老鍋台式火鍋 (京都廣場) (已結業)

行完SOGO 行到攰，媽媽想食火鍋，搵間好坐又好食嘅火鍋，係openrice 搵到呢間評語唔錯又咁啱係附近就上嚟食啦。位置好方便，係銅鑼灣地鐵站C出口，一出對面馬路京華廣場2樓就係老鍋啦…一出有個天燈許願區可以許下願，啲老人家最鐘意有啲花臣玩下又有得影下相就最開心。火鍋價錢唔係特別貴，先嚟揀湯底先，有6款以上選擇，同媽媽嚟咁係揀養生鍋啦（$228）內有多種名貴藥材，人參，火腿老雞同豬肉精心肴製而成，果然上枱好香人參味，啲料都好多，有粟米，蜂巢凍豆腐，冬菇，紅棗，圓肉杞子等等。食火鍋點少得牛肉，我地叫左個精選手切牛肩肉（$198）新鮮又夠牛味，因為係牛肩肉，所以脂肪唔多，反而好好咬口又唔韌，唔錯。三秒響鈴卷（$68）新鮮即炸，好脆又大隻，正。鵝肝墨魚丸併黑松露蝦丸（$58）半份鵝肝墨魚丸內有一粒小小鵝肝，味好濃配上墨魚丸好爽好咬口夠彈牙，黑松露蝦丸就香黑松露味蝦丸依舊爽口彈牙。叫左呢到出名嘅皇室魚肚（$88），有8大件，超厚身，淥完後索哂啲湯好好食。最後嗌左個限量冰菜（$68）高纖低卡豐富維他命B6,感覺健康啲加上翠綠賣相好靚，淥完都好爽脆。

又到打邊爐既季節啦！今次揀左去老鍋！平日既夜晚都好多人呀！我地叫左鴛鴦鍋 一個養生鍋，一個麻辣鍋😋養生鍋 有唔同既藥材、人參、火腿、老雞及豬肉精心肴制而成麻辣鍋 (小辣)有唔同既香料、藥材, 調製既湯底加入鴨血及凍豆腐, 口味非常道地我地仲叫左美國特級牛肋肉、鮮炸響鈴、雜錦蔬菜盤、關廟麵 等左陣個湯底好快就到左！當湯底滾左之後，先黎既係關廟麵！原本想等埋其他野先食，但等左好耐都仲未有！鍋入面既凍豆腐、鴨血已經俾我地食哂啦！😖唯有食住個麵等其他野食啦！我地將個麵落左麻辣鍋到，索哂湯好辣呀！估唔到小辣都咁辣😍正😋😋鮮炸響鈴係即叫即炸，所以要等耐d！美國特級牛肋肉賣相好新鮮，下面仲用左冰鎮住架！肉質好嫩滑，牛味仲好突岀！

人大了就會想食得養生一點，注重健康飲食，就算晚飯打邊爐，都開始挑選一些有健康功效的湯鍋。所以今晚就同男朋友試一試這間在澳門逸園中心3樓的老鍋！湯底選了美人鍋拼養生鍋，裝湯底個鍋都幾特別，中間突起，令湯底滾得更均勻。美人湯有大量的桃膠，又有半隻烏雞，味道幾濃郁，啖啖滋陰美顏，非常適合我！養生鍋非常強烈的人蔘味，加埋豬肉和雞肉的肉汁非常夾，男朋友超級喜歡！本身湯底已經有粟米、冬菇、冰豆腐，所以蔬菜只點了冰菜，都是因爲湯底質素高先敢點，本身冰茶易入味又吸油，但放入美人鍋卻似以上湯浸過，味道清甜！鮮炸響鈴，第一次吃到真是新鮮炸起的，吃過便知返唔到轉頭🤤，首先非常大舊，完全沒有油溢味，不覺肥膩，浸了湯幾秒但仍然吃到香脆口感，超神奇！酒香白肉必選之一，本身未淥已有淡淡酒香，最估唔到是淥完仲有酒味，而且肉質鮮美，好正！絕對是重質不重量的火鍋，湯底直到打完邊爐仍然不會成層油，而且保持到材料的味道，真係好值得再來。