雅高·33

营业中

休息中

好幾次行沙咀道都會經過這間「Artco•33」，今晚終於有機會入內吃個晚飯。餐廳座位寬敞，背景音樂播著柔和的英文歌，予人非常舒適之感覺。晚餐set跟餐湯和蒜蓉包。餐湯是普通白湯，有粟米和火腿粒，質感偏稀。意粉好掛汁，充滿著忌廉香味。藍青口和牛肝菌份量都頗多，另外也加入了洋蔥絲，令口感更豐富。唯稍嫌藍青口略鹹，意粉吃至尾聲時也有少許偏油。牛肉眼選了6成熟度，肉質軟腍，咀嚼間感受到牛肉香。整體而言，不過不失的質素，以這個價錢來說，非常合格。精選特價生蠔，每枱限叫最多半打。生蠔十分重海水鹹味，至於肥美度就普通。不過$15的超抵定價，這個質素已經算收得貨。甜品方面就有點遜色。心太軟熱辣辣出爐，雖然味道是可以的，入口有著濃郁的朱古力香氣，但敗筆在完全沒有流心效果。如果餐名改為朱古力蛋糕，也許會更適合一點。同樣跟餐的飲品，凍飲另加$3。

荃灣向來是新界區的美食好地方，地方大，餐廳的價錢也算公道。這天剛巧和朋友到荃灣逛街，事先卻沒有訂哪間餐廳，走著走著，竟然發現有間叫「Artco • 33」的食店，先，在門口看見一些食物的價錢都算正常，於是便去試一試了。裡面的環境都算舒適，地方寬敞，空間感足夠。食物種類繁多，拍不了那麼多的餐牌照片，只拍了晚餐、小食。另外最注目的莫過於海鮮拼盤，只需要$198，就能享用波士頓龍蝦、生蠔、帶子刺身、皇冠螺、甜蝦，不過在6點後才供應。晚餐包括餐湯、蒜蓉包、主菜，飲品只包括熱飲，凍飲或特飲等則需要加錢。先來了蒜蓉包，蒜蓉包的蒜蓉雖然不多，蒜蓉卻很香，麵包脆脆的。很少西餐廳會有「黑牛」了，黑牛是港式的傳統飲品，朱古力雪糕加可樂，朱古力雪糕份量不算很多，卻不知從哪個年代開始，成為了和可樂不錯的配搭。朋友則點了杯「白雪公主」，又一港式的傳統飲品，即是雲呢拿雪糕加雪碧，雲呢拿雪糕像泡沫般在杯子上，形狀可愛。以白色為主，和以黑色為主的黑牛互相輝映。作為薯控的我，當然不忘點一份芝士煙肉焗薯皮，上面是滿滿的芝士，超正的，毫不吝嗇，然後夾在芝士中間的是大量的煙肉，很是滿足薯皮不會很乾，也不會給人太膩的感覺，弄得

這天來到荃灣千色店附近， 接近放工時間等埋老公去吃晚餐。 行返出去近沙咀道一带原來都頗多食肆。沿路看見有好幾間有點歷史的西餐廳冰室之類。 突然之間想吃鋸扒。驟眼看見一家 西餐廳門口正推廣十蚊一隻生蠔。 決定入內用餐。西餐廳裝修有點外國feel， 主打西餐菜式，鋸扒， 意粉薄餅等。晚餐都有很多選擇。我選了"香煎澳洲牛肉眼"(Ribeye) 七成熟 配蒜蓉汁。先來餐湯和蒜蓉包。 忌廉粟米湯creamy 幼滑， 調味適中唔會太稀或太杰。 蒜蓉包焗得香脆!另一款餐湯選了什菜羅宋湯， 都是調味適中唔會只得酸味。肉眼扒煎得剛好，外皮有點焦脆， 肉質仍有適度軟熟保持肉汁， 肉眼部分肉味特別濃， 咬落肉質肉味都豐富， 配上新鮮蔬菜，意粉和蒜蓉汁， 就是我最喜愛的傳統扒餐!'另一份晚餐選了 廚師推介"雲酥羊架"$198( 8成熟)。羊架先煎香再鋪上麵包糠烤焗。 形成一層酥脆焗皮來加添口感。 火候一定要掌握得好否則焗得太久會容易有火燶味。 羊肉部分很juicy仍然嫩滑，加上少少羊羔皮脂份外惹味，老公還嫌羊肉不夠羶!羊架足有三大件，配上蔬菜， 粗薯條， 小焗薯和選了白飯， 超級豐富， 絕對物有所值!跟餐會有

可能新年關係，好似唔係咁夠人手，有d 菜就要等一段時間，不過職員d態度都很好。我朋友叫左牛肉眼，我叫左羊架。羊架我叫左7成熟，所以肉感唔會太硬or太林，味道尚好，不過價錢就有d貴。至於10蚊一隻蠔，好似加左d鹽？！有d鹹，但都夠新鮮的。

岩岩係日本返黎 今晚一於拉媽媽去陪我食西餐 近近地去返我地嘅平民飯堂 artco 33一人一晚餐 埋單都係3百幾蚊 非常合理套餐包湯/沙律同蒜蓉包 我地㨂左各一佢地嘅蒜蓉包真係好好食 麵包夠膽 醬夠多先黎澳洲肉眼扒 5成熟 岩岩好 唔會過老入口有牛味 而且夠juicy 配埋茄汁意粉好快就俾我食左一大半之後黎埋個德國咸豬手 餐廳好好咁一開二容易切好多 外皮烤到脆卜卜 脂肪已經溶解左入口一啲都唔肥膩 配埋個蜜糖芥末醬 平均返豬手本身嘅咸味 好正

搭車經過好多次，但一直都未試過，今晚打完波終於食到了。晚上大約9：45人流不多，去到已有位四個人點了四份晚餐齊齊share↑牛肝菌野菌忌廉意大利飯忌廉太濃，蓋過了菌味，一個人吃一定會太“漏”沙樂美腸睇薄餅薄底好香脆，芝士香而不太濃，沙樂美腸都有幾多片，98蚊有12”餅，味道又唔錯，超讚鮮蝦忌廉野菌墨魚汁意大利粉哈..打緊食評先留意原來四款晚餐三款都係有芝士，原來我地係芝士怪😂😂😂依個墨魚汁意粉，食完唔會成口連牙都黑麻麻蝦大隻且彈口有蝦味(冇雪味)香煎澳洲牛肉眼頗大碟，點了7成熟，廚師手勢剛好7成，肉眼很“霖” 冇筋。薯菜熱辣辣冇索滿油，應該是即叫即炸。值得推介晚餐送餐湯及飲品，四個人吃得很滿足

琴日入荃灣搵個朋友食飯，佢話帶我去一間覺得幾好既餐廳，由地鐵站行過去大約十五分鐘，係沙咀道隔離，唔算太難搵。去到大約8pm，餐廳都幾full，咁岩有一枱埋單走所以都唔洗等。坐低之後店員就向我地介紹返有咩好食，佢地首推美國肉眼斧頭扒，但斧頭扒有成16安士，對我同朋友二人黎講太多，怕會食唔落其他野，所以我地轉而點左佢地另一款招牌菜德國咸豬手，另外再點左份香煎澳洲牛肉眼。店員亦向我地推介法國新鮮生蠔，話依家做緊promotion $10/隻，我地見咁平都心思思想食，一共叫左四隻試下。兩份主菜都係跟餐，我要既白湯係忌廉磨菇湯，再配一片蒜蓉包。忌廉湯無咩特別，蒜蓉包就幾香脆幾好食。另外仲送左雜菜沙律俾我地。法國生蠔 $10/隻四隻生蠔有兩隻比較大，我同朋友每人各取一大一細，生蠔大小適中，肉質鮮嫩，但味道就唔太濃，不過只係$10一隻，亦無得要求太多了。香煎澳洲牛肉眼 $128肉眼扒可跟薯菜、飯或意粉，醬汁亦有燒汁、黑椒汁同蒜蓉汁選擇。我地揀左5成熟，要黑椒汁同跟薯菜。扒既Size頗大，雖然唔太厚身，但肉味幾突出，質感軟腍不鞋口，亦無咩根，算係合格有餘。而且配菜除左薯菜之外仲有沙律菜，整體份量多，薯