影片
更多
2017-03-03
994 浏览
之前都讲过因为唔少餐厅进驻入厂厦，就多咗嚟观塘区食饭，其实，除咗厂厦嘅「用途」转变，依区亦不断有新商厦落成，亦喺增加唔少新食店嘅契机。是夜嚟到中海日升中心嘅「February 」就喺一例，又睇睇能唔能够成为异军突起。餐厅有咩食，其实晌门口已经一眼睇晒，因为将个餐牌放大咗贴出门口。不过，既然又唔喺企晌度等位，自然坐低慢慢睇。走入餐厅，餐厅中央嘅水吧咁区，背后放满酒，就知喺一派酒吧枱局。左右两边尽头喺大梳化椅，感觉应该喺最好坐，布置简洁，但配以柔和灯光，尤其几盏富中东色彩嘅吊灯，令环境添几分情调。餐牌嘅内页喺高贵嘅紫色，慢慢再细阅餐牌，食物主要都喺分为小食、汤品、沙律、主菜、意大利饭/面及甜品；饮品方面则包括啡茶、汽水、红白餐酒、鸡尾酒、啤酒及沙冰。除二、四人套餐，当中嘅主菜及意饭面，都可以+$38转为晚餐，多一份精选餐汤或精选沙律及配一杯啡茶，+$12可要齐餐汤及沙律，+$22 更可以升级至龙虾忌廉汤或白松露野菌忌廉汤。龙虾忌廉汤 +$22估唔到个汤做得香浓幼滑，虾味亦够晒突出，份量又唔少，汤里头仲有微微丝丝蟹肉（虽然唔喺好食得到），但比相像中好，唔比啲大铺逊色。但如果，加少少虾肉粒，汤
餐厅有咩食，其实晌门口已经一眼睇晒，因为将个餐牌放大咗贴出门口。不过，既然又唔喺企晌度等位，自然坐低慢慢睇。
走入餐厅，餐厅中央嘅水吧咁区，背后放满酒，就知喺一派酒吧枱局。
左右两边尽头喺大梳化椅，感觉应该喺最好坐，布置简洁，但配以柔和灯光，尤其几盏富中东色彩嘅吊灯，令环境添几分情调。
餐牌嘅内页喺高贵嘅紫色，慢慢再细阅餐牌，食物主要都喺分为小食、汤品、沙律、主菜、意大利饭/面及甜品；饮品方面则包括啡茶、汽水、红白餐酒、鸡尾酒、啤酒及沙冰。
除二、四人套餐，当中嘅主菜及意饭面，都可以+$38转为晚餐，多一份精选餐汤或精选沙律及配一杯啡茶，+$12可要齐餐汤及沙律，+$22 更可以升级至龙虾忌廉汤或白松露野菌忌廉汤。
龙虾忌廉汤 +$22估唔到个汤做得香浓幼滑，虾味亦够晒突出，份量又唔少，汤里头仲有微微丝丝蟹肉（虽然唔喺好食得到），但比相像中好，唔比啲大铺逊色。但如果，加少少虾肉粒，汤面下忌廉时唧得靓仔啲，就一定更讨人欢心。
精选沙律虽然只喺一般嘅田园沙律，沙律菜淋啲沙律汁，称唔上咩精选或者有咩特色，但啲沙律菜够新鲜，入口爽脆，配几片青苹果感觉清新。
西班牙黑毛猪鞍架配蕃茄菠萝沙沙 $182件黑毛猪鞍非常大件，又喺厚切，极有睇头，切起嚟感觉几松软，入口试试，真喺唔错㖞，松化之余又富肉汁，衬蕃茄菠萝沙沙，酸酸甜甜喺几合适嘅配搭，不过，记得曾经食过啲黑毛猪鞍仲带有啲爽脆口感，但今次就无喇。加埋啲炸薯角、烤蕃茄、沙律菜，份量十足够饱肚。
香煎带子牛肝菌意大利饭 $142另一道主菜可谓姗姗来迟，饭粒煮得唔错，有咬口，又带有唔少菌香，只喺略嫌太湿，而鲜带子煎得香口，大粒质感又够弹性，只可惜得一粒，认真唔够喉。
蓝莓芝士蛋糕 $52主菜份量本身都几足，但大家嘅胃纳都仲有少少位，加上餐饮大家都打算拣咖啡，就一于点一件蛋糕共享一下。小弟原属意件朱古力慕丝，可惜无货，改为试试蓝莓芝士蛋糕，饼底厚薄适中，芝士味亦见浓郁，但难得个蓝莓酱似喺自家制，酸活无死甜，配多两粒迷你蓝莓口味雪米糍，整体真喺唔错，不过，定价$52以同类同级餐厅而言就肯定偏高。
即磨咖啡（餐饮）餐饮简简单单要杯即磨咖啡就算，意外少少喺附上嘅奶唔止喺热嘅，仲喺打起过嘅奶泡，虽然少少奶泡加落啲咖啡度唔会话变得好饮到飞起，至少见到份诚意。
虽然订咗枱，但嚟到都要等10分钟，餐饮嘅奶加热咗值得加分，但上完客黑毛猪鞍架，等好耐先嚟客意大利饭，好彩我哋都喺一齐共尝，否则就一个食完主菜，另一个就迟迟都未有得食。所以，整体服务算喺不过不失！
张贴
