別 但係批邊夠軟食落似麵包 都幾好味😋💰+$28就可以試下更多口味嘅焗雞！包括有黃金鹹蛋炸雞 黃金鹹蛋焗雞 蜜糖蒜香焗雞 雙重芝士焗雞 韓風紫菜焗雞

平時去食韓式炸雞，一定要搵多幾個朋友去食，因為就算半份都有好多隻，幾個人去先可以試到2、3種味！而家限聚就慘喇，分分鐘2個人淨係可以食一隻味😭想叫外賣同多d人分享又怕返到去d野凍哂😭😭今日終於搵到間可以比我試盡哂唔同味嘅韓式炸雞店喇🤩呢度嘅$128放題係包炸雞同Pizza，怕熱氣嘅話加$20就可以揀埋焗雞同小食，而且係逐件逐件咁落單，唔洗怕叫得太多食唔哂，因為全部都係即叫即整，所以炸雞嘅上菜速度會快d，焗雞就要等耐少少，建議第一round叫左炸雞先！而且呢度嘅炸雞焗雞全部都係無骨架，咬落去啖啖肉！正呀😍😍炸雞同焗雞一共有10幾款，我地加加埋埋都試左成10款架😋我地覺得最正就係黃金鹹蛋炸雞，比起其他口味嘅炸雞淨係淋d醬喺面，呢款炸雞用鹹蛋醬撈勻哂表面，每一啖都有濃厚起哂沙嘅醬汁，上面重加左d Doritos，口感一流呀！！！蜜糖芥茉香蔥炸雞 ⭐️⭐️⭐️⭐️檸檬柚子炸雞 ⭐️⭐️⭐️辣味炸雞 ⭐️⭐️⭐️⭐️黃金鹹蛋炸雞 ⭐️⭐️⭐️⭐️⭐️濃蒜炸雞 ⭐️⭐️⭐️香草青檸炸雞 ⭐️⭐️⭐️四川麻辣炸雞 ⭐️⭐️⭐️焗雞雖然等得

普通日式放題就試過，炸雞放題真係第一次食，完全滿足我想試哂咁多隻味既願望😍————————❦ 炸雞+焗雞+pizza+小食放題 $148 ❧ 炸雞 。韓式炸雞 (原味) 👍🏻 。甜酸炸雞 。蜜糖芥末香蔥炸雞 👍🏻 。辣味炸雞 👍🏻 。黃金鹹蛋炸雞 。檸檬柚子炸雞 。濃蒜炸雞 👍🏻👍🏻 。香草青檸炸雞 (期間限定) 👍🏻外皮好脆，但雞肉好juicy!! 濃蒜炸雞最好食，食落真係濃濃既蒜味😋😋評分：🌕🌕🌕🌖🌑- ❧ 焗雞 。蜜糖蒜香焗雞👍🏻👍🏻 。韓風紫菜焗雞👍🏻 。雙重芝士焗雞👍🏻 。黃金鹹蛋焗雞雞肉都係keep住好Juicy🤓蜜糖蒜香焗雞最正，上面擺咗啲粟米片，口感豐富，味道都非常夾😍評分：🌕🌕🌕🌖🌑- ❧ Pizza 。千島加勒比薄餅 。瑪嘉麗塔皇后薄餅 。熱帶風情薄餅 。明蝦水牛芝士薄餅Pizza就冇得揀味，一叫就4款一齊上。但其實都係兩啖食哂，唔洗驚食完食唔落其他野。餅底好薄，香得黎芝士又多👍🏻評分：🌕🌕🌕🌕🌑- ❧ 小

之前明明話《Sodam Chicken》三月會撤出香港，估唔到佢哋竟然留低，仲用優惠同香港人同心抗疫😍😍🎉炸雞焗雞PIZZA小食買一送二🐔🍗，無論堂食定外賣都可享有呢個優惠，無得出街食都唔緊要啦✨我哋叫咗個「太陽芝士炸雞」，就送咗一道「韓風紫菜焗雞」同「紫菜薯條」，真係抵到爛🕺🏻飲品都有買一送一😻😻😻！咁筍，梗係人人都食，店家手忙腳亂都無可避免🙈所以大家趕急嘅話客氣啲問吓進度就可以喇，店員嘅態度都好好❤️

香港有幾間韓國炸雞，聽說Sodam chicken將會結業，炸雞焗雞又有買一送一優惠，今日終於試到sodam chicken 啦。疫情下仲係超級多人呀，𨋢口企滿人，排隊等入座，所以想食就一定要訂位！每人最低消費150元，限時75分鐘。所有雞都係即叫即整，所以要耐心等候一下。食炸雞最好約多幾個朋友一齊吃，咁先可以試多幾款，我們一行四人，點了四盆雞，我們揀了以下幾款，整體雞肉尚算不錯，都juicy 嘅太陽芝士雞鍋有韓式炸雞，雙重芝士炸雞，香辣焗雞，炭燒煙燻焗雞，焗雞x炸雞！再蘸上中間溶化了的芝士醬，很邪惡柚子醬酸甜醒胃，配炸雞很夾。 和首爾風味差不多，不夠入味。最愛還是蜜糖蒜香。食炸雞當然要冰凍特飲啦，cheers!

今日又無帶飯，同同事出去食韓式炸雞，呢楝大廈好多食肆，等lift都要排隊！好多阿姐不停向你派傳單，好彩我地已經揀好食咩，唔洗心大心細。上到呢間Sodam Chicken，第一眼感覺覺得裝修都幾新淨，一邊白色牆身另一邊木製牆身，感覺舒服，仲有一大排玻璃窗，開揚明亮。人唔算好多，服務的店員很有禮貌。坐低當然睇下有食咩，估唔到炸雞都咁多味道，不過好快被「2人餐」Menu吸引左，雖然我地4個人，但同事的戰鬥力不強，所以最後決定叫個2人餐再加多款雞，後來發現應該加「豬仔骨」可以多D款式，蠢左！唔緊要啦！最緊要好食啫。二人餐包左十件雞，我地選了蝦醬和黃金咸蛋，再配魚串湯和牛油焗雜菌。率先上個魚串湯，有四片魚片及一些菜，仲有少少金菇，一人一碗湯剛好！跟住牛油焗雜菌都好快送到，用錫紙包實，店員幫忙用刀界開，濃郁香味即時飄出，好香啊！呢個牛油焗雜菌份量都不少，而且夠哂味！好食！等緊主菜之前，隨餐附送的兩杯飲品亦先後登場！最矚眼當然是「藍乳酸燒酒」，其實我地係見到人地叫先叫，因為實在太好呃Like了！燈泡氣皿倒掛在大杯上，彩藍色的顏色更是嘗心悅目！借同事的喝了一口，雖然說是燒酒，但飲落完全無酒味，乳酸味更

Openrice人氣食店一定要試！今日咁岩OT到八點鬆啲，應該冇咁多人啦，所以就搵間平時peak hours應該要排隊既餐廳獎勵下自己！百樂中心成橦有好多餐廳，Sodam Chicken 個logo咁sharp一眼就睇到，上到去8:15真係唔使排 ✌🏻二人入座，坐左係廚房出菜位，簡直係折磨自己 🤣 好肚餓睇住一碟碟炸雞捧出黎，拿拿林叫野食先！😋招牌太陽芝士冇可能唔食！一模一樣！超正！炸雞好新鮮，岩岩炸起就拎出黎，所以隔住手套都好熱好熱，仲要點落啲熱辣辣既芝士度，太邪惡喇！但真係好好味！雞肉好嫩滑同爆晒油！啲皮同啲肉已融為一體，所以食左都唔多覺（邪惡！）碟底仲有大量牛油，好香奶油味 👍🏻👍🏻另外仲叫左個紫菜。個粉好香，雖然一哄埋去會有少少想打乞痴，但佢原來唔只個面有粉，食落入面都taste到好香紫菜味。兩碟雞都係份量好大！我地兩人食係眼闊肚窄，最後打包左幾舊紫菜雞 🤣 個人建議二人可叫一碟雞一個小食，就岩岩夠，起碼有三人先好叫兩碟雞。每枱備有手套好垃圾桶。另外設有二人餐。最後加埋一人均二百鬆啲，唔平但抵食！

早排韓式炸雞瘋魔少男少女，一時無兩。外賣仔老了，無咩興趣去迫，所以一直未有機會品嚐。今星期六又落雨C濕，無哂心機，友人提議去食熱氣野一解悶氣咁話。一行３去左老銅耀華街百樂Sodam Chicken，可能因為落雨既關係，完全唔洗排隊等lift。我地叫左 韓風紫菜焗雞(HK$175) ，雖然呢款係焗雞，不過皮脆香口，而且上面佈滿紫菜味粉，雞肉夠哂入味，入口鮮嫩有肉汁。再黎 檸檬柚子炸雞(HK$175) ，首先香脆可口，雞肉嫩滑，並無因為高溫炸過導致水份流入。食落陣陣酸甜，清新既柚子味十分醒胃，令人食唔停口。由於每碟都有十舊八舊雞，我地都無再叫其他食物，十分滿足又邪惡的一餐。

今日的任務要去灣仔買潔具，朋友又話想食炸雞，咁就一行三人試試。今早我有點喉嚨疼炸雞太熱氣，為免掃興我就點咗韓式紫菜焗雞。雞面放滿紫菜碎同華鹽，好有韓風感覺。雞肉質感好滑又入味，雞肉又多汁，再加上紫菜碎，好味x3!第二道菜就喺水冷麵，雖然雞喺焗的，但總覺帶點熱氣，所以食番碗水冷麵舒緩一下。湯帶點微酸，好醒胃。麵的質地較煙韌，口感一流。三色薯餅，有紫薯，咖哩同粟米。同一般日式薯餅差別不大，大路貨不過不失，但紫薯會是我心中之選。個焗雞真係好滑，真心推介，好好好⋯味

Sodam chicken的確係會令人食完一次又想再添食因為炸雞款式好多，每款都好想試好想食，所以今日又約左朋友黎銅鑼灣分店食了銅鑼灣分店座位數目較多坐得好舒適飲品款式都不少，呢杯菊花蜜特飲造型幾特別飲起來就似飲緊凍既菊花蜜賣相好吸引別具特色既韓式年糕串外面沾上了惹味醬汁可以點選辣或不辣的，而我們點了不辣的醬汁甜甜的，跟煙肉年糕十分配搭而且煙肉味濃又香，我最愛中間部分的年糕條，口感十分彈牙一人一串，份量岩岩好魚糕湯很健康的，入面有大量不同的蔬菜浸入了湯中，令蔬菜都十分滋味魚糕薄薄的，口感不錯我最欣賞是個湯，很清甜，一人都可以飲到一碗，為炸雞來中和一下，能減少油膩感主角開始出場焗雞外皮不會像炸雞般脆，所以感覺上會較為健康雖然外皮冇咁香脆，但焗雞都別有一番風味。因為這款是紫茶焗雞，所以紫菜都鋪滿在雞件上，每件雞都十分惹味還有味粉，所以每件雞都很滋味，而且以焗來烹調，吃起來不會太油膩，所以可多吃幾件極度邪惡既太陽芝士炸雞無數炸雞件圍著放滿芝士既包賣相超級吸引把雞件浸到芝士醬中，芝士份量並不少，所以芝士味香濃雞件沾上了芝士醬後，份外惹味一件又一件的雞件沾上了濃郁芝士，口感味道等都難以用筆墨形容

之前經過呢間餐廳樓下，見到佢有職員拎住啲炸雞試食，食過唔錯，所以今次就提議喺度食飯聚下啦！七點零鐘嚟到門口已經排左好多人，好彩朋友早到，已經等左一段時間，如果唔係要等多差唔多半個鐘先入到。場內坐滿晒人，好熱鬧。見到佢有一個芝士火鍋係季節肯定，所以我哋就叫左一個黎試吓。呢一個經典芝士火鍋有一鍋芝士同埋一籃多士。芝士鍋算大，份量都幾多，個底有火熱住。應該有幾種芝士係入面，幾濃，好香芝士味。芝士控朋友唔好錯過！多士沾芝士食係最夾既配合！正！韓風紫菜焗雞感覺焗雞無炸雞甘熱氣，就叫左呢個啦一碟既份量大約有半隻左右，焗到外皮好脆但係入邊啲雞肉好嫩滑。因為雞肉醃過，所以入邊嘅雞肉都係有味，但係又唔會太鹹。有紫菜既香味個芝士火鍋嘅芝士都幾多，所以我哋最後仲用沾埋啲焗雞食，又多咗一種食法。佢個Pizza係薄底，唔係好厚，所以食晒成個都唔會好濟，可以食多啲其他嘅食物。嗰餅底好脆，面頭嘅芝士同埋材料都好多，醬汁濕濕地，唔會太乾，菠蘿甜甜酸酸甘，芝士好多！飲品方面我哋叫咗蜂蜜檸檬綠茶同埋柚子梳打。食炸雞一定要配個凍飲先爽！對於唔飲酒既我地呢兩杯就啱晒啦！唔係太甜，岩口味！呢度係一間我幾鍾意嘅韓式炸雞餐廳，地點

雖說農曆新年已過，但新正頭，來一客韓式紫菜金黃焗雞都挺有意頭。希望吃過之後，大家都紫氣東來，黃金滾滾來！這家位於銅鑼灣的炸雞店，除了炸雞之外，還有焗雞可供選擇，各有特色。當中推出兩款新口味，分別是檸檬柚子炸雞和韓風紫菜焗雞。韓風紫菜焗雞（$175）👍👍👍👍👍焗雞的準備時間一般比炸雞長，亦比炸雞健康一點。由於不用油炸，利用烤焗的方法，沒有多餘的油份，雞的外皮焗得香脆，但內層還緊鎖著肉汁。把雞件搣開，看到冒著熱氣的嫩滑雞肉，豐富的肉汁仍保留在其中。表皮撒滿了芝士粉、香草碎和紫菜絲，多重滋味。芝士粉的奶香味、加上香草的香氣和脆脆的紫菜，味道可口。墨魚仔辣炒年糕（$138）👍👍👍👍辣炒年糕除了有墨魚仔外，還有半隻雞蛋和魚糕。醬汁味道辣中帶少少酸甜，味道很開胃，一片片的魚糕索透醬汁，加上煙靭的年糕，令人吃過不停。飽滿脹卜卜的墨魚仔，爽口又帶點煙靭。熱帶風情薄餅 （$138）👍👍👍👍這裏的餠底是薄批底，所以食落香脆，饀料用了蕃茄醬、菠蘿、火腿、蘑菇和水牛芝士，材料豐富又清新。菊花蜜特飲 （$58）👍👍👍👍這杯吸精的菊花蜜，大大朵黃菊夾在杯邊，看到已賞心悅目。菊花蜜是 Mocktail, 並不含酒精