影片
更多
2021-11-07
5011 浏览
朋友邀約飯局，講明地道順德菜，唔食遲啲唔知有冇得食，講到咁點可以唔去試吓呢😂第一個上嘅喺順德拆魚羹，裡面材料好豐富，當你撈起一湯羹嘅時候，魚肉、香菇絲、瓜𢇁乜嘢都有，每啖一口都極其享受😋豉油王煎蝦碌隻隻都好大，廚師好細心將蝦一分為二，每人一頭一尾食嘅時候都方便好多，唔會太鹹味道剛好👍跟住落嚟係蝦子柚皮扒豆苗，個柚子皮真係燜得好出色，我敢講係我人生食過最好味嘅柚子皮，燜到好軟、好入味及入口即溶，豆苗亦好幼嫩，絕配😋我第一次食鍋貼小棠菜係喺番禺，當時已經好鍾意呢個餸，估唔到喺香港順德聯誼會都做得非常出色，一口咬落去外層非常鬆脆，裏面食到一粒粒剁碎咗嘅小棠菜，再加埋有啲魚肉蝦餃，非常有層次，總之兩個字講完「好味」砂煲魚頭我好鍾意食，但係煎焗魚嘴就第一次試，個魚嘴煎焗得好脆好惹味，用嚟送啤酒一流🍻釀鯪魚又係其中一個我非常鍾意食嘅順德菜，記得細個嘅時候我媽咪都經常做俾我哋食，平價魚但非常晒功夫，佢而家年紀大都冇眼力再做呢一個餸，所以喺外邊食飯如果有得點嘅我都會點嚟食。大家望張相相信都覺得好掂，乾身香口，個鯪魚肉釀埋啲蝦米芫荽非常野味梅子芋頭碌鵝又係做得好味，梅子味唔會好搶，微酸食落去唔會覺得個餸
第一個上嘅喺順德拆魚羹，裡面材料好豐富，當你撈起一湯羹嘅時候，魚肉、香菇絲、瓜𢇁乜嘢都有，每啖一口都極其享受😋
順德拆魚羹
80 浏览
0 赞好
0 留言
豉油王煎蝦碌隻隻都好大，廚師好細心將蝦一分為二，每人一頭一尾食嘅時候都方便好多，唔會太鹹味道剛好👍
豉油王煎大蝦碌
53 浏览
0 赞好
0 留言
跟住落嚟係蝦子柚皮扒豆苗，個柚子皮真係燜得好出色，我敢講係我人生食過最好味嘅柚子皮，燜到好軟、好入味及入口即溶，豆苗亦好幼嫩，絕配😋
蝦子柚皮扒豆苗
77 浏览
0 赞好
0 留言
我第一次食鍋貼小棠菜係喺番禺，當時已經好鍾意呢個餸，估唔到喺香港順德聯誼會都做得非常出色，一口咬落去外層非常鬆脆，裏面食到一粒粒剁碎咗嘅小棠菜，再加埋有啲魚肉蝦餃，非常有層次，總之兩個字講完「好味」
鍋貼小棠菜
93 浏览
0 赞好
0 留言
砂煲魚頭我好鍾意食，但係煎焗魚嘴就第一次試，個魚嘴煎焗得好脆好惹味，用嚟送啤酒一流🍻
順德煎焗魚嘴
66 浏览
0 赞好
0 留言
釀鯪魚又係其中一個我非常鍾意食嘅順德菜，記得細個嘅時候我媽咪都經常做俾我哋食，平價魚但非常晒功夫，佢而家年紀大都冇眼力再做呢一個餸，所以喺外邊食飯如果有得點嘅我都會點嚟食。大家望張相相信都覺得好掂，乾身香口，個鯪魚肉釀埋啲蝦米芫荽非常野味
順德脆皮釀鯪魚
103 浏览
0 赞好
0 留言
梅子芋頭碌鵝又係做得好味，梅子味唔會好搶，微酸食落去唔會覺得個餸好肥膩，芋頭同鵝都燜得好諗好入味，冇嘢可以挑剔👍
梅子紅芽芋碌鵝
63 浏览
0 赞好
0 留言
玻璃皮乳鴿，正如個名一樣，個皮好薄好鬆化，隻乳鴿真係燒得一流，食落去啲肉汁流晒出嚟，肉質鮮嫩冇比😗
玻璃皮乳鴿
57 浏览
1 赞好
0 留言
最後一個係生炒糯米飯，食糯米飯好多時都係好黏一嚿嚿，但呢度嘅糯米飯，炒到好似炒飯一樣可以一粒粒食到，臘腸潤腸臘肉當然唔少得，用佢黎做結尾，令到成餐飯非常完美，好有幸福感😄
生炒糯米飯
60 浏览
0 赞好
0 留言
最後一個甜品係姜汁撞奶，呢個都好好食，不過我個人嫌佢薑汁唔夠多，但係都做得好滑好唔錯，可惜食得太快冇影相留念😅
總括而言，今餐順德菜個人非常滿意，每個餸都做得好好，服務又好又冇加一服務費，一家人又或者同朋友聚會，呢度的確係唔錯嘅選擇。
张贴
