玉葉越式料理

营业中

休息中

呢間之前試過堂食，印象食物水準都可以。今次試咗叫外賣自取，落咗單15分鐘左右就有得攞，都算幾快手。今次叫咗香茅燒雞牛油果三文治，睇相見過賣相幾靚，好可惜今日冇晒牛油果，跟咗個青瓜同生菜。燒雞都仲熱辣辣，連埋醬同青瓜都幾好味，幾清新。平時比較少食撈檬，試咗個香茅燒豬扒撈檬，個豬扒都幾香口，可能外賣關係，唔係幾夠熱，但味道係幾好食。另外要咗個燒牛肉米紙卷，一份有四件，跟埋類似食乳豬點嘅醬，味道都ok喎。

到日出康城探朋友，和朋友食個下午茶。新商場選擇不多，見這間光猛闊落，便入去。對越南菜無什麼期望，因為總覺得間間都差不多，但今次竟然覺得有值得一提的地方。香茅豬扒湯河粉一上枱，心裏面已嘩了一聲，因為好多好多芫荽蔥，對喜歡芫荽蔥的人來說是非常歡喜。撥開芫荽蔥看看，又再嘩多一聲，塊豬扒是厚切呀，咬一口，腍滑有汁，非常好食。湯底和河粉正正常常，與其它越南餐廳差不多。香芧燒雞撈檬也是以燒雞取勝，燒得夠香夠嫩，這店的燒烤師傅好得。至於檬粉、配料和越式酸汁也是正正常常，還是個句：與其它越南餐廳差不多。香茅燒雞牛油果三文治也做得不錯。燒雞同樣有水準。牛油果適量不算多，但那片厚切青瓜片是一讚，讓整個包都加了分。