Ruby Tuesday (已結業)

朋友難得黎坑口呢邊做野，咁梗係要聚下～～要坐得舒服，又要食西餐，露比梗係冇得輸～～整頓好2位小朋友，咁就睇下有咩食～～平日下午有lunch set, 又好似OK 喎～～有湯、沙律、主菜同餐飲～～我地一人叫左一個餐、加左雞翼、再另外一個兒童餐～～～等緊野食個時就有畫筆俾小朋友畫畫～～仲送左個匙扣俾佢地添～～Lunch menu餐湯係自助架，想飲就可以出去裝湯跟餐沙律都係係自助吧自己夾～～～主菜黎喇～～我點左炸魚薯條～～～好香口，好好食～～～魚唔會過咸，又濕潤唔乾身，好食朋友點既漢堡包，大大個都好吸引呀另加既小食：雞翼～炸得比較乾身，柴左少少食炸野，梗係配汽水另外點既兒童餐：巴馬芝士長通粉兒童餐甜品：雪糕新地

其實今次只係我第三次食Ruby Tuesday. 一係因爲佢貴, 二因爲上一次係九龍灣食佢好出名既ribs覺得好乾，所以就覺得唔使再試。今次因爲有平日lunch買一送一所以黎食。我同男朋友分別點左個ribs&磨菇雞長通粉。個set仲有drinks & 湯/salad. 好喜歡呢個咁creamy既湯！架左菜中和左個膩既感覺。而最令我驚喜既係湯旁既小鬆餅。外脆內軟！仲好有蒜蓉味！沙律就正正常常，甜甜酸酸咁，好爽口。今次個ribs同上次九龍灣食好唔同。好juicy同肉質好鮮嫩，少少甜甜地再加好香既豬味！令我喜出望外。男朋友係薯條都加左d pepper, 令整體感覺更好！本來以為有成隻菇芝士味好濃，茹味都好香(點整到架呢？)，雞肉好嫩。本身以為好細碟，食落都幾飽。呢度d包真係特別好食。個蒜蓉包好脆！

生日諗住近近地食個西餐，選擇咗近屋企嘅呢一間。12點去到，得一枱人，我地係第二枱，可能時間還早，加上平日，亦因為咁，所有waiter 嘅集中去晒我地到，煩煩地。。Lunch 去得食，梗係叫set, 有湯有餐飲，抵啲。 餐湯: 忌廉磨菇湯，好浠，唔係想像中咁creamy, 其實都唔多人食，點解要溝浠佢呢？ 唯一驚喜係旁邊嘅蒜蓉muffin ，尚可接受。 主菜: barbecue pork rib + 薯條，pork rib- 好濃，一篤就散晒，都唔駛用力切，好似烚熟再拎去焗，薯條唔夠熱。 另一主菜: 8安士牛扒+薯條，個樣正正常常，可惜我老公一食已經話塊扒好似蒸熟咁，唔似係烤熟，第一啖已經話唔好食，薯條一樣唔夠熱 餐飲: 熱檸水，本來無乜好寫，應該無失準喇，點知佢地唔係用一片片檸檬，係一舊咁擺係杯邊，舊檸檬係已經轉黑，可能切咗好耐，到最後我無擺入水到，只係當熱水飲算。 咁嘅價錢食咁嘅嘢，無下次。。