翠苑甜品專家 (北角道)

营业中

休息中

呢間糖水舖好有舊香港風格，經過見到就走咗入去嚟個飯後甜品。一睇餐牌就見到呢個名為「首創健脾補腎腰果糊」，咁得意，即管試下你先！首創健脾補腎腰果糊 $21我本身就好鍾意腰果嗰種果仁味道，上枱後見到碗腰果糊色澤偏啡，充滿腰果香！食落雖然無聞落咁香濃，但微稠的腰果糊都好正，食完會覺得好滋補，幾好！如果你平日食果仁都偏好腰果的話，應該要試一試呢個腰果糊，甚有驚喜！

冬天食糖水都係食中式糖水最好，暖胃得黎又好味，係冬天一大享受！今次同朋友試咗三款糖水。合桃糊燉鮮奶/芝麻糊燉鮮奶 $22 燉鮮奶就食得多，燉鮮奶裏面有合桃糊/芝麻糊係好少見，師傅用方法將合桃糊/芝麻糊注入燉鮮奶當中，讓食客可以同時有雙重享受。燉鮮奶夠滑嫩，甜度適中，奶味香濃，令人想一啖接一啖！至於合桃糊同芝麻糊，合桃同芝麻磨得非常幼細，口感柔滑，果仁味香，feel 到係真材實料，唔似得某些店舖用澱粉濫充其數嘅劣質甜品。燉鮮奶本身已經好好食，可以根據個人喜好選擇合桃糊或者芝麻糊。（注意：非常飽肚，如果係食飽飯去，最好同朋友share）首創健脾補腎腰果糊 $19剛好係星期六晚， 能夠試吓呢個星期六日限定嘅甜品，健脾補腎一下。原本以為腰果糊剩係得腰果一種材料，但食落口發現有浸藥味，帶點微酸，應該係有放藥材同腰果一齊磨成粉製成甜品，至於係咩藥材就無從得知， 有興趣知道者可以問吓店家。哩個甜品口感柔滑，甜度適中，正常發揮。至於係咪可以健脾補腎就見仁見智啦。

👯 每逢星期六日，小妹就會諗起呢個糖水~因為佢星期六日先有架ja!。👄首創健脾補腎腰果糊 $16 。。👉聽個名已經好補甘，haha😂 食落好滑，味道好似淡口d既合桃糊。相比下，我會鍾意呢個腰果糊多過個合桃糊。。👍 價錢仲要好街坊，抵啦~