老厝邊

营业中

休息中

又來到荃灣美食多多嘅大壩街，見到呢間餐廳嘅風格別具特色，洋溢住一種台式嘅懷舊風情，而且仲設有上下兩層，成個環境真係好有氣氛！不禁令人想好好品嚐一下台灣嘅古早味～香噴噴雞排滷肉大碗公💰HK$62大碗公份量多，雞排外層酥脆，內裡保持多汁嫩滑！滷肉肥瘦均勻，用來撈飯一流～香蔥起司牛肉蛋餅💰HK$45蛋餅皮煎到微脆內軟，香蔥同牛肉嘅味道相輔相成，起司仲有拉絲嘅效果，配搭啱甜甜辣辣嘅醬汁更惹味～香炸花枝丸💰HK$34花枝丸炸到金黃酥脆，表面仲沾滿惹味嘅調味粉，最特別嘅係花枝丸係切到半粒半粒咁樣上嘅，擺入口好方便～仙草凍鮮奶💰HK$28鮮奶充滿濃郁嘅乳香，仙草又有一種冰冰涼涼嘅口感！鮮奶加仙草呢個組合嘅味道非常之清新可口～麥香奶茶💰HK$24味道與別不同，比起一般嘅奶茶多咗一種麥香味～值得一讚，店員服務態度好，非常之有禮貌👍🏻～

去唔到旅行周身痕，往年一年去一次台灣好似返鄉下咁，而家冇得去唯有食台灣菜解癮😋荃灣呢一間分店都算新，平日晚上時間好彩仲有位坐，佢有分上下兩層，樓上雅座有少少似香港冰室既feel。坐低睇下有咩食，多選擇到唔知揀咩好，牛肉麵都有分湯麵同撈麵，見到好多人都揀但因為太大碗，今日叫多啲小碟既野食，滿足曬為食既我🥳家常滷味拼盤，裡面有海帶，豆腐，滷蛋，有蒜頭同埋少少酸菜，有少少濃味但拼埋其他淡味嘅食物就一流。薯餅芝士蛋餅，估佢唔到咁好食，一碟嘅份量好足，軟綿綿既芝士蛋餅夾住剛炸好脆卜卜既薯餅，超好食香炸花枝丸，上枱熱辣辣，花枝丸入面有一粒粒既花枝，外面有一層椒鹽粉，我覺得仲吸引過鹽酥雞🙈滷肉飯就算叫左細既滷肉飯但都勁大碗！滷肉肥瘦適中，上面仲有一塊酸瓜解膩🤤大腸麵線巨大既滿足，佢係容易夾起既麵線，有台中麵線既味道👏🏻兩杯飲品好似喺台灣夜市買返黎咁，味道同喺出面好難飲到😍食到個肚捧住走先200蚊左右，真係勁抵食✈️✈️