Le Viet (已結業)

今日突然想食越南嘢，上網搵下旺角有咩餐廳好食，見呢間評分不錯就去試下，午餐時間好彩都唔算好多人，唔洗等位就入到去喇兩個女仔唔係食到好多嘢，所以叫左一個lunch set再加小食香茅燒豬頸肉撈檬豬頸肉燒得好香，肉質唔會嚡，仲有少少嫩，幾好味，不過我覺得個汁唔太夠味鹹檸梳打我覺得個鹹檸真係醃得太鹹喇，同埋冇咩檸味，得個鹹味，可以唔洗篤得咁爛，我就係篤得太爛，飲到尾唔係好飲到，青檸梳打會好啲蔗蝦幾好味，蝦滑夠彈牙，咬左幾啖蔗都甜😆鮮蝦米紙卷都係個汁唔係好夠味啦，配料就ok嘅最後我地想叫香芒糯米飯嘅時候，個阿姐話芒果未返，所以叫我地等陣，好彩有時間等，糯米好軟糯，好好味芒果都好甜同埋想特別講，店員服務態度好好

旺角點解咩人都有？因為呢度咩餐廳都有，美食天堂非浪得虛名㗎！就算連越南餐廳，都唔只係食河粉啦明爐燒烏頭就見過，咁wild嘅煮法就第一次食將一整條香茅由魚嘴塞入去，裡面仲放咗其他材料一齊燒製魚肉自然變得好香加埋微微刺激嘅醬料，食落就知甘香超載椰青飯果然唔係得個名，真係瀉到成碟都係，醬汁同海鮮分分鐘仲多過啲飯，食完啲飯，仲可以刨埋綿綿嘅椰肉𠻹黑白糯米飯嘅結實，出面好少食到，而唔係腍啤啤，浸喺椰汁都唔會散開。芒果甜得嚟自然，就算好飽都仲食到綠豆冰比較少見，粒粒綠豆都冇衣，唔鍾意豆衣嘅朋友啱晒喇食咗兩兜飯都係甜，飲埋杯鹹味十足嘅鹹檸梳打中和返晒呢度環境大，服務態度又好，賓至如出埠呀

餐廳嘅主理人係柬埔寨華僑嘅第二代🇰🇭所以主打創新嘅越南新派混合菜色，場內佈置以紅黃藍色作裝潢為主調，行走型格氣派😎💗越式咖哩軟殻蟹配法包($93)咖喱香濃稠身，味道甜中帶辣，椰汁味濃郁，富香茅同薄荷葉各種香料味，配菜有彩椒同洋蔥🥘重點當然係炸至金黃嘅軟殼蟹，𥚃面有蟹肉同蟹膏🦀墊底有幾舊炸薯仔，薯肉好綿密🥔最細心係佢會另上，所以唔會浸到冧哂。另外仲送半條烤至外層脆卜卜，裡面質感煙韌嘅法包，餸埋咖哩汁食一流🥖💗精選越式拼盤($98)🦐炸蝦餅：外表沾上麵包槺炸至香脆乾身，內𥚃嘅蝦膠結實，食落爽口彈牙，味道鮮甜。🌯札肉蒸粉包：滑溜嘅粉皮包住大量豬肉碎、爽口嘅本耳、鮮味嘅冬菇粒同炸香嘅蝦米，味道較清淡。面頭仲有扎肉薄片、炸蒜片同蔥油。🍤春卷：鬆脆春卷皮帶點煙韌，內𥚃包住爽脆嘅木耳、清甜嘅紅蘿蔔絲、Q彈嘅粉絲同少量豬肉碎。點埋酸辣醋食落好開胃。🐷香茅燒豬頸肉：邊位燒得焦脆，油脂經炭燒後好甘香，肉質肥瘦均勻，而且唔算薄身，食落爽口彈牙，充滿肉汁，茅香醃得夠入味。💗生牛肉湯河($68)湯底以大量牛骨、越式香料同草果等餚製 12個鐘而成，味道鮮甜濃郁，湯面清澈唔油膩🍲幼身河粉好薄夠滑溜溜，生牛肉有5成熟

香芒糯米飯 $55100分，芒果又香又甜又多汁，椰奶非常濃郁，包裹住每粒糯米。最有特色係雙色糯米飯，紫米特別煙韌，口感一流。牛油雞翼 $72牛油雞翼上舖滿生蒜同炸蒜，夠足料、勁惹味，雞翼炸到卜卜脆，果然係皇牌菜式。串燒(豬、牛、雞) $56每款串燒都做得唔錯，沙嗲醬濃香花生味，豬肉及牛肉處理得好，肉質咬落一絲絲咁一啲都唔韌。去骨海南雞飯 $72海南雞飯個辣汁同黑醬油調味剛好，最鐘意就係食去骨雞，啖啖肉。蒜蓉炒椰菜苗 $66椰菜苗爽口無渣，我好鐘意食佢既爽脆口感，通常都係食東南亞菜既餐廳先會有，所以每次必點！

今日因為要去旺角行街👻 鋪頭又未咁早開 所以約埋朋友喺旺角附近食咗午餐先shopping😛 朋友話帶我去食呢間越南餐廳唔只有Pho 仲話有好多小食主菜揀 食飽方便去血拼👻👻其實都見到佢有set menu幾抵既 不過就以飽肚澱粉質類多😂😂 我地就要戒澱粉質 所以冇叫到🤔散叫咗1/4隻海南雞 牛油焗大頭蝦！海南雞色澤好靚 雞皮雖然厚啲 但有陣啫喱😛 食落特別滑 好多肉啊！舖底嘅仲有大量椰菜 係烚熟左既 可以食埋蔬菜 幾好wo😍😍牛油焗大頭蝦 menu話一隻有一斤重😍 上到嚟真係好大隻 有成隻手掌咁大😍 大頭蝦鬚仲超長😂 長到食嘅時候有啲麻煩 阻住我😂 大頭蝦肉質彈牙 蝦頭仲有唔少蝦膏！好香！牛油味就唔算好重 反而蒜頭味重啲 炸起好香口！😋最後我哋仲叫咗個香芒糯米飯 份量都好多幾飽 因為紫米同糯米飯各有一個球😂 芒果就唔係話好香甜 但起碼唔算好酸 配左啲甜甜地嘅椰漿 如果芒果再甜啲就正啦😋椰青都好多水 不過椰肉有啲硬 好難撬出來食🙈

幾天前，表哥說要請我們吃飯一聚，叫我在旺角找間餐廳（方便大家回家嘛），我想了想，除了Cafe 外，旺角不趕食客的餐廳也沒幾家，表哥又不喜歡去Cafe，突然想起🤔上次聽朋友說，銀行中心有間不錯的越南餐廳，平日晚上不會太多人，也不會趕走食客，重點是我還沒有吃過😆，一於試試吧！店舖座位蠻多，座位也挺寬闊的👍🏻我們今天點了五個菜及三份甜品。香茅燒木棉魚 $145非常特別而且賣相不錯的烤魚🐟，入面釀着幾片香葉及其他調味料，魚肉雖然有點乾，但很入味。整條魚是用鹽焗的，所以魚皮很鹹，我們都吃剩了不少魚皮😝Le Viet 拼盤 $98炸物新鮮即炸，香脆可口🤩，惟泰式辣醬份量太少，我們要另外問職員多拿一點。豬頸肉非常惹味。蒸粉包的粉皮有點厚，影響了口感，但沾上泰式酸辣醬料，味道還是不錯的。越式咖喱軟殼蟹🦀配法包🥖 $93軟殼蟹的份量有點少，好像不足一隻，而且切得有點散亂，不是一般的分軟殼蟹方法（平分4份或原隻呈上）。🥔薯仔烤得外脆內軟，越式咖喱飄香，味道討好。另法包切好一片片上桌會更方便食客。🍡串燒（半打）🍡 $89份量叫半打可雞、牛、豬全選，肉質軟而不韌，非常惹味。清炒唐生菜 $62也蠻入味的，普普通

之前係尖沙咀食過呢間，記得自己講如果再食要叫更加有越南特色既野，呢日即管找個數🤪見佢係旺角開分店，唔知係咪開左無耐，人流明顯地比尖沙咀少🤔👁‍🗨 生牛肉河粉（7.5/10）💲68大片既生牛肉薄身軟腍，食落帶有牛味，蘿蔔清甜無渣，河粉依舊爽滑，所謂既牛骨熬製湯底無咩味精，有蔥、洋蔥、芫茜、芽菜等，飲完都唔會話口渴😍比起上次食既香茅豬扒河粉，絕對來得更有水準，相信如果有埋我鍾意既九層塔會好滿足🤭👁‍🗨 越式咖喱軟殼蟹鍋（配法包）（7.5/10）💲113呢度採取軟殼蟹另上既醒目做法，咁就唔會浸到濕曬腍身😳食落香脆得黎有肉，仲有微脆皮既炸薯仔係底🥔蘸上唔辣但夠曬香濃既黃咖喱，咖喱入面有青紅椒，配埋一條長長既法包，起碼有五六舊，絕對惹味👁‍🗨 蒜蓉炒椰菜苗（7/10）💲66就咁睇相都應該見到好多蒜頭粒，所以係夠香既蒜味，椰菜苗炒得新鮮爽口🤗👁‍🗨 香芒糯米飯（7/10）💲55唔少得飯後甜品，個芒果比較薄身，而且稍微熟透，但勝在入口幾甜😈佢有暖暖地既糯米同紫米，食落黏黏地不失煙韌，但係如果可以再淋多啲椰漿就更好🔛 整體評分（7.5/10）