February

营业中

休息中

老友係觀塘收工，我地約左傾佢婚禮嘅安排，用OPENRICE APP搵到呢間 February 可以訂座，睇食評覺得環境都幾舒適，所以我地用OPENRICE APP直接訂左19:00先到先等。February 位於觀塘工業區中海日升中心2樓，都幾近地鐵站，我未到7點已經到餐廳，客人仲未係好多，餐廳裝修以木色為主，馬賽克吊燈配合柔和燈光，氣氛都幾有情調。😄晚市有二人套餐，價錢由$482起，份量都好多，不過因為老友唔太喜歡食豬肉，而且我地都唔係好肚餓，所以最後我地點左兩個主菜另加飲品Share食。美國頂級黑安格斯牛小排 (10oz) $228呢份牛小排非常有驚喜，熟度剛剛好，肉質軟腍多汁，而且肉味好濃，油脂都好豐富，我地兩個人share都相當滿足，另外配菜嘅薯仔沙律混入了少少芥末調味，味道好清新。👍香煎帶子牛肝菌意大利飯 $158帶子好厚身，外層煎得好香，而且唔會過熟，口感彈牙，牛肝菌意大利飯加入左翠肉瓜粒提升口感，味道非常唔錯。😋飲品我點左焦糖牛奶咖啡，唔會太甜，焦糖味好突出，唔飲熱飲嘅老友就點左可樂，我地用餐後係餐廳慢慢傾，侍應都好細心不停幫我地加水，埋單每位只係$242，價錢合理，下次

突發奇想，這家餐廳如果開分店，會繼續沿用店名February，抑或改為March呢？哈哈！餐廳所在位置離地鐵站比較遠，一貫酒吧的格局，燈光幽暗，設有吧台，天花懸掛幾盞異國風情的燈飾，頗有格調。餐牌有二人或多人套餐選擇，還有意粉、排類等等。⭐️白松露忌廉野菌湯$32跟餐配餐湯和飲品。忌廉湯入口幼滑香醇，不錯。⭐️香煎帶子牛肝菌意大利飯$152這道意大利飯沒有令我失望，米飯已經熟透，吸滿湯汁，濃稠綿糯，吃起軟硬適中，帶子軟綿鮮甜，伴以牛油果粒和牛肝菌，吃起來特別滋味呢！⭐️西班牙黑毛豬鞍架配番茄菠蘿沙沙$182黑毛豬鞍架醃過再微微一煎，也不掩肉香，入口嫩滑無比，加上番茄菠蘿莎莎調味，更添風味！此外伴菜薯泥也相當不錯，香甜可口，解膩佳品喔！⭐️stella artois 500ml$82泡沫細緻，入口清爽帶甘。⭐️熱檸水▫️平日晚上人流較少，用餐環境不俗，適合與友人慢慢享用美食。

整個下午沒有吃過什麽，openrice觀塘一下，見附近的LM Cafe同呢間February位置相近，食評都不錯，心想就這兩間其中一間餐廳用膳吧。不知何解LM Cafe超多人輪候，於是往樓上看看，發覺此間餐廳menu都不錯，侍應小姐更告知有七折，於是便入去用餐了。當時時間兩三點並沒有太多客人在內，我們可以自行選擇座位。要了兩個set lunch，分別是龍蝦汁海鮮扁意粉及香煎帶子牛肝菌意大利飯，配上餐湯，甜品及餐飲，七折價錢很抵食。龍蝦汁意粉有濃濃的蝦汁，只有兩隻青口及蝦，如能有多些海鮮或配料感覺口感會更豐富，味道是不錯的。要讚讚意大利飯，因為飯煮得很林，沒有半生熟的情況出現，只是略嫌份量小了一點其實如果不是侍應小姐於我們在門外看餐牌時跟我們說有折扣，我們便會錯過這間餐廳了。建議可以於餐牌附近貼上折扣字眼，溫馨提示食客該段時間有折吸引食客。臨走前侍應哥哥還溫馨提示我們剛下了一場超大的雨，不知現在外面是否仍大雨，叮囑我們最好有帶備雨傘。如此貼心，又加分呢。(後話:離開中心時幸好雨已停了，但見地上濕濕的，果真下過一場大雨啊)

觀塘呢間西餐雖然位置唔算好方便，但環境唔錯，亦夠哂靜，好岩情侶呢。德國火焰鹹豬手豬手上枱先燒香，視覺效果滿分。皮脆卜卜，肉好嫩滑好香口，豬既骨膠原口感仲keep到。加上酸菜整體唔漏。香煎帶子牛肝菌意大利飯賣相好靚既risotto。不過醬汁略為收得唔夠杰，太水影響味道。飯亦唔夠煮得硬，無左意大利飯應有既口感。美式慢燒豬肋骨豬肋骨燒得好香口，醬汁甜膩惹味。肉亦好多好厚肉。

今日和朋友出觀塘February食香煎帶子牛肝菌意大利飯配忌廉湯, 法式白酒汁煮藍青口、美式慢燒猪肋骨和熱咖啡。香煎帶子牛肝菌意大利飯, 帶子煎得香脆, 牛肝菌和醬汁好爽口, 意大利飯口感較濕不會太乾, 煮得不太硬, 好好食；忌廉湯好濃香, 好足料, 好香；法式白酒汁煮藍青口, 青口好新鮮, 食落鮮甜無雪味, 白酒汁煮得好香, 令青口食落去更加清新；美式慢燒猪肋骨, 猪肋骨肉味好濃, 啖啖肉, 肉軟滑及腍, 不會太乾, 醬汁好開胃, 入口即熔, 薯角炸得的香脆金黃, 配上黑酣和生菜, 食落不會太油膩；最後餐飲咖啡有,咖啡的回甘味,奶用新鮮牛奶,好滑, 餐廳在觀塘商貿區的新商場, 座位舒適, 而且有英超直播, 三五知己睇球賽好地方, 而且餐廳食物美味,價格合理, 美味西餐,可以再試。

之前都講過因為唔少餐廳進駐入廠廈，就多咗嚟觀塘區食飯，其實，除咗廠廈嘅「用途」轉變，依區亦不斷有新商廈落成，亦喺增加唔少新食店嘅契機。是夜嚟到中海日升中心嘅「February 」就喺一例，又睇睇能唔能夠成為異軍突起。餐廳有咩食，其實晌門口已經一眼睇晒，因為將個餐牌放大咗貼出門口。不過，既然又唔喺企晌度等位，自然坐低慢慢睇。走入餐廳，餐廳中央嘅水吧咁區，背後放滿酒，就知喺一派酒吧枱局。左右兩邊盡頭喺大梳化椅，感覺應該喺最好坐，佈置簡潔，但配以柔和燈光，尤其幾盞富中東色彩嘅吊燈，令環境添幾分情調。餐牌嘅內頁喺高貴嘅紫色，慢慢再細閱餐牌，食物主要都喺分為小食、湯品、沙律、主菜、意大利飯/麵及甜品；飲品方面則包括啡茶、汽水、紅白餐酒、雞尾酒、啤酒及沙冰。除二、四人套餐，當中嘅主菜及意飯麵，都可以+$38轉為晚餐，多一份精選餐湯或精選沙律及配一杯啡茶，+$12可要齊餐湯及沙律，+$22 更可以升級至龍蝦忌廉湯或白松露野菌忌廉湯。龍蝦忌廉湯 +$22估唔到個湯做得香濃幼滑，蝦味亦夠晒突出，份量又唔少，湯裡頭仲有微微絲絲蟹肉（雖然唔喺好食得到），但比相像中好，唔比啲大鋪遜色。但如果，加少少蝦肉粒，湯

觀塘工廈愈開愈多餐廳，身為觀塘人都不時到工廈搵食，今日就俾我搵到呢間食德國餐既February。 雖然呢到唔太大了，但環境似餐吧都幾Relax，不過真係估唔到假日都全場爆，睇黎都應該少名氣。香芒大蝦沙律 $92沙律健唔健康真係好睇個醬，呢到既沙律係用黑醋而且冇咩橄欖油就岩晒我，另外佢既蝦都幾大隻同埋肉質彈牙，仲有佢既芒果真係好甜，整體水準都唔錯。 美式慢燒豬肋骨 $182雖然德國菜必食既係豬手，但因為前排先食完所以決定食燒豬肋骨，呢到既豬肋骨都有番咁上下水準，豬肋骨唔會燒到太乾身，肉質嫩滑，醬汁醃得好入味，同埋我好鍾意佢比平時食到既重香蒜味，令味道更有層次。香煎帶子牛肝菌意大利飯 $142帶子大大粒，同埋個飯充滿牛肝菌既香味，意大利飯本身亦煮得岩岩好，唔會太淋或太硬，不過就略嫌牛肝菌汁收得未夠，宜家有略太水，但味道係唔錯既。呢到Overall 既水準都唔錯，同埋價錢都唔係特別貴，難怪有咁多人支持呢間小鋪啦～其他餐牌：