Coffee Talks (已結業)

有位朋友，每次見面都會找些特色cafe去下，勝在可以舒舒服服地傾下計。而coffee talks絕對係其中一間可以慢慢傾下計嘅地方，怪不得好多女仔都去！餐廳內佈置好舒服，令人感覺好relax。食物方面，burger出乎意料地出色，除賣相吸引外亦好有心思製作。牛油果雙層炸魚柳漢堡配薯條🍔想不到賣相如此吸引切大大件，裡面配料亦好多，最開心的是有大量牛油果，魚炸得香脆之餘魚肉份量都幾多，漢堡包底部則加了菠菜和牛油果醬，從細節中顯心思👍🏼👍🏼旁邊的薯條亦好香脆，食完個高質burger再食薯條真係match曬，大滿足☺️話明要好好傾計，當然要點杯咖啡嘆下，焦糖鮮奶咖啡好香焦糖味，值得一讚的是咖啡只是微甜，配上咖啡的苦味，配搭得剛剛好。香炸蒜片鯷魚蟹肉意粉意粉是乾爽的，混了好多香蒜，而且蟹肉新鮮，加上蟹子的配搭幾好味。有機會再來聊一聊～

放完五日假，聽日又要由天堂跌返落地獄， 今日我一定要盡情去食去玩，出去旺角買下野，行下行下六點幾，都係食埋野先返屋企，見到呢間文青咖啡室，有小小被佢甘靚既裝潢引左入去，人唔算多唔洗等位，可能聽日要返工大家都早啲返屋企，係我一個仲係條街度，入到去店員招呼唔錯，點左一個人氣推介香炸蒜片鯷魚蟹肉意粉，一杯叫做咖啡控必試既維也納咖啡，同埋跟餐可以有加配優惠，加34蚊有個冬甩set，野食來到枱面已經聞到果浸蒜香味，同埋由擺碟睇得出店鋪既心思，等埋一齊影張靚靚相先跟住開始食野，一食落去，嘩，好食到痴線，蒜香味重，蟹肉又多，加上個意粉內面仲有好多唔同既配菜，可以話好耐未食過甘好味既意粉，絕對值得推介，跟住試埋個咖啡，果然係必試，個咖啡好特別，甜苦味道分得好鮮明，上面啲cream 凍，下面咖啡熱，店員亦都有提醒唔好搞埋來飲如果唔係就飲唔出個味道。 又再要推介，之後食埋個冬甩，冬甩不過不失但係擺碟值得一讚，食飽飽返歸又要準備聽日返工，下次一定一定再來試下其他野食。