Simplylife Bakery Cafe (已結業)

今日大約2點左右去到葵芳，呢個時間諗住去一啲平時比較多人排隊的餐廳，一諗就諗起呢一間Simplylife。一去到非常好，唔使排隊，即時安排入座。一去到見到Menu，成個lunch set所有餐都係劃一$135，我地就揀左炸魚薯條同埋燒春雞。一來就飲左個餐湯-蘑菇湯！一貫既味道，都係好唔錯！蘑菇湯既蘑菇味好濃、個包都算新鮮，外脆內軟，加埋個牛油 （溫馨tip，可以加pepper係牛油上面先搽，個人覺得好食d）炸魚薯條🌟🌟🌟就唔太surprised，個薯條係脆同唔油膩，不過個魚就唔算太突出，中規中矩！同埋佢只係配茄汁，我地另外叫左沙律醬去點個魚，都唔算太夾。半隻燒春雞🌟🌟🌟🌟燒雞雞肉好嫩，雞皮都係脆既！一切落去都好juicy，但唔算太油！不過想重點講個汁、辣肉腸，令到成個dish都昇華哂！我個人好推薦呢一個lunch set!最後有啲美中不足係今日天氣好凍，佢個餐係無包熱飲，只可以要冰茶、汽水、紅、白酒。不過waiter哥哥都好好，提議我哋要冰茶走冰總結都算係一個好嘅lunch，decent customer service and good food。

返工辛苦咗成個星期，Happy Friday收工之後想同男朋友搵間西餐廳Chill下，迎接週末假期嘅來臨~無特別上網去搵，係葵芳廣場行咗陣，見「Simplylife Bakery Cafe」環境幾好就入咗去！ 後來上網search先知原來「Simplylife Bakery Cafe」係好多地方都有分店，餐廳裝修以當代歐陸式風格為主，環境舒適，氣氛浪漫，高樓底，落地大玻璃窗，空間感足，坐得好舒服！ 🧡餐湯餐包+紅酒（+$45）餐包係酸種法國麵包，大塊又好味！餐湯係忌廉南瓜湯，香甜又綿滑！紅酒斟得好滿，味道還好，飲完個人好放鬆！ 🧡加拿大天然豬鞍架·奶油瓜蓉·牛油松子·自家製意式乳清芝士（$218）豬鞍調味較淡，大件厚身，肉質鬆軟，易切易咬！搭配埋個奶油瓜蓉食又有另一番滋味！ 🧡慢煮肉碎手製闊條麵（$118）肉條碎好重牛香，好多汁！闊條麵有咬口，好掛汁，味道唔錯！ 整體來講，環境舒適，味道一般，價錢稍貴。如果大家行商場行到有啲攰，想搵間餐廳坐底休息下chill下，又對嘢食要求唔係話太高既，呢間都幾適合！

難得同朋友放假，見中午未有太多人，就入去呢間坐吓，環境光猛，近窗感覺好舒服。填完申報表，門口員工帶我哋入去坐，無笑容，入到去佢放低張餐牌就走咗。我同朋友坐住對面係廚房，可能你會覺得望住廚師煮嘢食幾得意，不過只係幻想😭我坐唔夠5分鐘，已經覺得好嘈（主要係碗碟聲），視覺上，基本廚師係背向住你煮嘢，而侍應就喺前面來回送餐，呢個座位設計係失望，完全享受唔到用餐，反而心裏多咗一份煩擾🥲是日餐湯，正正常常蘑菇意粉個汁整得唔錯，你見我食晒就知幾好食😋朋友食嘅烤雞都唔錯，配菜焗得岩岩好個人一般呢個冰茶，不過朋友OK，睇個人口味。整體上裝修環境唔錯，不過近廚房位置就好嘈，難以享受用餐，近入口座位會比較好。食物質素好食，但餐牌好似冇咩點變過，可以增加多啲選擇。侍應服務態度一般，雖然戴住口罩，但客人係仍會感受到服務。建議侍應多番笑容，態度有善啲，客人用完餐，侍應收餐嘅時候，可溫柔啲將餐具放落隻碟到拎走，太大力收野，其實都會影響客人嘅感受，畢竟客人仲未用餐完畢，少少建議希望會改善。

家人推介的餐廳，見新店環境又ok咪試試。中午12點幾嚟到嘩人山人海，等位等左成個鐘終於入得。一入去感覺好舒服，只有一張餐牌選餐，就選了三款，餐湯美味香濃，最喜歡法包香脆，可惜沒有得外賣。香草燒雞沙津菜家人話雞肉唔干有肉汁，好大碟沙律菜可惜黑醋汁太多比較酸。啤酒脆漿炸魚配薯條，可惜脆漿太硬，只食左魚肉同沙律。蘑菇芝士水煮蛋味道較濃，食完成碟都比較飽滯。成個午餐最好味就係法式紅桑子班㦸蛋糕，食完後重外賣兩款回家，由於這款蛋糕極易溶化，加上天氣太熱，急步回家。可惜紙盒超薄同冇乾冰，15分鐘回到家蛋糕也溶了。建議餐廳改善包裝同方法確保食物品質，如果不是這款蛋糕要帶備冰箱或者冬天才買回家品嘗會好一點

係門口同侍應講兩位，之後叫我地格離等等，然後其他客相繼黎到，侍應就去接待其他客，同佢地講返２：３０截午餐，３點先有下午茶。侍應分別接待左兩台客，之後先黎安排我地入座。個湯好健康，有藜麥係入面　good隻湯匙洗得唔乾淨，唔想麻煩侍應們，所以唔換都冇咩所謂。賣相都算可以，食物味道先係重點。炒蛋滑！不錯，有少少蛋味。麵包呢，就有焦味加燶味。（可能係炭燒味呢）塊煙肉有冇可能乾成甘呢？唔講唔知以為食緊豬肉乾呀~邊位全部都系焦黎既個闊條麵相對上就好好多啦，係有ｄ略咸。總括黎講，服務方面有待改善，食物方面就比較參差，值得一提係個環境幾好，上面天花係玻璃窗，下午去食野果陣個感覺係幾開揚。