陵發潮州白粥 (已結業)

今日心血來潮想打冷，朋友就推介係佢屋企附近既陵發，所以就黎試一坐低見到menu冇價錢，朋友就話係舖頭特色我地只得3個人，所以伙記叫我地叫細窩的蠔仔肉碎粥（其實細窩都超好多,每人食到2-3碗），d蠔仔勁大隻，隻隻都仲要勁肥都幾新鮮，唔錯韭菜豬紅，豬紅質地好好，唔會太硬身，非常入味，但韭菜太少豉椒灼蜆，汁唔夠重豆豉味，蜆冇沙，不過太瘦仲有勁細隻鹵水鵝腸，非常爽口，不過鹵水汁同辣椒油唔夠香腐乳通菜，菜都好幼嫩，但太油食完都幾口渴

女人愛cafe, 我哋麻甩佬就愛大排檔. 不過而家cafe總有一間喺左近, 大排檔就誇幾區先搵到檔仲要未必掂. 要就腳方便又有風味, 我就推介太子既陵發, 主食打冷, 環境嘈雜, 個個隊住啤酒un un腳粗豪地大講大笑, 係一個室內大排檔, 其實現場都不乏有女性, 無他既, 全因食物有水準.  雖有3間鋪位, 但晚晚都旺場, 早去都要等一等先有位座得好親密好熱鬧主要食打冷佐酒食物, 喺度食嘢真係唔好問價錢, 總之埋單伙計話幾錢就幾錢, 餐牌上除啤酒有價錢外, 其他係得個餸名.煎蠔餅, 炸得卜卜脆又大件, 蠔仔夠大粒乾淨.南乳豬手, 夠稔夠骨膠軟, 南乳味香, 連花生都入晒味韭菜豬紅, 豬紅大件夾起無散開, 一定要配潮州辣椒油, 個汁仲可撈潮州粥食鵝片, 厚切滷水汁入晒味, 唔沾白醋都夠味

記得幾年前友人帶我到此處食出名的蠔仔粥及蠔餅，成日向同事推介，今晚終於有得再去了，記得這店特色係餐牌冇價錢，埋單全你講，有趣！今晚四個人點了：一窩小蠔仔粥：蠔仔大隻而漲卜卜，勁飽滿！蠔仔多，但胡椒粉略為重手了，應該胡椒粉另上比較好！凍烏頭：好大條，肉質夠實，好味！韭菜豬紅：韭菜爽口，豬紅大大件，配上香蒜，如配白飯應該不錯吧！煎蠔餅：外表勁脆，但蠔仔又夠滑，好手藝！紅腸墨魚雞腎：麻麻地鵝片：很愛吃，因為啖啖肉，不需要吐骨，很合適我這懶人吧！鵝肉夠軟滑，帶少少肥，點上醬汁，很滋味！加上三支大啤，兩支可樂，都只是450，真的物有所值！