吉吉點 (已結業)

飲茶食點心不是早上專利,依家飲茶再無時間限制.那晚同妹做完gym後,回程都十多點,有D餓餓地,經過見到宜安街街市旁斜路(不太顯眼)有間點心店~吉吉點,當然入去醫肚.餐廳裝潢以灰色牆為主,配黑白椅,地方企理光猛.* * * 首先來了吉吉蝦餃皇每籠有二隻蝦餃.煙韌不厚外皮,包裹鮮彈牙的大大蝦仁,而蝦彈牙鮮美口,勁足料.* * 頂級鮮牛肉腸粉腸粉滑嫩,但有點厚皮,裡有牛肉及菜,算可口好味呢!* * *千層珍珠雞千層珍珠雞,樣如其名,有一層糯米一層雞餡,非常貼切.細份糯米雞, 兩口食完,內餡有雞肉,冬菇及花生等,味道還可以.這店有特別咖啡及花茶飲,因晚上飲後怕SLEEP 不到,只有待下次早點來品嚐呢!

今日做野做到好夜, 放工就好想搵個舒適點的地方坐下休息下. 之前Lunch 行過想入去食但太多人無位, 今日放工就去踫下運氣.見餐牌有好多精緻點心都好想食, 但得一個人真係食唔到咁多. 所以叫一個飯同一個點心. 飯方面本來想食蒸飯, 但見到有荷葉籠仔飯就好想試一試!估唔到夜媽媽都搵到間好味點心, 下次黎會試下其它點心

記得細細個樓下D舖頭全部都係小店, 個個老闆員工都好親切. 但慢慢香港就被連鎖式大集團攻佔了. 而家D小店都只能係舊區搵到.自己鍾意幫襯小店, 喜歡佢個度有人情味, 有誠意的出品. 因為大部份小店都無大量資金頂住, 可以生存到的其實大部份都係靠本身食物質素同埋服務.今日比我搵到間有誠意又敢創新的點心店. 位於宜安街街市旁斜路, 雖然位於食街, 但因為在斜巷, 不易發現, 但今日下午去幫襯都坐滿客人都是街坊, 心想應該不錯舖面乾淨企理, 似係茶餐廳格調. 點心方面, 有傳統蝦餃燒賣, 仲有比較特別的新派點心. 我地叫咗幾樣野:頂級鮮牛肉腸粉 ($22) – 用鮮牛肉製成, 一點雪味都沒有, 而且好彈牙同埋好滑, 腸粉皮薄薄一層, 夾上黎又唔會爛, 非常有水準! 鮑片冬菇鴨胸荷香籠仔飯 ($26) – 個名好長 XD 鮑片同鴨胸都大大片, 用荷葉包住黎蒸, 每粒飯都沾上咗荷葉清香, 鮑片同鴨胸的味道, 而且飯粉分明. 好爽口! 青芥鮮牛肉饅頭漢堡 ($31) – 用饅頭做漢堡皮, 脆脆地感覺得意. 相比起其它點心, 呢款比較Heavy, 但創意滿分! 其餘仲叫咗蝦餃, 燒賣, 鳳爪

尋晚收工約左同事踩單車，踩到9點幾見餓餓地就想搵個地方醫醫肚。搵左一陣都搵唔到可以擺單車嘅鋪頭，終於搵到呢間小行斜路上嘅點心餐廳。推部單車上去問佢地話可以放門口，見佢地夜晚9點幾都座滿人，應該唔會差得去邊掛，所以我同個friend就決定入去試試。同一般點心鋪唔同，佢地個感覺似係coffee shop咁，鋪內裝修新淨，有D紫色燈仔裝飾，播住歌咁，氣氛幾好。我地叫左壺香片，佢地係用茶葉沖，唔係茶包，幾有誠意。點心紙自己揀野食，我剔左鮮竹卷同埋牛肉球，朋友就叫左牛腸同咸水角。我地打住機等左10分鐘到，個鮮竹卷同埋牛肉球就一齊到，即刻試試咁就出事喇…個鮮竹卷D湯熱到辣親條脷，個仕應見到我辣親先同我講話佢地D點心全部都係即叫即做，所以會比較熱，咁我就唯有食住個牛肉球先，等個湯凍D再食…牛肉球好彈牙，一D都唔粉，加左喼汁都唔會整凍個牛肉球，原來係佢地有㷫住D喼汁同豉油，真係細心。牛腸同咸水角都到埋，我都每樣試左D，牛腸個皮厚左少少，不個就好多料，啖啖肉，勁足本。咸水角即炸熱辣辣，脆口煙韌嘅外皮包住流汁芝士餡料，好似食緊芝士波咁，妤特別。再試食返個鮮竹卷，擺左一陣都重係熱嘅(可想而知之前有幾熱啦)，