Y Show Tasty (已結業)

之前喺節目睇到呢間餐廳覺得好吸引！終於book到時間試吓個帶子蟹肉濃湯同個烤乳豬！個香烤乳豬好正呀喂！！佢有兩個醬汁嘅，一個泰式辣醬，一個係蜜蜂芥末一開始可以唔點醬食咗原味先，再試吓點醬味道一入口，個脂肪比例啱啱好，唔點醬食個味道香脆，點咗醬個味道都好夾，個人比較鍾意芥末醬。叫咗帶子蟹肉濃湯，果然龍蝦味好濃！一個湯有兩粒帶子，唔會太熟，熟到咬到纖維狀口感，啖啖湯都有料！值得一試至於個肉眼都幾好，咬落軟林嫩口，配埋焗蒜頭，唔係出面間間西餐都會有，配搭住個肉眼一齊入口好正，啲配菜都唔錯。

適逢情人節, 最好就去食西餐慶祝。 咁岩女朋友喜歡鋸扒, 就打算搵一間地方舒服且優雅嘅西餐廳。 早一日喺網上見到呢間餐廳嘅菜式加裝潢就被深深吸引了, 二話不說就預約了。 裏面的環境好有情調, 最適合情侶 進餐。卡邦尼意大利麵 $138卡邦尼汁濃厚, 食落好滋味。意粉煮得剛剛好, 口感很煙韌。 份量都算多兩個人食都夠 , 加埋溫泉蛋非常惹味。香燒美國頂級肉眼配野菌汁 $328點了一份七成熟嘅牛扒, 肉質鮮味, 再配野菌汁非常滋味。 雖然點了七成熟但肉質依然保持幼嫩有口感。香煎帶子配大野菇 $88賣相很好帶子彈口鮮甜, 大野菇很軟身。朱古力心太軟配軟雪糕 $58需時大概15分鐘很香甜的心太軟, 雪糕是用有曲奇嘅oreo口味, 口感非常同香滑。用餐時點了兩杯沒有酒精的mocktail, 非常開胃。Berry Punch $78開始時味道有點像Fruit punch, 上面有一個Berry冰球, 當冰球溶掉了就會溶入香香的Berry味, 非常特別。Sunset Island $78芒果沙冰帶有非常香嘅芒果味, 香芒嘅甜略帶少酸非常開胃。餐廳的氣氛最適合情侶及朋友聚會不過。 食物總算不過不失,

去尖沙咀搵食，首先浮在腦海既自然是厚福街。地下條食街連埋座美食大廈H8大大話話都有超過40間食肆，要係呢度突圍而出都實在唔易。而今日我同朋友相約去到H8，試下呢度一間新開既歐洲Fusion菜--- Y Show Tasty。環境超闊落，我地大約7點黎到都有幾台客。環境安靜，超級適合情侶黎dinner、談談心。一入門口就見到個開放式Bar counter，飲埋酒更加有氣氛！一坐低有驚喜，見到每個位置上都放著一張小卡片，寫住唔同句子，令我聯想到係外國有d餐廳會為每位客人送上一份lucky biscuit，掰開餅乾裡面會有張小字條寫住今日既運程，呢度既做法就好類近lucky biscuit，睇到張小卡片感覺都幾貼心。餐牌既選擇就唔算好多，都係以精緻為主。我同朋友選擇困難，叫個Set dinner兩個人分就最方便，成SET $598，本身靜係個Main香燒美國頂級肉眼扒就已經要$368，所以計返價錢都合理，而且食物好豐富。綠色的火箭菜口感很脆，味道有d澀，但配上濃稠渾厚既黑醋汁，中和了火箭菜獨有的澀味。水蜜桃切片\香甜多汁。重味既火箭菜同黑醋汁，配上味道溫和既水蜜桃、番茄同水牛芝士，味道配搭得