Cafe Polanka

营业中

休息中

之前發現呢間店唔係好乾淨，所以好耐無黎食。但朋友想試，就黎食多一次啦。餐包香軟。但紅餐湯 “傑” 得估怪，好似加左生粉甘，味道咸左d。焗蜜汁煙三文魚雞中翼飯 ($57)：完全沒有蜜汁味，三文魚腥。雞中翼外皮香脆、肉滑又入味。飯太乾和硬身，奇怪地淋左鼓油做飯汁。乾炒西班牙海鮮意粉 ($51)：賣相和味道都好差。意粉無味，配炒飯可能會好d。餐飲杯凍檬茶真係好恐怖，油淋淋、滑手既杯身實在過份。唔只唔乾淨，連味道都差左。

星期日，與媽和弟逛完最後一日營業的吉之島之後順便到附近的餐廳晚飯，想不到都幾多人~自己要了海南雞飯，食過之後懷疑是否真的海南雞飯除了飯有D雞油就食不出與其的分別，有誰可以推介一下真正的海南雞飯在哪裡有得食?????????媽要了德國咸豬手，超大塊~~~~食得有點膩!!!怕怕了~弟的西冷扒要了7成熟，大家樂還比它好食得多!試過就算了!!!!!!!

呢晚入左黎大埔同個朋友食飯啦，唔知點解唔知食乜好。最後既選擇就黎左呢度啦，我記得呢間既裝修唔係咁架。而家個局係好睇好多，坐又坐得算幾舒服既。唔知野食得唔得啦…我叫左個牛扒餐。西湯又唔錯呀，我飲到小小辣椒仔既味道。而個湯除左有菜之餘，仲有小小牛肉架。又整得幾好飲呀。餐包講真個包只係微暖，唔係太熱。我只係覺得個牛油幾好食，同個餐包既味道幾夾。黑椒牛扒牛扒既肉質鮮嫩，好有肉味。唔可以話好juicy，但一定唔會韌到咬唔開。而伴菜就係好普通既菜，如果可以用蒜蓉炒一炒就好啦。而薯菜又係我鍾意既扭紋薯條，好味道呀。凍奶茶算幾大杯既，好夠茶味。呢間都算唔錯，不過我都係想食鐵板餐。但個價格太貴啦，下次先黎食啦。