Mr. K Pizza N Chicken (已結業)

早排見到好多人去食呢間新開嘅餐廳，好鍾意食chicago pizza嘅我勁想試，一早bookmark咗！🔹Mr.K 二人套餐 $499有選擇困難症嘅我毫不猶豫地揀咗呢個set～呢個二人套餐有齊沙律、pizza一份、意粉/炸雞、飲品～🔺凱撒沙律 有我最鍾意食新鮮爽口嘅羅馬生菜、車厘茄，仲有大片嘅煙肉，面頭仲有少少parmesan cheese，配搭十分清新嘅沙律～Pizza方面因為款款都太吸引所以我哋揀咗half half兩款口味～🔺肉食狂人芝加哥薄餅 （烤雞 烤豬肉 煙肉 火腿 紅椒 雙倍水牛芝士 巴馬臣芝士 番茄醬 酸忌廉醬 黑糖邊）呢款pizza鋪滿滿滿嘅肉同醬料，超級濃郁惹味批邊嘅黑糖味好突出，大量嘅水牛芝士勁拉絲！！！🔺香芒大蝦芝加哥薄餅 （芒果 大蝦 紅洋蔥 車厘茄 雙倍水牛芝士 車打芝士 蒜香芝士醬 酸忌廉醬 蜜糖邊）呢款pizza有芒果甜甜哋，相對冇咁漏，感覺清爽一啲！本身都會糾結水果加pizza會唔會唔太夾，點知又ok，仲令個pizza加咗分～🔺蜜糖芥末炸雞（半份/5件）炸雞應該係新鮮地炸起，食落熱辣辣、好香脆！honey mustard呢個口味不嬲冇得輸～如果再多啲醬

今日母親節，做下孝順仔，就同媽咪去銅鑼灣行下街，之後就去食呢間手工Pizza，我知道呢間舖頭都好出名係炸雞&手工薄餅。柚子醋大蝦沙律 - $108沙律菜好新鮮，沙律醋酸酸地好開胃。日式章魚小丸子 - $58章魚小丸子食落唔粉，外脆內軟，章魚肉都好大粒，食落幾有口感。香芒大蝦芝加哥薄餅 - $215芝加哥薄餅係招牌菜，即叫即做先可以做到芝士拉絲嘅效果，黑糖麵包做餅底都好特別，媽咪都大讚呢個pizza好味又有創意。

今日朋友帶我挑戰超長拉絲薄餅店，餐廳位於銅鑼灣登龍街，主打手工pizza & 韓式炸雞。餐廳面積唔算大，但店員友善親切，人情味十足。朋友試過肉食狂人芝加哥薄餅，今次想試下香芒大蝦芝加哥薄餅。材料包括芒果、大蝦、紅洋蔥、車厘茄、雙倍水牛芝士、車打芝士、蒜香芝士醬、酸忌廉醬。薄餅都係即叫即做，熱辣辣既薄餅賣相吸引，餡料豐富，而且色彩繽紛。餅底用黑穀物製成，淨係芝士都用咗好幾種，超長拉絲效果，真係好考食家嘅臂力㗎。除咗薄餅面佈滿大量芝士，就連批邊都有芝士夾心，真係雙重芝士享受，芝士控不容錯過。薄餅口感鬆脆煙韌，芝士香濃得黎唔會蓋過洋蔥同芒果原有嘅鮮味。食到批邊既時候，有驚喜，原來批邊搽左蜜糖，甜絲絲嘅味道佈滿口腔，超正。日式章魚小丸子 ：小丸子熱辣辣，口感外脆內軟，木魚足夠。燒汁配以沙律醬，又甜又咸既口感，好特別。韓風紫菜薯條：薯條外觀粗身，炸到金黃色，紫菜足夠，平均曬在每條薯條上，調味適中。食完先發現原來2人套餐經open rice訂座有85折優惠，套餐包括凱撒沙律、芝加哥薄餅，雙併都得、意粉或炸雞一客、飲品2杯。真係好想再嚟挑戰多一次呀。🔍: Mr. K Pizza N Chicken