順德聯誼總會

营业中

休息中

老細請食飯，從來未食過順德菜，不過對我黎講有d重口味左，有d菜色偏鹹，但整體黎講都滿意既，有機會會再去食！生拆魚雲羹不會太稠或太稀，岩岩好好，魚雲新鮮亦無腥味，係第一道菜翡翠海皇酥一舊都好大舊，食完都有d飽飽地，幾好食豉油王煎蝦碌D蝦超級大隻同有大大啖蝦膏，脆口得黎十分入味，係可以成隻連殼吃。蝦肉新鮮彈牙，醬汁甜甜地，會不停想食。平時懶得剝蝦，都可以試下脆皮釀鯪魚完全係考師傅功力既一道菜！入面係釀左蝦米嘅鯪魚肉，仲配左個辣椒豉油，不過都幾辣！可以試咗原味，先再點辣椒豉油，完全唔同感覺蓮藕餅本身超級鍾意食蓮藕餅，而呢個超級脆口，一定要趁熱食！入面有臘味，從來未食過呢個味道小炒王見到菜心心眼，本身自己都好鍾意食，入邊咩都有，仲加咗魷魚帶子大蝦炒埋一齊！係高級版嘅小炒王，甜甜地，會令人不停想食！炸子雞雞皮油光發光而且炸到很薄，有部分部位都有厚厚的脂肪。雞肉很嫩滑，不過好鹹，要不停飲水自家製魚腐浸菜心又係一個我鐘意既菜式，菜心超級淋，魚腐超好食！順德月婆炒飯食到最後都飽飽地，炒得夠乾身而且好有鑊氣。蛋白杏仁茶最後甜品有蛋白杏仁茶，不過本身唔食杏仁就冇試到，所以連相都冇影到總括嚟講都算滿意！只係

順德拆魚羹做得好好，有魚香無魚鯹，當然亦無魚骨啦，佢D蔥吊起咗D魚肉嘅鮮味。翡翠海皇酥拼蝦醬骨就覺得比較一般D，翡翠海皇酥好大舊有少少飽肚，蝦醬骨就無乜蝦醬味。煎焗魚咀真係比魚咀你而唔係成個魚頭就咁上，欣賞佢夠講究，另外個咬開個面就見到師傅真功夫，入面好鮮嫩。子薑麵醬蒸魚雲新鮮好味，個子薑麵醬用黎配個魚雲真係好夾。梅子香芋碌鵝嘅鵝就肥咗少少，不過佢個梅子汁做得好好，令到呢個餸好開胃又唔會滯，最好食係下面墊底的芋頭，吸晒梅子汁同埋D鵝油，超好食，係成個餸嘅精髓所在。脆皮釀鯪魚真係一門功夫菜，呢度嘅師傅做得好好，由個樣到入面釀嘅加咗蝦米嘅鯪魚肉都好掂，不過記住要點佢個辣椒豉油，點咗真係會好食好多。玻璃皮乳鴿蝦子柚皮又係做得好好食，佢用咗柚青去做，清香得黎又無咁滯。自家製魚腐浸勝瓜個自家製魚腐好香蛋味，勝瓜去皮夠晒嫩。順德月婆炒飯炒得夠乾身，有鑊氣。蛋白杏仁茶做得好香，又唔會太甜，幾好。

順德“拆魚羹”鮮甜美味魚湯清甜，魚肉嫩滑，手工菜。“炸乳鴿”時間掌握控制火喉恰到剛好，乳鴿嫩滑有肉汁，鼓油味都香、濃,唔會太咸。“豉油王大蝦”調味好,但不入味，蝦肉調味方面，可能時間上未能夠掌握，只是蝦殼有味，蝦肉未能反映出味道。小棠菜蝦餅有新鮮感，但唔覺好出色，蝦膠跟小菜唐菜混合黏合情度不夠。龍躉裙邊製作不錯，膠質很重，有魚鮮甜味。整體食物不錯，有家鄉風味。環境稍嫌燈光太暗，裝修有點舊，樓低太矮有點焗促。

香港老牌食府順德聯誼總會個個都以為係只招待會員，各位朋友，粉絲們其實不是，人人都去得，更沒有加1,茶介,開瓶費,切餅費,絕對是食客的福音生拆魚雲羹同蛇羹一樣師傅刀工十分重要，這道菜師傅刀工絕對出色，又不會太稠或太稀、剛剛好，魚雲新鮮沒有腥味，「正」腿蓉蝦球伴野雞卷蝦球大粒爽口彈牙，10分鮮味，野雞卷咗酒一流，毫無破綻海皇翡翠鍋貼 有帶子粒菜粒蝦餃混合而成，揸得酥脆，每口都彈牙最重要是可以品嚐到帶子粒，口感豐富蝦子柚皮扣遼參從來不食西柚皮的我第一次品嚐，原來也不俗，煮得也不會太糊或太硬，恰到好處、唯一遼參感覺過於普通，鮑魚汁也不是特別出色，所以這道菜與其他相比只是合格煎魚嘴正式順德做法，香、新鮮、0 腥配啲陳年白蘭地溝普里，真係不得了，雖然質素仲未及澳門金運，但係已經非常幸福玻璃乳鴿用上15日大的BB乳鴿, 皮脆肉滑，多汁，如果有茅台陪襯更加不得了古法炆斑翅即劏幾十斤大海魚，新鮮沒有雪味，煮得10分入味，足料蔥爆鯊魚扣鯊魚扣等如鯊魚的胃，懷舊菜之餘也10分難找得到，個人應為必試自製魚腐上湯豆杯： 呢個可能係今晚最失望嘅，魚腐自製雖然10分有誠意，用上蛋白魚肉打出來，可惜10分淡而無味，有

朋友邀約飯局，講明地道順德菜，唔食遲啲唔知有冇得食，講到咁點可以唔去試吓呢😂第一個上嘅喺順德拆魚羹，裡面材料好豐富，當你撈起一湯羹嘅時候，魚肉、香菇絲、瓜𢇁乜嘢都有，每啖一口都極其享受😋豉油王煎蝦碌隻隻都好大，廚師好細心將蝦一分為二，每人一頭一尾食嘅時候都方便好多，唔會太鹹味道剛好👍跟住落嚟係蝦子柚皮扒豆苗，個柚子皮真係燜得好出色，我敢講係我人生食過最好味嘅柚子皮，燜到好軟、好入味及入口即溶，豆苗亦好幼嫩，絕配😋我第一次食鍋貼小棠菜係喺番禺，當時已經好鍾意呢個餸，估唔到喺香港順德聯誼會都做得非常出色，一口咬落去外層非常鬆脆，裏面食到一粒粒剁碎咗嘅小棠菜，再加埋有啲魚肉蝦餃，非常有層次，總之兩個字講完「好味」砂煲魚頭我好鍾意食，但係煎焗魚嘴就第一次試，個魚嘴煎焗得好脆好惹味，用嚟送啤酒一流🍻釀鯪魚又係其中一個我非常鍾意食嘅順德菜，記得細個嘅時候我媽咪都經常做俾我哋食，平價魚但非常晒功夫，佢而家年紀大都冇眼力再做呢一個餸，所以喺外邊食飯如果有得點嘅我都會點嚟食。大家望張相相信都覺得好掂，乾身香口，個鯪魚肉釀埋啲蝦米芫荽非常野味梅子芋頭碌鵝又係做得好味，梅子味唔會好搶，微酸食落去唔會覺得個餸

✅ 五蛇羮好足料 香濃 不過有d蛇肉比較鞋口 食左兩碗 個人暖晒！-✅ 玻璃蝦球蝦肉勁嫩滑！大大隻 啖啖肉-✅ 鴨掌柚皮柚皮勁入味入口即溶 鴨掌好重膠質 養顏之選😍-✅ 大良炒鮮奶煮得火喉岩岩好 超級嫩滑！一碗真係唔夠食-✅ 乳鴿即炸 熱辣辣 皮夠脆！-➡️ 糯米飯一般般 鑊氣唔夠 飯唔重臘腸味-✅ 蛋白杏仁茶唔會太甜 好滑😋-🦁 順德聯誼總會 (中環)中環租庇利街17-19號順聯大廈2樓🦁 人均消費：<$800｜推介：❣️❣️❣️❣️🦁 總結：好有水準既順德菜！都係公司飯先會食依d菜 自己好少食 好推薦！

多謝朋友邀請我來到位於中環單幢大廈內的 食晚飯, 因這間餐廳以會員制度訂座, 菜單亦要在用餐日期前幾天確定. 可能由訂座至進餐當日等待了一段時間, 所以對當晚飯局都有所期待🤗順德魚雲羹魚雲羹非常足料, 有魚肉, 勝瓜絲, 腐皮絲, 冬菇絲...... 味道非常鮮甜, 食落口感非常豐富, 讚👍👍雲腿玻璃蝦球隻蝦有六兩重, 大大隻🦐, 晶瑩通透, 非常爽口, 加入少少雲腿, 蔥絲墊底, 味道再提升一點點😋😋蝦子柚皮扒豆苗柚皮炆得非常恰當, 味道非常入味. 配時令豆苗, 絕配👍鍋貼小棠菜外層炸漿薄薄, 香脆可囗, 內裏蝦膠彈牙＆多碎菜. 基本上每一啖也食到蔬菜, 中和油膩感玻璃皮乳鴿稱之為玻璃皮, 即等於脆口意思, 乳鴿調味可以, 可惜炸得比較乾身, 失去肉汁古法雙冬羊腩煲主角是羊腩, 內有配菜冬筍, 冬菇, 炸支竹, 馬蹄, 可點腐乳汁食. 跟玻璃唐生菜, 新鮮脆口. 羊肉沒有太重羊騷味, 而羊腩煲內的汁與其他餐廳比較偏淡味薑蔥蒜爆龍躉面珠肉上菜來時, 遠處已聞到陣陣香味, 薑蔥蒜頭洋蔥爆得非常入味. 龍躉肉亦很滑溜. 這個菜非常惹味😋👍👍生炒糯米飯用料與一般炒糯米飯相若, 有臘腸, 臘味

聽講現在换了新的廚師班底,朋友話想趁限聚前一天約埋去食番餐體驗一下。 点了必食的拆鱼羹,柚皮鵝掌,煎酿鯪鱼,拨丝咕噜肉,煎焗鱼咀,脆皮乳鸽,生炒糯米饭,最想点的砵仔焗魚腸,姜撞奶却被告知没有做了。 環境沒有改變,但食落鱼羹湯底味似乎有点寡淡了點,柚皮尚算酥化,但缺了以前那種淡淡的涩味和纖維質,最大問題是煎酿鯪鱼里面魚膠有些散,煎焗魚咀顯然拍乾粉走油,食落怪怪的,找不到手工煎制的焦嫩香感覺,乳鴿估計是用了老鴿,皮脆顯硬肉顯柴少汁水 ……整餐飯下來,比預想差遠了,總體失望。

沒錯，人與人之間的緣分是一種牽引!去年外婆返天家去，意味最親近自己的順德人離開了!  但一頓順德飯聚，揭開冥冥中的主宰於數年前，已為我埋下順德人的緣分伏線。認識兩位順德女的緣分，要從一位尊敬的前輩說起。簡單來說前輩是一粒種子，由種子再萌芽，慢慢孕育出兩位好朋友、好姊妹來。對於這緣中之緣，十分感恩!當晚於順德聯誼總會的順德飯聚，事前得麻煩身為順德人的好友訂位和寫菜單等籌備工作，終於我們首場正規開心飯聚順利進行。酒也準備好了， Cheers!第一道是我最想回味的順德傳統拆魚羮 (中) 。順德傳統拆魚羹最能體現順德菜的粗料精作的精髓！究竟魚羮用了多少食材？一邊品嚐柔和順心的味兒，一邊令我想得絲絲入扣！勝瓜絲、白木耳絲、魚肉、腐竹絲、紅蘿蔔絲、薑絲、芫荽、冬菇絲，果皮絲和杏仁片等，聽聞正宗的魚羮用料超出十五款之多！順德人懂得吃，而融滙貫通、活用當地食材亦是他們的強項。香港未能找到順德河鮮的蟛蜞，但可找到大海蝦，於是弄來了西施玻璃蝦球。玻璃蝦球是 花手工的菜式，大蝦經過去蝦殻、挑腸、去皮、醃製、啤水、走油等工序，蝦球才達至白淨、爽脆的玻璃狀態，再配上滑溜的蒸蛋白，一爽一滑，一菜兩感！大良炒牛奶拼

相信大家都知道呢類型的什麼什麼總會，一定要係會員先能夠book枱食飯 這個晚上為了一位朋友慶祝生辰 🎂由另外一位會員朋友代為訂枱 🍴餐廳裏面全部都是VIP房，私隱度極高 👍 坐得非常舒服第一味餸就是久仰大名的拆魚肉羹 簡直是超班好味道!!! 個個都添完再添蒸蛋白又係滑到冇朋友一食傾心！燒乳鴿亦係出名好食，外脆內軟極為juicy！反而個蛇有點兒失望 建議食蛇嘅朋友都唔好叫豬潤湯睇到想就知好味道啦！豬潤全部脹卜卜順德釀鯪魚當然唔會失望，亦係極其入味。有會員的朋友不妨約一大班朋友去食順德菜，氣氛良好食得幾開心

話說需要一個地方食好嘢，今次去咗一間順德店，朋友係順德人，想揀間食下。(￣▽￣)搞手好早就book定嘢食，服務尚可。(^_^)a順德生拆魚肉羹，都幾香，非常夠料，幾好味。頭抽煎大海蝦，剛好一人一張，大大隻，都幾入味，唔錯。蝦籽柚皮扣鵝掌，唔好睇小呢味餸，要選好嘅柚皮，要去除苦澀味，仲要夠厚而鬆軟，呢味就淨小小，柚皮可以再鬆軟，芡汁可以撈飯o(^▽^)o拔絲咕嚕肉，本身好喜歡咕嚕肉，加埋拔絲效果，一口好正。薑汁芥蘭，不過不失生炒糯米飯，味道好味，夠火喉，加埋花生，更加可口。薑汁撞奶，甜品就麻麻，唔夠薑。我地仲有叫順德煎釀鯪魚，八寶鴨味道麻麻。5000元8個人食，還可以。環境都坐得舒服嘅。

呢間餐廳, 我同屋企人已經食過幾次, 每次都好滿足.... 或者因為我係順德人啦, 所以覺得D野食好岩胃口.... 我地只會叫六道菜, 有12個人食, 聽落會唔夠飽, 但係其實係夠有餘, 仲可以打包拎走... 我地一開始有一個魚肉羹.... 我就好一般, 因為我個人唔係太鐘意食有芫茜, 再加上我只喜愛清湯既質感, 所以我冇食到, 不過見屋企人次次都有ORDER, 好明顯, 係好食既, 佢地既comment 係好香, 但係羹得黎唔會覺得滯.... 之後食左個柚皮鵝掌, 我係好鐘意食柚皮既人, 因為平時自己整唔到, 一定要出街先食得到, 佢柚皮同鵝掌都好入味, 雖然佢都係有D杰既茨汁, 不過未去到杰撻撻咁, 我係可以接受.同埋佢燜到兩樣野都好林… 食完好想再食, 好彩其中有一個人唔食柚皮, 我可以食埋佢個份HAHAHHAHA…緊隨住就係豉油王大蝦.... 個隻蝦真係好大隻, 佢曲左都有手掌咁大, 我係一個好唔鐘意搣蝦殼既人, 但係夾住用牙咬都好快剝到D殼….最重要係, 佢香得黎, 我食完仲會”損” 下D 殼既汁…第4道菜就係咕嚕肉, 唔酸, 好香甜, 你呢一刻會好想有個白飯… 同埋佢唔大舊

在香港很難吃得到真正的順德菜，聽講順德聯誼總會的順德菜出名正宗，又有名人介紹，於2年前委託順德祖籍的朋友預訂，由於食過番尋味，當時已急不及待要預訂下一次。可惜因為裝修關係，預約半年後先可再一次品嘗。今次一行22人，菜單如下：杏汁燉白肺湯蝦籽柚皮鵝掌豉油皇煎大蝦大良炒奶 + 野雞卷順德煎焗魚咀脆皮燒乳鴿薑米霸皇炒飯薑汁撞奶最出色的是杏汁燉白肺湯，白肺湯非常幼滑，沒有杏粒但有濃郁的杏仁味；豉油皇煎大蝦亦很入味；其他菜式不過不失。豉油皇煎大蝦大良炒奶 + 野雞卷順德煎焗魚咀脆皮燒乳鴿薑汁撞奶要特別提及的是薑汁撞奶，不是坊間食開的撞奶為半凝結狀，而是稀如水的奶加薑水！好怪！薑味辣到跟本食唔到，負責人解釋因為用了紫薑黃，所以特別辣，但廚師無試味嗎？這個是甜品，不是用來挑戰可試辣的程度！！是晚的水準跟2年前比較已大不如前，除了杏汁燉白肺湯，其他菜式只是普普通通，不值一圍HK$5,640的價錢！

此地方是順德聯誼會所以當然食順德菜啦。此 地方最近經過裝修後房間十分舒適 而且不收加一服務費， 所以經常滿座及需要預先訂枱及寫菜。 今天一行十人到這裡食晚餐， 房間很大很清潔。第一道菜是白肺湯，湯煲得十分有火路，豬肺全無腥味， 點豉油十分好食。炸子雞用 新鮮雞做，炸得很好， 肉質很滑。 跟著下一個菜是這裏著名的八寶鴨， 餡料用薏米做， 有很多鹹蛋黃，很好食。 釀鯪魚 及炸鮮奶做得很有順德風味 ，餡料做得很好。 甜品是薑撞奶，即撞即食。 這晚餐十分超值。

迷人uncle與美人姐姐曾於「順德聯誼總會」設宴款待過肥肥家族，小肥對當時品嚐過o既順德美饌o既印象確真難忘。事隔兩年，會所經過裝修，廚房亦換上班底，因深覺「順德聯誼總會」o既餐飲同環境都齊齊升哂呢，兩位長輩週六晚就專登在此再次請客，與一眾好友分享佳釀美食，共度良辰，小肥有份參與其中，當真榮幸萬分！會所餐廳全新包裝過後，廂房更顯光猛高雅，厚墊椅櫈亦舒適得多，隔音仲遠勝昔日，加上服務生落力勤奮，態度友善溫馴，埋位前已覺環境、服務及衛生分均成功升至滿分位！兩位迷人及美麗o既主人家原來喺晚宴前已多次試過餸菜方才訂下宴會之菜單，實在用心良苦，盛設非常！八寶燉冬瓜盅：街上狂風暴雨，賓客到步時大多都有啲濕，所以由一碗熱辣辣o既冬瓜盅打響頭炮就特別窩心。冬瓜盅清甜鮮美，足料夠火喉，每人有成兩碗咁多，很是暖胃。鹽燒牛舌拼藕餅：藕餅香口惹味，毫不油膩，一人一件都唔覺得滯。鹽燒牛舌更是一絕，厚身得黎質感腍中帶爽，柔潤可口。兩款小食送酒都係咁一流！豉椒爆大蝦球：已去殼o既蝦球體積龐大，但卻又極易入口，食落爽脆彈牙，鮮甜無比，堅！蘿蔔炆大鱔：怕魚骨o既小肥雖然唔敢食大鱔，不過都影咗幅相比大家欣賞下。薑汁炒芥蘭