小城鎮 (已結業)

又和港島東們返工既朋友聚餐了，今次又由朋友帶路嚟呢間西餐廳，係門口見到裝修幾靚，走工業風，已經立即好期待入嚟食嘢了！打開餐牌已經見到好多嘢食，當堂流晒口水呀我地點完嘢食之後，第一樣嚟就係餐湯，係蘑菇忌廉湯，本來不太喜歡蘑菇，但加埋忌廉既湯就自然會變得好好食，佢有送多一塊多士俾我地連湯食，多士沾啲湯真係一流～飲品叫咗杯1664加藍莓，平時好少會有水果mix既組合，佢本身放咗幾粒藍莓係杯入面，溝埋之後水果味好勁，同平時飲既1664好唔同，太鐘意呢個味道仲飲咗兩杯添。朋友叫既煙三文魚蜂蜜醋沙律($68)，有啲蜂蜜味同平時食既好不一樣，幾好味。白酒忌廉燴青口($78)，青口好大隻，忌廉同香濃既白酒味配埋上去好夾好滑呀。燉油蒜片鮮蝦扁意粉($72)，蝦超級大隻，香草味好濃好入口。我的重點來了！10z安格斯肉眼扒($188)，配菜有一啲翠肉瓜同配菜，炒得好香好軟身。薯仔係厚切，有啲似Mxx Burger既薯條切法，但佢做到每條都好脆，好好食。個扒有要求咗係五成熟，啱啱好！肉唔會太「銀」同太硬身，塊扒弓好大塊，分得啱啱好。而個肉好多汁，好好味！香烤德式豬手，豬手又係好大隻，朋友慢慢切開佢俾我地食，切

Happy Friday當然要同大班friend一齊食餐好因為有幾位朋友都係附近返工，所以我哋就揀咗北角嘅一間小餐館，叫做Little Town。行到入去，原來佢嘅裝修係有主題，有火車模型，路軌，門口亦都好似售票處咁我哋一行五人，就叫咗個四人套餐，侍應介紹左幾味招牌菜比我地，所以我地主菜就揀咗招牌豬肋骨、西班牙海鮮炒飯、豬手、安格斯肉眼扒。侍應都有講佢地嘅是日甜品係需要準備定先，所以我哋一早叫定兩個鮮果奶凍同兩個草莓奶凍由於係四人餐，我哋怕唔夠食，所以都叫多咗一個margherita pizza。首先嚟嘅有沙律同湯，湯係羅宋湯，好濃，唔會好”希”。🔸小食-小城鎮炸雞翼炸雞翼嘅皮炸得好脆，但仍保留到肉汁，而雞翼嘅調味好惹味、好香香料味。之後就到主菜嚟喇🔸豬手、酸菜加薯蓉皮脆，但唔韌，而肉亦都唔會好乾，配合埋豬手嘅膠質，個口感好好。有時候喺出面其他餐廳食豬手，會擔心豬手嘅肉會太咸，但係呢度嘅豬手肉，咸度剛剛好，唔會太咸👍🏻配菜方面，薯蓉都唔馬虎架，薯蓉好香，我同啲朋友都食唔停口。🔸招牌豬肋骨佢嘅汁係酸酸甜甜，好開胃，而汁唔會淨係留喺表面，而係肉都滲透左佢呢個醬汁嘅味道，係好入味嘅！份量方面

今日阿囡又飛左公幹，又係時候大條道理唔煮飯~~老公話佢公司樓下開左間新餐廳，於是我就做一日好人揸車去接佢收工，順個便俾個機會佢請我食飯咁囉去到餐廳門外剛好有位泊到間車真係超正！入到去覺得好舒服好乾淨，加上可能係新餐廳關係未算太多人知道呱，所以人都唔太多，無吸晒我d冷氣初步感覺幾良好！之後當然又係食食食同食既時間老公就揀左佢至愛既牛！呢件係有成10安士既安格斯肉眼扒，好大又厚肉，煮得剛好7成熟，唔老之餘又好嫩口，肉質Q彈牛味十足，每食一啖都覺得好正！而配菜薯條仲係新鮮即炸，好熱又香脆，根本唔使點茄汁都已爆好食！我就揀左香烤德式豬手，份量都唔少，配菜方面就有炸薯角！隻豬手炸得金黃香脆，熱辣辣既同時亦保持到外脆內嫩，咬落咸香得宜，係幾好味道！而薯角都係新鮮即炸，好熱又脆卜卜，真係煮得幾好食得飯就梗要飲吓野係我既習慣我最愛朱古力，所以梗要叫返杯熱既朱古力黎飲，呢度既熱朱古力好滑又有拉花又有忌廉，單係視覺方面分數都幾高，飲埋落去就更滑喉香甜，很滿足~~而老公就order左百花園水果茶，黎到嘩左一聲超大杯，味道清新舒服很有鮮果香，份量又大2個人飲都夠晒，正好又俾d我飲~哈~~總括呢間新餐廳都幾好！