六十六十火鍋 (已結業)

經過見到佢地張餐牌。一個價錢滿足晒又想食海鮮又想食牛肉既吃貨😋選了個椰子文昌雞湯底。首先選6樣海鮮+兩款指定的海鮮+六樣配料。椰子湯嘅香味好濃郁，未落啲雞已經香氣洋溢，等到椰子湯一滾起，落隻雞落去煮五分鐘就食得慣例一黎就會飲咗頭啖湯鮮，飲最清甜既湯底，再食一啖雞肉，一啖椰子肉，好柔嫩幼滑。象拔蚌仔、刀貝，蟶子皇等貝殻海鮮幾 juicy 鮮甜肉蟹既烹調最佳時間係十分鐘，肉蟹中間仲有好多蟹糕好肥美。這個私心推薦比大家😋😋個湯底落晒所有海鮮之後，再飲個湯底，個湯底就更加濃郁鮮甜既海鮮椰子雞湯底食到最後落墨魚滑，雖然細細粒，但係入口啖啖墨魚既鮮甜味😋真的好滋味美國肥牛雖薄雪花脂肪比例卻令人讚不絕口西班牙梅頭肉口感爽口的

突然口痕想打邊爐，又咁岩見到店門外椰子有文昌雞湯底就被吸引了進來。一入到鋪頭就已經聞到好香嘅椰子雞湯味，於是兩個人就簡左個椰子文昌雞湯底🤤咁個火鍋可以揀6款海鮮再加，再加埋指定兩款。即系total 8款海鮮+六款自選嘅配料，好抵食開始上碟嘅時候係一個椰子湯鍋,之後啲海鮮就慢慢上碟,海鮮好新鮮只蟹就算切開咗一半都仲識郁，係即叫上台既新鮮肉蟹。味道蟹肉鮮味過人，好久沒吃到這麼大的蟹。蟶子皇、象拔仔花甲鮮魷一滾起就試吓個雞肉先、雞肉肉質好鮮甜，系好原汁原味嘅嘢椰子清雞湯，雞肉有一種甜味，貝殻新鮮到仲郁緊，性價比高的海鍋😋雪花肥牛、西班牙梅頭肉響鈴金菇

朋友話聽聞呢間火鍋的海鮮好新鮮，又平，叫我一齊試下。果然唔太貴，仲免收加一。收費根據所選湯底 。雖然不是任食放題，但份量剛好，再加埋泡飯，的確食得好飽。 枱與枱之間嘅距離比較迫。 但枱上嘅進食工具齊全，仲有一個大漱口盅，用嚟裝海鮮嘅殼。海鮮配料極為新鮮。 當初大鄉里唔明白為何海蝦上枱時會有個蓋冚住 。原來是為免蝦子蹦跳。我地打開蓋後，那碟蝦生猛到跳去隔離枱嘅地面兩次咁多， 搞到隔離枱都笑我哋 ，仲要麻煩員工幫手清洗一下。海鮮類當中最愛象拔蚌仔同鮑魚， 好鮮甜好有咬口。 蠔仔size細隻，但都好重蠔味。肉類當中最喜愛腩仔片， 好重肉味，食起來令我諗起譚仔嘅豬腩肉。而佢嘅響鈴就更令我喜愛，唔係買返嚟嘅，係即炸嗰款。番茄濃湯底脆米泡饭套餐。 湯底一上嘅時候，入面已經有番茄同薯仔，我地先放海鮮煮， 湯底就會變成番茄海鮮湯。 然后喝幾啖鮮甜的海鮮湯，才煮肉類和其他配料。所有配料吃光后， 員工會主動過來幫你加米飯，脆米和豬油渣 ，就會變成一鍋又香又好味嘅湯飯，口感特別。 脆米食起來好香，好似玄米茶嘅味道； 豬油渣就有一種炸物的香騷味。本來已經好飽但都忍唔住食咗兩碗。總括嚟講海鮮真係好新鮮，服務亦好

難得今日放假同女朋友係長沙灣打完羽毛球攰攰地，就梗係搵地方醫肚啦，行下行下望吓間鋪頭名叫「六十六十火鍋」咦！個名又幾過穩喎，再睇下佢門口嘅餐牌，竟然有我細細個鍾意食嘅「椰子文昌雞湯底火鍋」我女朋友見我想食，就二話不說揀咗呢間食。先講下環境：入到去好有懷舊香港嘅味道，佢嘅掛畫，碗碟，木枱都好懷舊。地方又好乾淨。之後店員拎左餐牌俾我哋睇唔使講都係要揀「椰子文昌雞湯底火鍋」我同女朋友海鮮揀咗「肉蟹」「鮑魚」「扇貝」，「蠔」「海蝦」「貴妃蚌」，「美國肥牛」「響鈴」「西班牙梅頭肉」「蟹柳」「芝士腸」同「手打墨魚丸」真係唔好講笑，齋揀嘢食已經流晒口水鍾意嗌晒野啦，店員拎個火鍋過黎果陣好耐心咁解釋個食法係點 。要提一提既係嘴刁既我好講求食物嘅新鮮的佢海蝦、鮑魚等等 上碟果陣仲係好生猛㗎，真係唔似出邊一般嘅餐廳咁，呢間真心好食同埋佢D海鮮配合埋個我至愛嘅椰子湯底...忍唔住當湯飲咗幾碗搞到個店員幫我加左幾次湯諗返起都有啲唔好意思哈哈其實平均每人二百幾蚊 仲有咁多生猛海鮮食真係好抵，下次會叫埋D打藍球既波友一齊Happy Dinner

好耐之前同男朋友仔食完對於佢既椰子雞同海鮮一直念念不忘上次見到隔離枱既蕃茄濃底脆米泡飯套裝都好似好正一直心郁郁想一試再試忙左甘耐終於有時間再來了！每次來食都覺得餐廳個Slogan好正“一個價錢滿足晒你，超抵食，包你食到飽”上次來既時候係新開張今次隔左幾個月再來 餐廳已經好旺果然係好東西 好快被人通傳！蕃茄濃底脆米泡飯套裝 $200到都一樣係包6款海鮮同埋6款配料每期既海鮮都有唔同，而今次有：牛角蚌、蠔、肉蟹、沙白+蜆、魷魚、魚當中最特別既係平時唔會食到既海鮮 ─ 牛角蚌牛角蚌係我人生第一次食佢既外表好似牛角仔 但入面就好似帶子甘樣但佢既味道更加鮮甜同埋爽口~而肉蟹依然一樣甘令我地回味萬分！仲係大大隻~啖啖肉蟹膏激多~大愛之選！今次我地揀左魚魚好鮮甜~而口感好幼滑但建議唔好煮太耐~因為魚好鮮嫩如果煮太耐~就會浪費了！配料：美國肥牛、花膠仔、響鈴、魚皮餃、唐生菜、手打墨魚丸上次食過西班牙梅頭肉相當唔錯所以今次就試美國肥牛亦都不負所望！牛味濃郁~而且十分新鮮手打墨魚丸都係十分推介口感彈牙同鮮味十足~仲有細細粒既墨魚肉而花膠仔係我每次打邊爐都必點因為加入左花膠仔個膠底會更濃郁鮮甜到最後落泡飯時

有時候兩個人😒出街食飯好迷惘，想打邊爐但又叫得唔多野食，好快就食飽，所以諗左好耐，都唔知食咩！最後去左長沙灣呢間新開既火鍋，睇到餐牌有3種湯底，粥底$200位、椰子🐔文昌雞$248位、蕃茄🍅泡飯$200位，最後簡左椰子文昌雞，包6種自選🦀🦐海鮮、2種🐚貝類、6種火鍋配料！份量剛剛好，又可以食到唔同種類海鮮，最重要夠新鮮，地方夠大，又坐得好舒服😌！隔離枱話椰青好好飲，一定要叫，我下次一定會試粥底😋同椰青🥥😋