影片
更多
2023-11-10
855 浏览
War Rooms係Top Blade Steak Lab旗下嘅高級扒房，開咗半年左右，由餐牌及官網設計到裝修擺設，都係圍繞住邱吉爾嘅二戰辦公室呢個主題～ 上個月朋友生日話想食西餐，見到呢到嘅晚餐係有8道菜嘅全牛宴🐮，睇人哋啲相覺得幾吸引就決定試吓🤤～特別一讚，成個用餐體驗非常之好，每一枱都有專人上菜同講解每道菜式，•🥢 Dinner 8-course Menu $780 per person另外可以加$299配埋4杯酒，而且唔一定要按人頭加，即係兩個人可以只有其中一人加wine-pairing, 不過因為我哋都少飲酒，所以就無加到～•📸 手工麵包配烤骨髓牛骨髓𢳂起好似牛油咁，用嚟搽上烘到脆卜卜嘅薄麵包，食落好香牛味同香草味～ 第一次食牛骨髓嘅我，覺得幾有趣同有驚喜🤩•📸 秘製意式生牛肉生牛肉用上flat iron，由於經過24小時醃製，所以表面會偏向啡色～ 配咗蒜味蛋黃醬、黑椒、橄欖油同芝士碎，食落有少少ham嘅鹹香味，但又有食生肉嘅口感，而且係越咬越有牛味🤤•📸 850度牛串呢個牛串係用咗牛胸腹，旁邊配咗日式牛肉汁荷蘭醬。食第一啖已經食到極濃郁嘅牛味，而且牛肉極juicy💦 無想像
特別一讚，成個用餐體驗非常之好，每一枱都有專人上菜同講解每道菜式，
•
🥢 Dinner 8-course Menu $780 per person
另外可以加$299配埋4杯酒，而且唔一定要按人頭加，即係兩個人可以只有其中一人加wine-pairing, 不過因為我哋都少飲酒，所以就無加到～
•
📸 手工麵包配烤骨髓
牛骨髓𢳂起好似牛油咁，用嚟搽上烘到脆卜卜嘅薄麵包，食落好香牛味同香草味～ 第一次食牛骨髓嘅我，覺得幾有趣同有驚喜🤩
手工麵包配烤骨髓
16 浏览
0 赞好
0 留言
手工麵包配烤骨髓
14 浏览
0 赞好
0 留言
•
📸 秘製意式生牛肉
生牛肉用上flat iron，由於經過24小時醃製，所以表面會偏向啡色～ 配咗蒜味蛋黃醬、黑椒、橄欖油同芝士碎，食落有少少ham嘅鹹香味，但又有食生肉嘅口感，而且係越咬越有牛味🤤
秘製意式生牛肉
12 浏览
1 赞好
0 留言
•
📸 850度牛串
呢個牛串係用咗牛胸腹，旁邊配咗日式牛肉汁荷蘭醬。食第一啖已經食到極濃郁嘅牛味，而且牛肉極juicy💦 無想像過串燒可以咁juicy！ 牛串表面帶少少焦香，而且牛味係越𡁻越出，係非常驚喜嘅一道菜🫨 食完原味之後，第二啖可以點少少荷蘭醬，醬上面灑咗啲芝麻，估唔到同牛串都幾夾，令成個味道多一重層次👍🏻
850度牛串
6 浏览
1 赞好
0 留言
•
📸 乾式熟成和牛舌芯
乾式熟成過嘅牛舌芯令牛味更集中同濃厚，而且和牛舌芯嘅油脂好豐富～ 牛舌芯煎到表面焦香，又帶點脆口，既有牛舌嘅爽口，入面又保持軟嫩～但個人認為略嫌有少少內臟味，需要配檸檬汁/芥末蒜鹽一齊食～ 但個人更鍾意配檸檬汁，食落無咁膩；而芥末蒜鹽會比較衝擊，點得太多就會蓋過咗牛味～
乾式熟成和牛舌芯
2 浏览
0 赞好
0 留言
•
📸 凍湯
呢款西班牙凍湯飲得出應該用咗番茄、青瓜、紫洋蔥、紅椒、蒜頭，再加少少調味～ 開頭聞落有啲草青味，但飲落就有啲熟悉嘅味道，係洋蔥同蒜頭嘅甜同辣味，仲有啲青瓜嘅清新，整體幾有趣😆
侍應話凍湯可以清新味蕾，清一清油膩感，再食之後嘅廚師發辦～ 睇得出成個餐牌設計嘅用心👍🏻
•
📸 廚師發辦牛扒三重奏
三重奏係有3款唔同嘅牛，以下順序係圖X由下而上，由較少油脂嘅食起，而且雖然配咗兩款鹽同一款芥末籽醬，但都係建議先各食一件原味，第2件先再加調味～
🐮 Prime 封門柳
牛味最濃郁嘅一款，油脂較少但咬落都算嫩～
🐮 28天乾式熟成 Prime 牛板腱
呢款經過熟成嘅牛板腱，牛味再集中啲，而且口感似牛柳咁軟嫩，個人嚟講最鍾意呢款🤤
🐮 澳洲Mayura M9+ 朱古力和牛
據說係每日食朱古力飼料嘅牛～ 肉質有淡淡哋嘅堅果香，油脂都比較多，但可能咁啱我哋食呢嚿有啲啲筋，所以就唔算好軟嫩～
🍽️ 伴碟仲有每層都好薄脆嘅千層薯🥔、好似煎帶子但又好juicy嘅雞髀菇🍄同埋爽口嘅西蘭花苗🥦～ 千層薯真係好出色！✨
廚師發辦牛扒三重奏
7 浏览
0 赞好
0 留言
•
📸 頂級M9+和牛煲仔飯
用和牛整煲仔飯真係好奢侈😆 咁啱我哋坐嘅位係對住整煲仔飯嘅位置，可以見到侍應好細心咁控制火候同監察住煲飯👍🏻 煲好飯後，侍應就會成煲拎到我哋枱，再落醃咗嘅和牛同豉油，之後冚蓋焗幾分鐘，焗熟啲和牛粒同埋焗到有啲飯焦就食得🤤
和牛聞落的確幾香，但就唔係好似臘味咁入晒啲香味落啲飯到，係會比想像中遜色啲啲，不過因為火候真係控制得好好，飯焦超香脆，配上淡淡嘅和牛油香同埋鹹甜適中嘅豉油，都幾出色嘅😋
頂級M9+和牛煲仔飯
10 浏览
0 赞好
0 留言
•
📸 蕃紅花雪糕
壽星嗰份有灑上Happy Birthday嘅擺碟，再加埋一支插在果仁杯嘅仙女棒，好浮誇😝 雪糕有加埋開心果碎同餅碎，夾得嚟又有多啲口感～因為係手打雪糕，所以會比較溶得比較快，食落都比平時嘅細滑一啲，味道亦幾清新～
🌟推薦度：8/10
P.S. 訂枱要落訂每位$200，沒有切餅費🎂
张贴
