Mee...lemongrass (Megabox) (已結業)

好耐冇食過泰國菜 今日喺megabox行街 就去咗呢間門面幾吸引嘅泰國餐廳食午飯啦我叫咗個秘製肉骨茶配飯 飲泰式奶茶 排骨煮得非常冧 好易就肉骨分離 都好好食 湯底方面 藥材味唔係特別重 但都相當濃味 送飯一流泰式奶茶方面 唔落糖嘅話就略嫌苦澀 不過味道我就飲唔出同港式奶茶有咩分別 未能留下深刻印象嚟得泰國餐廳 一定冇理由唔試下個芒果糯米飯 所以就嗌咗佢個香芒椰汁糯米飯 首先賣相好吸晴 用壽司碟上碟 擺到好似壽司咁 好特別 我同朋友都忍唔住係咁打卡 食落椰汁味好濃 糯米飯好煙韌 芒果都好好食 正啊!!

呢晚放工去咗Megabox食飯，商場好大，餐廳亦都多，但無幾多間合心水。朋友提議不如食「Mee...lemongrass」，因為經過見到係坐滿人的，比較有信心保證🙈。我一直都想試呢間餐廳，佢喺好多地方都有分店，但內心又有啲掙扎覺得佢個樣唔多好食咁，今日就可以一試廬山真面目😜。食物選擇都幾多，小食、喇沙、粉麵、飯、炒菜等基本嘢都齊，價錢屬中等水平。可能為咗迎合大眾口味，餐廳特設珍珠奶茶同水果茶嘅飲料，而唔係泰式奶茶或沙冰🤣。我哋叫咗一個主菜、一碟炒菜同一個小食拼盤Share食，好彩只係叫咗一個主菜，如果唔係一定食唔哂，因為份量都多👍！Mee...喇沙($84)，喇沙造型唔錯😍，鋪面已經見到有好多配料，包括大蝦、蜆肉、蟹柳、魚蛋、雞蛋、魷魚同豆卜，非常繽紛。麵底係傳統摻摻，即係油麵加米粉，兩樣都好掛湯。湯頭唔錯，香辣得嚟唔會太過火、太辣，幾正😋。不過我哋目測隔離枱叫龍蝦喇沙好似更加不得之了，直頭連個碗都大啲！Mee...小食拼盤($158)，樣樣小食都想食，咁叫拼盤就最適合不過，份量對二人嚟講其實都幾多。炸蝦餅同炸春卷各有四個半件，🍤蝦餅係我最鍾意嘅泰式小食，只要炸得夠脆，蝦膠夠彈牙就好食

MegaBox實在太多唔同嘅食肆，我之前行過呢間餐廳門口好幾次，見到佢個招牌有大大碗龍蝦喇沙，一直都好想試，今日終於嚟咗Mee...Lemongrass試吓佢嘅喇沙。餐牌好多菜式都係圖文並茂，非常清晰。首先必食嘅當然係佢嘅原隻龍蝦喇沙，平時喺出面食一碗喇沙動輒都要起碼$60-$70，但呢度只係$88，就有埋原隻龍蝦，真係平過自己煮啦！大碗麵上放上一隻大龍蝦，簡直無得輸！不過要讚賞嘅唔止係隻龍蝦，而係佢嘅喇沙湯底真係好香甜，而且佢嘅麵底係用上油麵同米粉，唔係間間餐廳做嘅喇沙都會咁正宗用上混合麵底，所以我諗唔到有咩理由唔食呢一個龍蝦喇沙。原隻龍蝦肉質超彈牙！🦞🦞🦞蔗蝦係越南菜中其中一道較著名的菜式，所以我就點了蔗蝦，蔗蝦總共有三件，而且仲配搭埋越南另一菜式濱海，蔗蝦嘅蝦肉爽口彈牙，帶點蔗汁嘅清香，非常惹味！泰式蠔餅主要就係用蛋包住蠔仔半煎炸，再加入蔥花、芽菜等一齊食。每次食泰國菜，我一定要食芒果糯米飯，呢度嘅芒果糯米飯隻碟好得意，係一隻拖鞋型嘅器皿，芒果糯米飯有四小件，另外再有芒果粒同埋有一兜椰汁，我覺得呢度嘅芒果糯米飯嘅特別之處就係佢上面會灑上花生碎，所以食起嚟特別香口。餐廳仲有自家製類